Mitteko 3:25 - Mawu a Mulluku

²⁵ Nyuwaano muri edduullu dda anamallotella nave munnakawanana dda echipangano eyo Mulluku eerilleeye ni makhollwaanyu, allotilleeye wa Abrahamu wi, ‘Mwa edduullu ddawo athu attheene a va ellapo yavatthi eneerodalisiwa.’

Mitteko 3:25 Iomraidhean Croise

Genesis 12:3

Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Genesis 17:19

Koma Mulluku aallota wi, “Iyaayi, mwaariyo Sara sika anuuyarelle mwaana aamullopwana nave aneeromuvaha nnddina nawi Isaki. Kineerokeraatthiha echipanganwaaka ni olliyooyo navettho ni edduullu ddaye muhoollo. Nave echipanganweeyo enaakhalle ya enthawi yoohimalla.

Genesis 18:18

Edduullu ddaye ddinaakhalle mutundu muullupalli wa masiva. Nave mitundu ddittheddene dda va ellapo yavatthi ddineerodalisiwa oyeella mwa olliye.

Genesis 20:7

Koma vano, omuvelleelle mutthiyanoolla wa mamune. Mullopwanooyo tti namallotella nave aneerewuuvekellella wi ohikhwe. Koma waahimuvelleella, ddawoona, kinimuuchenjezeraatu wi onimakhwa weyaano ni nibanja nawo nittheene.”

Genesis 22:18

Vawi weyaano wookiiwellella navettho mitundu ddittheddene dda va ellapo yavatthi ddineerodalisiwa oyeella mwa edduullu ddawo.’ ”

Genesis 26:4

Kineerewuuvaha edduullu ddinchichi wonanko ddikhallelle etheneeri ddooddullu nave edduullu ddawonnddo kineeroddivaha ellapo ddittheddenenndda. Mitundu ddittheddene dda va ellapo yavatthi ddineerodalisiwa oyeella mwa edduullu ddawo.

Genesis 28:14

Edduullu ddawonnddo ddineerewaata wonanko nthupi na va ellapo yavatthi. Ddineeropallalleyella o ezigawo ddittheddene, woovollowa nndduwa, wookhuma nndduwa, ompoto ni omwera. Nave mitundu ddittheddene dda va ellapo yavatthi ddineerodalisiwa oyeella mwa weyaano ni edduullu ddawo.

1 Epilli 16:16

echipangano yakeraatthihalliiwa ni Abrahamu, lonjezo yallupenlliiwa wa Isaki,

1 Epilli 16:17

nno yanisimikizalliiwa wa Yakobo wi ekhalle echipangano yoohimalla wa Israele wa enthawi yoohimalla.

Nehemiya 9:8

Mwahoona wi aari oororomelleya wa nyuwaano sika mwaakeraatthiha echipangano. Mwaalonjeza wi muneeromuvaha ellapo ya Akanani, Ahiti, Aamori, Aperezi, Ayebusi ni Agirigashi wi ekhalle ellapo eyo munaakhalleke edduullu ddaye. Sika mookwakhwaniha lonjezo nanyu vawi nyuwaano tti oolungama.

Masalimo 22:27

Mitundu ddittheddene ddineerowuupuwella Apwiya ni waarukunuwella. Malloko mattheene eneerewaallapella.

Masalimo 96:7

Atitimiheni Apwiya, nyu athu a mitundu ddittheddene, akhullellani wi ntitimiho ni masiva tti ddayiwa.

Luka 1:72

Aaweerella echifundo makhollwaahu nave ahuupuwella echipanganwaaye yaweella.

Mitteko 13:26

“Aisraele akhwaaka, edduullu dda Abrahamu ni athu attheene ayo ehiri Ayuda koma munamoova Mulluku, othenga woollota dda ovullusa waarumihiwa wa hiyaano!

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Aroma 15:8

Vawi kinimuulleellani wi Khrisitu aari oorumeyella a Ayuda osimikizella wi Mulluku tti oororomelleya wi ddikwakhwane nnddo alonjezilleeye ni makhollwiiwa

Aroma 4:13

Mulluku amulonjezilleeye Abrahamu vamodda ni edduullu ddaye wi ellapo yavatthi ewe ekhalle yayiwayayiwa, ohiri kaambiiwa Abrahamu ahiiwellella malamulo koma kaambiiwa aalungamihiwa ekaamba ya echikhulupililwaaye.

Agalatiya 3:16

Vano Mulluku aheera malonjezwaaye wa Abrahamu ni edduullu ddaye. Mawu a Mulluku voollotani wi, “Edduullu ddaye” khenattaphullella wi, “Athu anchichi” koma enattaphullella wi, “Edduullwaaye” ottaphullella wi, “Muthu mmoddave” nnddina naye Khrisitu.

Agalatiya 3:29

Mwaarimi muri mwa Khrisitu, sika nyuwaano tti edduullu dda Abrahamu nave muneerewaakhella eyo Mulluku alonjezilleeye.

Agalatiya 3:8

Mawu a Mulluku yaallotella wi Mulluku aneeroweera oolungama athu ayo ehiri Ayuda oweella mu echikhulupililo. Sika Mulluku aamulleella Abrahamu wi, “Oweella mwa weyaano mitundu ddittheddene ddineerodalisiwa.”

Yawuupullulla 14:6

Nave kaamoona mungelo mmodda avavaka muddullu, aakhalla ni othenga waphaama wa enthawi yoohimalla wi allalleye wa athu a va ellapo yavatthi, wa mitundu ddittheddene, malloko mattheene, ellotello ddittheddene ni ellapo ettheene.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

Yawuupullulla 7:9

Ddimallille ddenndda kahoona masomphenya a mulloko muullupalli wa athu ooheerengeya! Yavenyenre mu orive mutundu, nirive nlloko, erive ellapo ni erive ellotello nave yahiimella vamiitthoni va mpando woomwene ni mwaanaankhosa, ewanre ddoowara ddaweella nave ephareelle enthambi dda kanjeza m'mattani mwiwa.