Mitteko 26:24 - Mawu a Mulluku

²⁴ Paulo allotilleeye mowiiteteza ddiidda, Fesito aakhuwa wi, “Paulo, wookhalla ni anepa wene! Ohuddera wawonko wohuusavulla!”

Mitteko 26:24 Iomraidhean Croise

2 Mamwene 9:11

Vano Yehu ahokollweelle wa oohoollella akhwaayaalle, yaamukoha wi, “Ethiyo tti waphaama? Mullupaanepoolle aasha tini wa nyuwaano?” Olliye ahaakhulla wi, “Munnamudduwella muthoolle ni ddoollota ddaye ddene.”

Yeremiya 29:26

“Apwiya yahuutthoolla we Zefaniya wi okhalle mullupa mukutho munipuroni mwa Yehoyada. Ohuukeraatthiha wi okhalle kapitawo oowehera enyumba ya Apwiya. Omuhiyeke mundende ni ommakellella namang'ona arive muthu aanepa anaddeesa wi tti namallotella.

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Mariko 3:21

Abalaaye yiiwalliiwa ddenndda yaawa wi emukuse kaambiiwa yaganiza wi tti mullupaanepa.

Yohane 7:15

Attekweene a Ayuda yaattikhina ellota wi, “Muthu yoolla, anadduwella mwawiidde ddeko ddinchichi ahinahuddere?”

Yohane 8:48

Ayuda yaamukoha Yesu wi, “Ethiyo ninnoottha voollotani wi, nyuwaano tti Musamariya* nave mookhalla ni munepa woonanara?”

Yohane 8:52

Ayudaalle yaallota wi, “Vano noodduwella wi mookhalla ni munepa woonanara. Abrahamu aakhwa nave anamallotella yaakhwa. Sika nyuwaano munihina, ‘Muthu anasunga mawaaka m'murimani mwaye khawa akhwa.’

Mitteko 17:32

Yamwiiwalliiwa Paulo allotaka dda ovenya wa ookhwa, amodda yaamuttheya koma amodda yaallota wi, “Ninapaalla wi muwe wi munilleellettho dda ddenndda.”

Mitteko 22:1

Paulo aallota wi, “Ayuda akhwaakanyu ni attekweenaaka, mukiiwelle kinapaalleemi wi killote vawiitetezani meekhaaka!”

Mitteko 24:25

Nave Paulo aakambirana ni Felike dda echilungamo wiihiiha weekhaawo ni dda owa wa nllapo na echiweruzo. Felike ahoova nave allota wi, “Khawe vano, kineerowiithanattho kakhalla ni mpata.”

Mitteko 24:27

Vaviralliiwa miyakha miilli, Porkio Fesito aavollowa munipuroni na Felike akhalla oolamulella. Felike apaalla wi aahakallallihe Ayuda, sika amuhiyalle Paulo ari mundende moomulle.

Mitteko 26:11

Enthawi ddinchichi kaanaya mu enyumba ddamavekello* kaallakaka nave kaheeseesa wi ehiyeke echikhulupililwiiwa. Nave kananariwa kaanaya naari omizindani dda ellapo ddimodda kaahoosaka.

1 Akorinto 1:23

Koma hiyaano, ninallalleya dda Khrisitu ootthomeyiwa vamutandani. Othenga yoolla tti wookukhumulla wa Ayuda ni wookarangeya wa athu ayo ehiri Ayuda.

1 Akorinto 4:10

Hiyaano tti ookarangeya ekaamba ya Khrisitu koma nyuwaano tti eezeru mwa Khrisitu! Hiyaano tti oofooka koma nyuwaano tti amasiva! Nyuwaano munnavahiwa olemu koma hiyaano ninnavevulliwa!

2 Akorinto 5:13

Naari nooneyaka wonanko athu oohiphara muru niri ddiidda wi nimutitimihe Mulluku. Komattho naari nooneyaka wonanko eezeru niri ddiidda ekaamba yawuukaviherani nyuwaano.

2 Timoteo 3:15

nave onnadduwella wi waambeella khalle weyaano ori mwaana, woodduwella mawu aweella ayo enaawore wuuvaha ezeru ddawuuhoollella o echikhulupililo mwa Khrisitu Yesu wi ovullusiwe.