Mitteko 4:34 - Mawu a Mulluku

³⁴ Khaarivo muthu a va mullokwiiwa oyo aari oopaalla ello. Vawi ayo yaari ni emata apaalle enyumba yaanakulliha nave makobiri yaakhelliiwa yakulliha yaanawaana,

Mitteko 4:34 Iomraidhean Croise

Mateyu 19:21

Yesu aallota wi, “Wapaalla okhalla aphaama wunchichi, khawe wakullihe ddeko oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Mariko 10:21

Yesu aamuwehesesa moomukonda allota wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Luka 16:9

Yesu aallotave wi, “Kinimuulleellani wi, mwiiphwanyelle akhwiinyu voopharihani mutteko eyuuma ya va ellapo yavatthi wi yamalla mwaakhelliwa owaani woohimalla, oddullu.

Luka 22:35

Yesu ahaakoha oohudderaaye wi, “Kuurumalleemini kuulamulani wi muhikuse makobiri, nthumba na voolendoni apaalle esapato, mwaapaalla ello?” Alliwa yaallota wi, “Khanaapanlle ello.”

Mitteko 2:45

Yaanakulliha emata ddiwa ni ddeko ddiwa ddoohiyanahiyana, enakawana attheene makobiraayo, ollikana ni ohoowa wa muthooyo.

Mitteko 4:37

Aakulliha emataaye awaana makobiraayo, aavelleella wa amurummwa.

2 Akorinto 8:14

Nave vawi mookhalla ni ddawaata va enthawi yeella, tti waphaama wi mwaakavihere allupa oohoowa. Sika, nyuwaano mwahoowa, alliwa yakhalla ni ddawaata, eneerewuukaviherani. Sika vineerokhalla ophwanaphwana.

Deuteronomo 2:7

“Valle Apwiya Mullukwaanyu yahuudalisani va mitteko ddittheddene mweerillaanyu. Yahuupwathani va olendwaanyu muchipululuni yuullupalleella. Apwiya Mullukwaanyu yaakhalla ni nyuwaano va miyakha 40 ddittheddenenndda nave khemwaaramille erive ello.

1 Atesalonika 4:12

wi athu oohikhulupilila yuuvahekeni olemu nave wi muhimuroromelleke arive muthu va ddoopaalla ddanyu.

1 Timoteo 6:19

Vawi vaweerani ddiidda eneerewiisungella eyuuma eyo enaakhalle matthipello a muhoollo wi epharesese okumi oyo ori okumikumi.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.