Mitteko 4:1 - Mawu a Mulluku

¹ Petro ni Yohane yallotiiwa wa athu, allupa mukutho amodda ni oohoollella a akhoto oowehera enyumba ya Mulluku vamodda ni Asaduki* amodda yaaphiya.

Mitteko 4:1 Iomraidhean Croise

Mateyu 16:12

Vano oohudderaalle yahiiwesesa wi khaalleelle ddawi echenjerekena yisiti koma echenjerekena ehuddiho yawoottha ya Afarisi ni Asaduki eyo yaari wonanko yisiti.

Mateyu 22:16

Koma yaanaarumiha wa Yesu oohudderiiwa amodda ni athu a mulloko wa Herode.* Yaayo yaallota wi, “Ahuddihi, ninnadduwella wi munnallota ddawoona. Munnahuddiha ddawoona dda opaalla wa Mulluku wa athu nave muhikhupanyeke dda wi athu enuuganizerekeni tini kaambiiwa khamunawehattho ekhove.

Mateyu 27:20

Koma allupa mukutho uullupalli ni attekweene a Ayuda yahaakopa athwaalle wi emuveke Pilato amuttaphulle Baraba nave Yesu iiphiwe.

Mateyu 27:41

Emoddamoddave yeeyottho allupa mukutho uullupalli ni ahuddihi a malamulo* ni attekweene a Ayuda yaamullotella epewe wi,

Mateyu 3:7

Vano Yohane awoonilleeye athu anchichi a mulloko wa Afarisi* ni wa Asaduki* ewaaka wi alliwattho ebatiziwe, ahallotella wi, “Nyu enowa! Ttaani uulleelleni wi muthawe ollaka wa Mulluku onawanko?

Luka 20:1

Nllapo nimodda Yesu aariiye mu enyumba ya Mulluku aahuddihaka athu ni ollalleya othenga waphaama, allupa mukutho uullupalli, ahuddihi a malamulo* ni attekweene a Ayuda* yaawa.

Luka 22:4

Yudasi aaya akambirana ni allupa mukutho uullupalli ni attekweene uullupalli a oowehera enyumba ya Mulluku dda ettilla yoomuvelleellella Yesu waalliwaayo.

Yohane 15:20

Upuwellani kuulleelleemini wi, ‘Kaporo khanaakhwaranya apwinnya.’ Amodda yaakihoosa miyaano, sika amodda eneerewuuhoosanittho nyuwaano. Amodda yaathwara ehuddihwaaka, sika amodda eneerothwarattho yaanyu.

Yohane 18:3

Vano Yudasi aakusa mulloko wa akhoto a o Roma ni oowehera enyumba ya Mulluku oorumihiwa ni allupa mukutho uullupalli ni Afarisi,* ayaana omatanko. Yaatukhulla enyali ni mitthiko ni ezida dda ekhoto.

Mitteko 4:6

Yaakumana ni Anasi, mullupa mukutho muullupalli ni Kayafa, Yohane ni Alekizandro navettho athu attheene amodda a munibanjani na mullupa mukutho muullupallooyo.

Mitteko 5:17

Vano mullupa mukutho muullupalli ni akhwaaye, ayo yaari a mulloko wa Asaduki,* yahaakhallella ehache amurummwaayo, sika yaapaalla oweerella ello.

Mitteko 5:24

Ooholleella a oowehera o enyumba ya Mulluku ni allupa mukutho uullupalli yiiwalliiwa yeella, yaahalleelliwa nave yaanakhupanya eyo enaaweereye muhoollo.

Mitteko 5:26

Vano ooholleella ni oowehera o enyumba ya Mulluku yaatimulla eya yaakusattho amurummwaayo. Kheyawaakusalle mwakhoto kaambiiwa yawoova athu wi yaawerowaavokha malluku.

Mitteko 6:12

Sika Ayuda, attekweeniiwa ni ahuddihi a malamulo* yaamushella murima Sitefano. Yaamuphara Sitefano emukusella vanthatoni namillatu.

Mitteko 6:7

Mawu a Mulluku yaavirellella ovuwa. Nave ookhulupilila a mu Yerusalemu yahaata nave allupa mukutho anchichi yahaakhullella echikhulupililweeyo.