Mitteko 4:13 - Mawu a Mulluku

¹³ Attekweene a Ayuda yoonilliiwa ollipa murima wa Petro ni Yohane nave wi yaari athu shisha oohihuddera, yaattikhina. Navettho yaadduwella wi yaanakhalla vamodda ni Yesu.

Mitteko 4:13 Iomraidhean Croise

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Mateyu 26:71

Nave akhumeeye oya omullakoni, mullupa mutteko mmodda aamutthiyana aamoona allota wa athu yaari vaavo wi, “Oyottho aari nimodda ni Yesu oovenyera o Nazareti.”

Mateyu 26:73

Evinre enthawi yooyeva athu ayo yiimenlle vaavo yaawa wa Petro ellota wi, “Ddawoona, weyaanottho ori mmodda a yaayo. Vawi mallotellwaawo ennuudduwanyeyiha weyaano.”

Luka 22:8

Yesu ahaaruma Petro ni Yohane aalleella wi, “Khaweni mwanikhozere yoocha ya Paska wi niche.”

Yohane 19:26

Vano Yesu awoonilleeye amennya ni oohuddera oyo aamukondilleeye yiimenlle vaavo, ahaalleella amennya wi, “Mutthiyana, ngoonani, olla tti mwaninyu.”

Yohane 7:15

Attekweene a Ayuda yaattikhina ellota wi, “Muthu yoolla, anadduwella mwawiidde ddeko ddinchichi ahinahuddere?”

Yohane 7:49

Koma athu ayo ehinadduwella malamulo a Mose ennamukhulupilila sika tti ootembeleliwa!”

Mitteko 4:14

Koma kheyaari ni yoollota kaambiiwa yaamoona muthu oochirihiwooyo iimenlle vamodda ni Petro ni Yohane.

Mitteko 4:19

Koma Petro ni Yohane yaawaakhulla wi, “Mukamulle nyookha waari waphaama wa Mulluku, owiiwellellani nyuwaano apaalle omwiiwellella Mulluku.

Mitteko 4:29

Vano, Apwiya, neerelleni echifundo kaambiiwa ennanoopopiha nave nillipiheni hiyaano oorumeyellaanyu wi nillote othengaanyu moollipa murima wunchichi.

Mitteko 4:31

Yamallihalliiwa ovekellanko, vanipuroni mvo yatthukumanniiwa vaatikheya. Attheenaayo yaaddalliwa ni Munepa Waweella nave yaamba ollalleya othenga wa Mulluku moollipa murima.

Mitteko 9:27

Koma Baranaba aawa amukavihera nave amukusa ayaana wa amurummwa. Ahaatthopoollella ddeereye wi Saulo aawoona Apwiya vamusewuni nave yaallotana. Ahaalleellattho wi Saulo aallipa murima voollalleyani mu nnddina na Yesu mu Damasiko

Mitteko 9:28

Vano Saulo aakhalla ni alliwaayo eeteeta mu Yerusalemu mutthemwene allalleyaka moollipa murima mu nnddina na Apwiya.

1 Akorinto 1:27

Koma Mulluku aatthoolla nnddo ddiri ddookarangeya vamiitthoni va athu wi aawullihe muru athu eezeru. Aatthoolla nnddo ddiri ddoofooka wa athu wi aawullihe muru athu amasiva.

1 Akorinto 14:25

Dda m'murimani mwanyu ddineerewuupullulliwa nave ekokhora omullapella Mulluku waakhullella wi, “Ddawoona Mulluku ari variyari vanyu!”

2 Akorinto 3:12

Kaambiiwa nookhalla ni etiyerello yeella, khaninoova voollalleyani othenga.