Mitteko 3:23 - Mawu a Mulluku

²³ Arive muthu ahinaamwiiwellelle namallotellooyo aneerewoonongiwa variyari va athu.’

Mitteko 3:23 Iomraidhean Croise

Levitiko 23:29

Koma oyo aripihiwe ekaamba yoohihalla ocha,* avenyihiwe variyari va Aisraele.

Mariko 16:16

Oyo anaakhulupilile nave abatiziwa aneerovullusiwa koma oyo ahinaakhulupilila aneerollakiwa.

Yohane 12:48

Oyo anakikhoota miyaano ahinaakhella mawaaka ookhalla ni oomweeruza. Mawu killonteemaalla eneerokhalla aweeruzaaye va nllapo noomallihella!

Yohane 8:24

Sika kahuulleellani wi muneerokhwa ekaamba ya machimwaanyu vawi mwaahikhulupilila wi miyaano tti meene, muneerokhwa ekaamba ya machimwaanyu.”

Mitteko 2:41

Sika athu ayo yaakhenlle mawaaye yaabatiziwa. Vaakhalla athu 3,000 ayo yaanjereriwe omullokoni wa athu ookhulupilila nllapo nenna.

Deuteronomo 18:19

Olliye anaalloteke mu nnddina naka nave miyaano kineeromullaka arive muthu oohiiwellella mawaaka.

Aheberi 10:39

Koma hiyaano khanihiyoni athu ayo enahokollweella mutulli ni woonongeya koma niri athu ookhulupilila wi nivulluwe.

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Yawuupullulla 20:15

Attheene ayo manddiniiwa yahilembiwe mu nibukhu na akumi yaavokhelliwa munyanja ya munllo.