Mitteko 5:5 - Mawu a Mulluku

⁵ Ananiya iiwalleeye mawu yaalla, ahiikuha akhwa nave attheene ayo yiiwalle dda yeella yahoova.

Mitteko 5:5 Iomraidhean Croise

2 Mamwene 2:24

Vano Elisha aarukunuwa nave awoonille asombwaayo, ahaatembelela mu nnddina na Apwiya. Nave vaakhumellella ezimbalangondo piilli ddeetthiyana ovenyera ohakani ddiwiipha asombwe 42.

1 Epilli 13:12

Vano nllapo nenno Davide aamoova Mulluku nave aallota wi, “Ethiyo kinaaphiyena mwawiidde nibokosi na Mullukunna?”

1 Epilli 15:13

Vawi khe nyuwaano mwanitukhullalle vawaamba valle, Apwiya Mullukwaahu yaanillaka ekaamba yawi khenaanipwathille moollikana ni mmo yapaallelliiwa.”

Masalimo 119:120

Mwiillaaka onnatthukumella ekaamba yoowoovani, kinnoova echiweruzwaanyu.

Masalimo 64:9

Sika athu attheene eneerewoova, eneerollota dda mitteko dda Mulluku, eneeroganizella nnddo eerilleeye.

Yeremiya 5:14

Sika ekaambiiwa Apwiya Mulluku Amasiva Mattheene enallotiiwa wi, “Vawi ellotille ddiidda, kineerewaatthattusa mawaaka munllo muwano mwawo. Kineerewaatthattusa ekhuni nave munllo oneerewaashellelliha.”

Ezekiele 11:13

Killotellaka, Pelatiya mwaana a Benaya aakhwa. Vano kahiimoriha moopopheya ekhove vatthi kikhuwa wi, “Nyu Apwiya Mulluku, ethiyo munapaalla wi mwaamallihe Aisraele attheene oohalla?”

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Mitteko 13:11

Vano Apwiya eneerewuullaka weyaano nave oneerokhalla oohoona sika khawoona nndduwa wa mwaneenthawi.” Enthawi yeeyo m'mwiitthoni mwa Elamasi mwaawa epiphi nave aamba owaasha athu awi emuhoollelleke.

Mitteko 2:43

Ddoottikhiniha ni ezizindikiro ddinchichi ddaheeriwa ni amurummwaayo nave athu attheene yahoova.

Mitteko 5:13

Kheyaarivottho athu amodda ayo yatthukumannena vamodda ni mpingooyo kaambiiwa athu yaanoova koma athwaayo yaanallota ddaphaama ddiwa.

1 Akorinto 4:21

Munapaalla tini? Kiwe wa nyuwaano ni ekopo yawuuwashullanani apaalle ni murima wa echikondi ni woomaalleya?

2 Akorinto 13:10

Kinamulemba kalatoolla kihinaphiye wi kaphiya kihikhalle oowalli voopharihani mutteko olamulello oyo Apwiya yakivahilliiwa. Olamulello yoolla tti wawuullipihani ohiri wawuumwarani.

2 Akorinto 13:2

Va olendwaaka waneepiilli kahaachenjeza khalleve athu oochimwaayo ni athu amodda attheene. Nave vano kinimuuchenjezani wiilli wi kawa khaavo anaathawe ollakiwa.

2 Akorinto 7:11

Ngoonani nnddo mwaakhenlleenyu ovenyera mwa ddoovoriiha murima ddoovenyera wa Mulluku. Mwaakhalla antthitti, mwahiiteteza wunchichi, mwamushella murima mwanamunninyu olle achimwalle, mwaarurumuseya, mwaakikhallella munkhella wi mukoone navettho mwaapaalla wunchichi omullaka mwanamunninyu olle achimwalle. Mohooniha mu ddeko ddittheddenenndda wi khamunna yoonanara.

Deuteronomo 13:11

Sika Aisraele attheene yiiwa ddeereyillennddo eneerewoova nave khaavo oyo anaakullelle weera yoonanara wonanko yeella variyari vanyu.

Deuteronomo 21:21

Vano athu a m'muzindanimmo emwiiphe voomuvokhani malluku nave mwawi ddiidda muneerovenyihavo yoonanara variyari vanyu. Aisraele attheene eneerewiiwa ddenndda nave eneerewoova.”

Yoswa 22:20

Upuwellani wi Akani, mwaana a Zera, aakhoota wiiwellella malamulo a ddeko ddoophwanella woonongiwanndde nave osha murima wahaamorella Aisraele attheene, ahoonongeya yeekhaayeve muthooyo ekaamba ya ochimwa wayenko.’ ”

Yawuupullulla 11:13

Enthawi yeeyo vaakhalla echivomerezi va emodda mwa ezigawo khumi dda muzinda ekumuwa nave athu 7,000 yahiiphiwa. Amodda oohallaayo yahoova nave yaatitimiha wunnuwa wa Mulluku Muullupalli.

Yawuupullulla 11:5

Muthu apaalla wi aaphoriihe, munllo onnakhuma muwano mwiwa owoononga adaniiwa. Sika emoddamoddave yeeyo, arive muthu anapaalla waaphoriiha iiphiwe.