Mitteko 3:2 - Mawu a Mulluku

² Nave muthu mmodda ookhwa meto eyariwellwaaye aakuselliwawo. Olliyooyo mallapo mattheene aanakusiwa anahiyiwa vamullakoni wa enyumba ya Mulluku wooromolliwa “Mullako Wooreera” wi aavekeke makobiri athu yaavollowaka mu enyumba ya Mullukweeyo.

Mitteko 3:2 Iomraidhean Croise

Luka 16:20

Nave waakhallattho muthu oohoowa nnddina naye Lazaro. Aari amakhwata mwiillaaye muttheene nave aaddollweella okeraatthi vamullakoni va enyumba ya muthu a eyuumooyo nllapo ni nllapo.

Luka 18:35

Yesu aatamenlleeye o muzinda wa Yeriko, waakhalla muthu ooveka, oohoona oyo akeraatthille mukhwipi mwa musewu.

Yohane 9:8

Vano akhwaaye ni athu yamonne khalle wi aari oovekaveka yaallota wi, “Ethiyo khe yoolle aakeraatthi vatthi avekavekaka?”

Mitteko 10:31

nave allota wi, ‘Korineliyo! Mavekellwaawo ahiiweya navettho waakavihera wawo oohoowa wohaakhullelliwa ni Mulluku wonanko mukutho.

Mitteko 10:4

Olliye aamuweha mungeloolle oovaka akoha wi, “Apwiya, tti waphaama?” Mungeloolle ahaakhulla wi, “Mavekellwaawo navettho waakavihera wawo oohoowa ddohaakhullelliwa ni Mulluku wonanko mukutho.

Mitteko 14:8

Vano o Listara waakhalla muthu mmodda oyo aari ookhwa meto eyariwellwaaye nave khaawora weeta.

Mitteko 3:10

Nave yaamudduwella wi tti yoolle akeraatthi va Mullako Wooreera wa enyumba ya Mulluku avekaka. Yaattikhina ni ohalleella va ddamweereyellennddo.

Mitteko 4:22

Nave muthu oyo achirihiwe moottikhiniha, aari ni miyakha ddookhwaranya 40.