Mitteko 4:36 - Mawu a Mulluku

³⁶ Nave waakhalla muthu mmodda nnddina naye Yosefe a nlloko na Levi oyo avenyera o Kupro. Amurummwa yaamuvaha nnddina nawi, Baranaba ottaphullella wi, “Oollipiha murima.”

Mitteko 4:36 Iomraidhean Croise

Mariko 3:17

Yakobo ni mwanamunne Yohane, anamwani a Zebedayo (ayo Yesu aavahilleeye nnddina nawi Aboanereje ottaphullella wi, amasiva wonanko ogugudeya wa murimu),

Mitteko 11:30

Vano yaheera yeella voowinnyani Baranaba ni Saulo makobiri wi yawinnye attekweene a mpingooyo.*

Mitteko 12:25

Baranaba ni Saulo yamallihalliiwa muttekwiiwa yaahokollowa ovenyera o Yerusalemu, emukusalle Yohane Mariko.

Mitteko 13:1

Mumpingoni wa Antiyokeya* waakhalla anamallotella ni ahuddihi alla: Baranaba, Simiyoni (ooromolliwa Ooripa), Lusiyo (oovenyera o Kurene), Manaene (oyo unnuwelle nimodda ni Herode)* ni Saulo.

Mitteko 13:15

Yamallihalliiwa weerenga ovenyera mu malamulo a Mose ni ehuddiho ya anamallotella, attekweene a mu enyumba yamavekello yahaarumihella mawu awi, “Akhwiihinyu, hiyaano ni napaalla wi mullote wa athwaalla mwaarina mawu owaallipiha murima.”

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Mitteko 13:4

Yarumiwiiwa ni Munepa Waweella, Baranaba ni Saulo yaaya o muzinda wa Seleukiya nave yaheeta vakallawani ovenyera wenko nave yaphiya o echilumba ya Kupro.

Mitteko 15:12

Mulloko wa athu muttheene khawaallotille ello mvo yawiiwellelliiwa Baranaba ni Paulo ellotoka dda ezizindikiro ni ddoottikhiniha ddittheddene Mulluku eerilleeye oweella mwa alliwa variyari va athu ayo ehiri Ayuda.

Mitteko 15:2

Nave Paulo ni Baranaba yaavaanyihanana athu oovenyera o Yudeyaayo moollipa dda yeella. Sika yahiiwanana wi Paulo ni Baranaba owaaka athu amodda o Antiyokeya eye o Yerusalemu yawoone amurummwa ni attekweene wi yakambirane dda ehuddihweella.

Mitteko 15:37

Baranaba aapaalla wi amukuse Yohane Mariko.

Mitteko 15:39

Nave vaakhalla okangana variyari va Paulo ni Baranaba sika yaamwallana, Baranaba amukusa Mariko ewella mukallawani enaya o Kupro.

Mitteko 21:16

Oohuddera amodda oovenyera o Kaisareya yaanivelleellattho o enyumba ya muthu nnddina naye Mnasoni wi nakhalle wenko. Aari oovenyera o Kupro nave aari oohuddera waambeella khalle.

Mitteko 21:3

Nave naaphiya vanipuroni nawi naayoona echilumba ya Kupro nave naheetella onnatta noonyottho naphiya o Siriya. Naaya o Tiro vawi ekallawa yaatukhulla ddeko ddinchichi sika ddaphwanella wi ddakitthihiwemo.

Mitteko 27:4

Navenyilleehu wenko naaweella o echilumba ya Kupro ekaamba ya ephevo eyo yoopa mowoopana ni hiyaano.

Mitteko 9:27

Koma Baranaba aawa amukavihera nave amukusa ayaana wa amurummwa. Ahaatthopoollella ddeereye wi Saulo aawoona Apwiya vamusewuni nave yaallotana. Ahaalleellattho wi Saulo aallipa murima voollalleyani mu nnddina na Yesu mu Damasiko

1 Akorinto 14:3

Koma ayo enallotella enallota wa athu wi yaakavihere, yaallipihe ni waakeraatthiha murima.

1 Akorinto 9:6

Apaalle Baranaba ni miyaano tti weekhiihu ninaphwanella ophara mutteko wi nikhallena makobiri?

Agalatiya 2:1

Viviralle miyakha khumi ni misese kaahokollweella o Yerusalemu vamodda ni Baranaba owaakattho Tito.

Agalatiya 2:13

Ayuda amodda yahaambattho okhalla wonanko Petro nave naari Baranaba aakuseya murima ni makhallello awootthaayo.

Agalatiya 2:9

Yakobo, Petro ni Yohane ayo yooneya wi tti oohoollella, yaadduwella wi Mulluku aakivaha mutteko waphaama yoolla, sika yaaniphara matta miyaano ni Baranaba woonihella wi attheene naari awaattana. Nahiiwanana ni Baranaba wi naphare mutteko variyari va athu ayo ehiri Ayuda nave alliwa variyari va Ayuda.

Akolose 4:10

Aristariko, oyo ari mundende ni miyaano, anuuvahani mooni. Navettho Mariko mullamwaaye a Baranaba anallota wi mooni. Mohaakhella khalle malangizo oomwaakhellella Mariko aphiya wenko.