Mitteko 4:19 - Mawu a Mulluku

¹⁹ Koma Petro ni Yohane yaawaakhulla wi, “Mukamulle nyookha waari waphaama wa Mulluku, owiiwellellani nyuwaano apaalle omwiiwellella Mulluku.

Mitteko 4:19 Iomraidhean Croise

1 Mamwene 12:30

Vano ddenndda ddahaachimwiha Aisraele attheene vawi athu amodda yaanallapella nifano o Beteli nave amodda o Dani.

1 Mamwene 13:19

Sika aahokollweellana onyumbani waye nave aacha ni owirya.

1 Mamwene 14:16

Vano Apwiya eneerewaahiya Aisraele attheene kaambiiwa Yerobowamu ahaachimwiha Aisraele.”

1 Mamwene 21:11

Sika athu a mu m'muzindani mmo mwakhalla Naboti, attekweene ni oohoollella yaheera moollikana ni mmo Yezebele alamulelleeye, monga mwalembelliwe makalata aarumihalleeye.

1 Mamwene 22:14

Koma Mikaya aallota wi, “Kinimallupella vamiitthoni va Apwiya wi kinaallote nnddo Apwiya enaakilleelliiwa.”

2 Mamwene 16:15

Vano mwene aamulamula mullupa mukutho wi, “Va nikuwa nuullupallinno ovelleellevo mikutho ddooshellelliha dda ohinase navettho yoovelleella ya misikuwa ya yoocha. Ovelleellekettho mikutho ddooshellelliha ni mikutho dda othu dda mwene navettho dda athu attheene a mwiillaponi mutthemwenemmo ni ddoovelleella dda yoowirya. Nave va mikuthomvo ohellevo nikhame nittheene na mikutho ddooshellelliha ni mikutho ddittheddene. Koma nikuwa namukuwanno kineeronipharihella mutteko vawoombesani.”

2 Mamwene 16:16

Sika Uriya mullupa mukutho aheera ddittheddenennddo moollikana ni mmo alamulalle Ahazi.

Masalimo 58:1

Nyu oolamulella, ethiyo munnakamulla mullatu mwa echilungamo? Ethiyo munnaweeruza athu mwawoona?

Eksodo 1:17

Koma azambaayo yaanamoova Mulluku, mwawi mawu a mwenaalle kheyaawaapwathillettho, sika anamwani aallopwanaayo yaanaahiya ni okumi.

Yeremiya 26:12

Vano Yeremiya ahaalleella oohoollella ni athu attheene wi, “Apwiya sika yakirumalle wi killalleye mawu mattheene mwiiwalleenywaalla oollota dda enyumbiiwa ni muzindoolla.

Daniele 3:18

Koma aaheera ddiiddo, dduwellani amwene wi khanirumeyellave milluku ddanyu ni ollapella nifano nanyu nagolide mwaniimesilleenyu.”

Daniele 6:10

Daniele iiwalleeye wi lamulonna nookeraatthihiwa aavollowa mpa mwaye. Mu echipindaaye yavaddullu mwaakhalla mawindo ooweha o Yerusalemu. Nave mwemmo aanakokhora vatthi oraru vanllaponi anavekella ni omutitimiha Mullukwaaye moollikana ni mmo eerelleeye khalle.

Hoseya 5:11

Aefuremu ennanyingallelliwa, ennallakiwa ekaamba ya owiiwellella amodda.

Amosi 7:16

“Sika vano ngiiwa mawu a Apwiya awi, ‘We onakilleella wi kihillotelle ddawaavaanyiha Aisraele ni nibanja na Isaki.’

Mika 6:16

Moosunga makhallello oonanara a mwene Omuri ni mitteko ddittheddene dda nibanja na Ahabu. Ekaamba yawi moothwara ettilla ddiwa ddittheddene, miyaano kineerewuutthollosani. Mitundu ddimodda dda athu oneerekewuusoonyani nave orive weko athu eneerewuuvevullani.

Mateyu 22:21

Yahaakhulla wi, “Dda Kaisara, o Roma.” Vano Yesu aallota wi, “Ddawoona, sika velleellani wa Kaisara nnddo ddiri dda Kaisara nave velleellani wa Mulluku nnddo ddiri dda Mulluku.”

Luka 22:8

Yesu ahaaruma Petro ni Yohane aalleella wi, “Khaweni mwanikhozere yoocha ya Paska wi niche.”

Yohane 7:24

Muhineeruzaka vawoonani makhallello koma mweeruzeke mwawoona.”

Mitteko 4:13

Attekweene a Ayuda yoonilliiwa ollipa murima wa Petro ni Yohane nave wi yaari athu shisha oohihuddera, yaattikhina. Navettho yaadduwella wi yaanakhalla vamodda ni Yesu.

Mitteko 5:28

Aallota wi, “Valle nahuuhiihani wi muhihuddihe wiilli muromollaka nnddina na muthu yoolla koma moovuwiha ehuddihwaanywiilla mu Yerusalemu mutthewene nave munapaalla muniphwanyelle mullatu wawi tti hiyaano namwiiphalle!”

Mitteko 5:29

Koma Petro ni amurummwa akhwaayaayo yahaakhulla wi, “Ninaphwanella omwiiwellella Mulluku ohiyana ni owiiwellella athu.

1 Akorinto 10:15

Kinallota wa nyuwaano, athu eezeru, sika ganizerani weekhiinyu ella kinalloteemi.

2 Akorinto 4:2

Noohiya ddaweera ddawiipittheya ni ddoowulliha muru nave ddaweera ddahu khe ddawoottha apaalle waanganyera mawu a Mulluku. Koma ninnallalleya ddawoona vaweella wiitetheella wonanko omboni wa arive muthu ni vamiitthoni va Mulluku.

Aefeso 6:1

Anamwaninyu vawi muri mu eyaattano ni Apwiya, muwiiwellellekettho makhollwaanyu. Yeella tti ello yoophwanella weera.

1 Timoteo 2:3

Vawi ella tti yaphaama nave tti yawaakhelleya vamiitthoni va Mulluku oovullusaahu,

Aheberi 11:23

Ekaamba ya echikhulupililo, ayariwe Mose, makhollwaaye yaamuvittha miyeri miraru, emoonille wi ari oreera. Kheyaawooville ohiiwellella malamulo a Farao a o Iguputo.

Yakobo 2:4

Weera ddiiddo, wenkothi tti okondella variyari va nyookha nave echiweruzwaanyu enavenyera m'maganizoni oonanara.