Mitteko 6:3 - Mawu a Mulluku

³ Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Mitteko 6:3 Iomraidhean Croise

Eksodo 18:21

Komattho munaphwanella wi ovenyera mwa athu attheenaalla, mwaatthoolle allopwana eezeru, oomoova Mulluku, oororomelleya ni oohaakhella ddamukaphwani nave mwaakeraatthihe yaalla wi ekhalle amodda oohoollella athu 1,000, amodda a athu 100, amodda a athu 50 ni amodda a athu khumive.

Yesaya 28:26

Vawi Mullukwaaye sika anamulangiza ni omuhuddiha mwawookowa.

Yesaya 28:6

Oweeruza eneerovahiwa murima woolungama nave eneerewaallipiha murima attheene enallipana ni adani va millako dda muzinda.

Mateyu 23:8

Nyuwaano muhiromolliweke wi ‘Ahuddihi’ kaambiiwa muri ni ahuddihi amoddave nave nyuwaano attheene tti musinne ni murokoriye.

Yohane 21:23

Sika epilli yeella yaavuwa variyari va oohuddera a Yesu wi oohuddera yoolla khakhwa. Koma Yesu khaallotille wi khakhwa, aallotille wi, “Kapaalla wi olliyoolla ahikhwe ophiyera kihokollowille, weyaano ddenndda orina mutteko tini?”

Mitteko 1:15

Viviralle mallapo ooyeva waakhalla mutthukumano wa ookhulupililave 120. Vano Petro ahiimella allota wi,

Mitteko 1:21

“Sika tti woophwanella wi mullopwana mmodda atthoolliwe wi akhalle mboni a ovenya wa ookhwa wa Apwiya Yesu. Anaphwanella akhalle mmodda a allopwana ayo yaari nimodda ni hiyaano enthawi ettheene naariihu nimodda ni Apwiya Yesu, waambeella mvo Yohane amubatizilleeye ophiyera nllapo awellihiweeye oya oddullu ovenyera wa hiyaano.”

Mitteko 10:22

Alliwaayo yahaakhulla wi, “Korineliyo, akhoto muullupalli a o Roma a mulloko wa akhoto 100 sika anirumalle. Olliyoolla tti muthu oolungama ni oomoova Mulluku nave Ayuda attheene ennamuvaha olemu. Mungelo a Mulluku sika amulleelle wi awiithaneni muye onyumbani waye wi iiwe eyo munaalloteenyu.”

Mitteko 15:23

Nave yaawinnyera kalata oollota wi, “Ovenyera wa amurummwa, attekweene ni ookhulupilila akhwiinyu oya wa ookhulupilila akhwiihu ayo ehiri Ayuda mu etawoni ya Antiyokeya, mu ezigawo dda Siriya ni Silisiya, nnihina mooni.

Mitteko 16:2

Ookhulupilila attheene a o Listara ni Ikonio yaallota ddaphaama dda Timoteo.

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Mitteko 22:12

“M'muzindanimmo mwaakhalla muthu nnddina naye Ananiya.* Muthu oomullapella Mulluku oyo athwara malamulwaahu nave aarittho oovahiwa olemu ni Ayuda attheene ookhalla wenko.

Mitteko 28:14

Nahaaphwanyawo ookhulupilila amodda wenko ayo yanikohille wi nikhallena wa mulungu mmodda nave omamallihello naaphiya o Roma.

Mitteko 6:2

Vano amurummwa khumi ni eellaayo yahiithaniha mulloko wookhulupilila muttheenooyo vamodda ellota wi, “Khe ddaphaama wi hiyaano nihiye ollalleya mawu a Mulluku wi niwehereke okawiwa wa ddoocha.

Mitteko 6:5

Athu attheene yaahakallalla ni nnddo yallotille amurummwa, sika yaamutthoolla Sitefano, muthu ooddalla ni echikhulupililo ni Munepa Waweella. Navettho yahaatthoolla Filipo,* Prokoro, Nikanore, Timoni, Parmenasi ni Nikolasi a o Antiyokeya* oyottho ahaari Muyuda koma athwara echikhulupililo ya Ayuda.

Mitteko 6:6

Mullokooyo wahaavelleella athwaayo wa amurummwa, ayo yaavekenlle navettho yaadalisalle vawiiyaatthini mattiiwa va miru ddiwa.

Mitteko 9:30

Ookhulupililaayo yiiwalliiwa ya yeella, yaamukusa Saulo eyaana o muzinda wa Kaisareya nave emurumiha o Tariso.

1 Akorinto 12:8

Munepa anamvaha muthu mmodda othenga wa ezeru nave Munepa mmoddamoddave yooyo anamuvaha muthu mmodda othenga woodduwelliha.

1 Akorinto 16:3

Kawa kiphiya, kineerowinnya makalata ayo mwaatthoonlleenyu nave kineerewaaruma wi yavelleelle emphaswaanyu o Yerusalemu.

Aefeso 5:18

Muhilezeleke ni vinyo kaambiiwa olezela onneeriha ddeko ddoonanara koma muhoollelliwe ni Munepa Waweella.

Deuteronomo 1:13

Atthoolleni athu amodda eezeru, awiiwesesa ni oodduwanyeya phaama ovenyera o nirive nlloko nave miyaano kineerewaakeraatthiha wi ekhalle oohoollella variyari vanyu.

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.

3 Yohane 1:12

Arive muthu annavelleella omboni waphaama wa Demetrio naari yawooneeyo tti mboni. Naheenettho ninnavelleella ombonaahu nave munnadduwella wi ninalloteehu tti ddawoona.