Biblia Todo Logo
Bìoball air-loidhne

- Sanasan -




Mitteko 28:4 - Mawu a Mulluku

4 Athu awenkwaayo yahoona enoweeyo yaangellenlle onnatta na Paulooyo, ellota muthu ni mukhwaaye wi, “Muthoolla tti oowiipha athu. Oovullusiwa va enyanja koma mulluku ooweeriwa Echilungamo khamuhiya wi akhalle mukumi.”

Faic an caibideil Dèan lethbhreac




Mitteko 28:4
20 Iomraidhean Croise  

Enowa yaari yoochenjeresesa okhwaranya enama ddamuhakani ddittheddene ddaphatusiwe ni Apwiya. Enoweeyo yaamukoha mutthiyanoolle wi, “Ethiyo tti ddawoona wi Mulluku ahuuhiihani ocha ezipaso dda orive muteekho ori m'matanimmu?”


Muthu oyo ari ni mullatu woomwiipha mukhwaaye akhalle oothawathawa ophiyera okhwa waye nave vihikhalle oomukavihera.


Apwiya enimawa ovenyera nko enakhalliiwa wi yaallake athu a va ellapo yavatthi ekaamba ya machimwiiwa. Nikhame nawiithelliwa va ellapo yavatthi neneerewooneya vaweella nave mitembo dda athu awiiphiwa kheddiipitthiheya.


Enama ddamuhakani ddineerokiriiha, akhatwe ni anthiwatiwa eneerokititimiha, kaambiiwa kineereweetiha maaddi muchipululuni, mihinje mu ellapo yawumma wi kaavahe maaddi athwaaka ootthoolliwa.


Yooyo tti muzinda oyo waddeesa wookeraattheya, oyo m'murimani mwiwa wallota wi, “Meeneve, khaavottho mmodda!” Vano ngoonani mmo woonongeyelliiwa! Wootthattuwa ntepe nookhallamo enama ddamuhakani, arive muthu oovira mwemmo aneerekewoopa musoonyo nave aneerekotikha muru.


Voothwarellellani, ollakiwa wa ayo yawiiphalle athu oolungama onaakhalle vamuruni va nyuwaano ovenyera va wiiphiwa wa Abele oolungama ophiyera va wiiphiwa wa Zakariya mwaana a Barakiya, oyo mwaamwiiphalleenyu variyari va nipuro naweella ni nikuwa na mukutho mu enyumba ya Mulluku.


Athu attheenaalle yahaakhulla wi, “Mullatu wa okhwa wa muthu yoolla okhalle va hiyaano ni edduullu ddahu.”


Yesu ahaakoha wi, “Muneesa wi Agalileyaayo yaari oochimwesesa ohiyana ni Agalileya attheene kaambiiwa yiiphiwe mwawi ddiidda?


Nave muneesa wi athu 18 yaphittiwe ni enyumba yootthinddaanyerana yakumuwalle o Shilowamu mu Yerusalemu, yaari oochimwa ohiyana ni athu attheene ookhalla o Yerusalemunko?


Muhineeruzaka vawoonani makhallello koma mweeruzeke mwawoona.”


Athu yakhalla vaavwaayo yaaneerella ddaphaama wunchichi. Yaanaakhella, eniividdeellella munllo wi nootheke vawi wahaamba orupa murimu navettho waanariirya.


Paulo aaya atotaka ekhuni nave addihenlleeye vamunlloni, enowa yaakhuma mu ekhuninnddo ekaamba yooviha wa munllooyo nave yaamulluma yaangellella onnattani naye.


Koma Paulo aayittatthella enoweeyo vamunlloni koma khaaphoreyille.


Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”


Lean sinn:

Sanasan


Sanasan