Mitteko 3:6 - Mawu a Mulluku

⁶ Koma Petro aamulleella wi, “Makobiri nginna koma kineerewuuvaha kiriimina. Mu nnddina na Yesu Khrisitu o Nazareti kinuulamulella wi, venya weete.”

Mitteko 3:6 Iomraidhean Croise

Mateyu 10:9

Muhikuse makobiri a golide, siliva apaalle makobiri a mutundu mmodda mu mathumbani mwanyu,

Mateyu 7:22

Va nllapo na echiweruzo, athu anchichi eneerollota wi, ‘Apwiya, Apwiya! Mu nnddina nanyu naallotella mawu a Mulluku, mu nnddina nanyu naakhumiha minepa ddoonanara ni mu nnddina nanyu naheera ddoottikhiniha ddinchichi!’

Mariko 14:8

Yoolla oheera yoophwanella wi eere vookimiminellani makhura vamwiillini vaka okikhozera dda ovitthiwa waka.

Mariko 16:17

Ookhulupililaayo eneerokodduwanyeya kaambiiwa eneerekeweera ddoottikhiniha. Eneerokokhumiha minepa ddoonanara vooromollani nnddina naka nave eneerekollota ellotello ddoohidduwanyeya.*

Yohane 19:19

Pilato aalemba edduwanyeyiho iiyaatthi vamutandani. Aalembille wi, “Yesu a o Nazareti, Mwene a Ayuda.”

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Mitteko 16:18

Namwalloolle aheera ddenndda wa mallapo manchichi ophiyera Paulo aananariwana nave arukunuwa allota wa munepa woonanarooyo wi, “Mu nnddina na Yesu Khrisitu kinuulamula weyaano wi okhumemo mwa namwalloolla!” Enthawi yeeyo munepa woonanarooyo waakhumamo.

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Mitteko 2:36

“Vano Aisraele attheene edduwellesese wi Yesu olla mwamutthomeyilleenyu vamutandani, tti oyo Mulluku amweenreeye wi akhalle Apwiya navettho Mesiya!”

Mitteko 3:16

Nnddina naye ni echikhulupililo mu nnddina naye sika emullipihalle muthu ooheeta olla munamooneenyu nave munamudduwelleenyu. Echikhulupililwaaye mwa Yesu, yoomuchiriha muthoolla attheenenyu moonaka.

Mitteko 3:5

Ahaaweha, anatiyera wi aakhelle ello.

Mitteko 3:7

Vano aamuphara nnattanatta amwiimesa. Enthawi yeeyo manyallwaaye ni mookumanella manyallo ni meto mwaallipa.

Mitteko 4:10

vano attheenenyu mudduwelle ni athu attheene a o Israele edduwelle wi muthoolla ohiimella achirihiwe ekaamba ya masiva a nnddina na Yesu Khrisitu a o Nazareti, oyo mwamutthomeyilleenyu vamutandani nave oyo Mulluku aamuvenyihalleeye wa ookhwa.

Mitteko 4:7

Yaawiimesa amurummwaayo variyari viwa yaakohaka wi, “Mweerille ddenndda mwawiidde, tti masiva awiidde muriinyuna navettho mweerille ddenndda mu nnddina nawani?”

Mitteko 9:34

Petro aallota wi, “Eneya, Yesu Khrisitu ohuuchiriha. Venya nave okuse mwinllaawo.” Enthawi yeeyo Eneya aavenya.

1 Akorinto 4:11

Ophiyera enthawi yeella hiyaano ninnavolliwa ettalla ni nthona, ninnawara matapwata, ninnuukuthiwa nave khaninna vookhalla vaahuvaahu.

2 Akorinto 6:10

Ninnooniwa wonanko oomoriha ethakaraka naari enthawi ddittheddene nihakallallaka, wonanko oohoowa naari naaweeriha athu anchichi okhalla eeyuuma, wonanko oohikhalla ni ello naari niri ni ddeko ddittheddene.

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

1 Petro 4:10

Arive muthu moollikana ni mmo ariiye kapitawo a emphaso dda Mulluku, amurumeyelleke mukhwaaye ni emphaso eyo aavahiweeye ni Mulluku.