Mitteko 27:5 - Mawu a Mulluku

⁵ Naallapuwa enyanja ovirella o Silisiya ni Pamfuliya nave naaphiya o muzinda wa Mura mu echigawo ya Lusiya.

Mitteko 27:5 Iomraidhean Croise

Mitteko 13:13

Vano Paulo ni akhwaaye yaheeta vakallawani ovenyera o Pafosi yaphiya o muzinda wa Perga, mu echigawo ya Pamfuliya nave eri wenko Yohane Mariko ahaahiya ahokollweella o Yerusalemu.

Mitteko 15:23

Nave yaawinnyera kalata oollota wi, “Ovenyera wa amurummwa, attekweene ni ookhulupilila akhwiinyu oya wa ookhulupilila akhwiihu ayo ehiri Ayuda mu etawoni ya Antiyokeya, mu ezigawo dda Siriya ni Silisiya, nnihina mooni.

Mitteko 15:38

Koma Paulo khaapanlle omukusa Yohane Markooyo kaambiiwa ahaahiya weekhiiwa o Pamfuliya nave khaavirellelle ophara mutteko ni alliwaayo.

Mitteko 15:41

Vano Paulo ni Sila yavirenlle o Siriya ni Silisiya, waallipiha murima athu a m'mipingoni.

Mitteko 2:10

Frijiya, Pamfuliya ni Iguputo ni ezigawo dda Libiya waatamella o etawoni ya Kurene. Amoddahi nivenyenre o Roma,

Mitteko 21:39

Paulo ahaakhulla wi, “Mi tti Muyuda, ooyariwa o Tariso echigawo ya Silisiya, muzinda woovuwoolle. Kinapaalla kuuvekeni wi mukaakhullelle wi killote ni athwaalla.”

Mitteko 22:3

“Mi tti Muyuda, ooyariwa o Tariso o Silisiya nave kallelliwe o Yerusalemu weewuno. Gamaliyeli sika aari muhuddihaaka nave olliye aakihuddiha moollikana ni malamulo ookatamiha a makhollwaahu nave kaari owiivelleella moollikana ni malamulo a Mulluku wonanko attheene nyu muri vaava ollello.

Mitteko 6:9

Nave aavaanyihiwa ni Ayuda amodda oovenyera o Kurene ni Alekizandriya ayo yavenyera o enyumba yamavekello yooromolliwa wi enyumba yamavekello ya athu oottaphulliwa okaporo. Aanavaanyihiwattho ni Ayuda oovenyera o ezigawo dda Silisiya ni Asiya.* Attheenaalla yahaamba ovaanyihana ni Sitefano.

Agalatiya 1:21

Vatulli viwa kaaya o ezigawo dda Siriya ni Silisiya.