Mitteko 5:32 - Mawu a Mulluku

³² Hiyaano tti amboni a ddeko ddenndda vamodda ni Munepa Waweella, oyo Mulluku aavahilleeye ayo enamwiiwellella olliye.”

Mitteko 5:32 Iomraidhean Croise

Yohane 7:39

Yesu alloteeye ddenndda allota dda Munepa oyo ookhulupilila mwa olliyooyo eneeriiwa yaakhelle. Va enthawi yeeyo Munepa Waweellooyo waari ohinavahiwe kaambiiwa Yesu aari ahinatitimihiwe.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Mitteko 10:44

Vano Petro allotakave ddiiddo, Munepa Waweella aakitthella va attheene yiiwella othengaayoolle.

Mitteko 13:31

Nave wa mallapo manchichi ahooneya wa ayo yamuthwanre ovenyera o Galileya oya o Yerusalemu. Vano alliwaayo tti amboni wa athu a o Israele.

Mitteko 15:28

Sika moowiiwanana ni Munepa Waweella nooganiza wi nihuureyeni ddeko ddoollemella waanjerera va ddennddave ddoopaalleya ddawi

Mitteko 2:32

Olla tti Yesu oyo Mulluku amuvenyihalleeye wa ookhwa nave attheenehi niri amboni a yeella.

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Mitteko 5:29

Koma Petro ni amurummwa akhwaayaayo yahaakhulla wi, “Ninaphwanella omwiiwellella Mulluku ohiyana ni owiiwellella athu.

Aroma 8:16

Munepa a Mulluku anniiwanana ni mirima ddahu wi hiyaano tti anamwani a Mulluku.

2 Akorinto 13:1

Vano ella tti enthawi yaneeraru kinaweemi wa nyuwaano. Mawu a Mulluku eni, “Orive mullatu osimikizelliweke ni amboni eelli apaalle araru.”

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.