Mitteko 26:18 - Mawu a Mulluku

¹⁸ Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Mitteko 26:18 Iomraidhean Croise

Masalimo 119:18

Hullani miitthwaaka wi koone ddoottikhiniha ddoovenyera mu malamulwaanyu.

Masalimo 146:8

ennahulla miittho a athu oohoona. Apwiya ennaawelliha athu ookitthihiwa, ennaakonda oolungama.

Yesaya 29:18

Nllapo nenno oohiiwa eneerewiiwa mawu a munibukhuni nave oohoona ayo yakhalla mwiipiphini eneerewoona.

Yesaya 32:3

Miitthwiiwa eneerekewoona nave maarwiiwa eneerewiiwa.

Yesaya 35:5

Vaavo miittho a oohoona eneere woona, maaru a oohiiwa eneerohulleya.

Yesaya 42:16

“Kineerewaahoollella oohoona m'misewuni ehiddidduwenlliiwa, kineerewaavelleella va ettilla nnddo ehinavirekiiwa. Kineerotthattusa epiphi eri vahoollo viwa wi ekhalle owala, kineeromwaramwara phaama nipuro nookateyakateya. Nndda sika kinaaweerelleemi, ngaakhoota alliwa.

Yesaya 42:7

Oneerewaahulla miittho athu oohoona, oneerewaattaphulla oomakiwa, oneerewaakhumiha ookhalla mwiipiphini.

Yesaya 43:8

Apwiya enallota wi, “Wiithaneni athwaaka o nthato namillatu. Miittho aakhallana koma khenoona, maaru aakhallana koma kheniiwa.

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Yesaya 9:2

Athu ayo yeeta mwiipiphini ahoona owala wunchichi. Ayo yakhalla mu epiphi yawoopiha owala wohaaphiyera.

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Mateyu 4:16

athwaawo ayo yaari mwiipiphini, ahoona owala wunchichi. Athu ayo yaari munipuroni na muuthuuchi wa okhwa, owala wohaaphiyera.”

Luka 1:77

Oneerewaalleella athwiiwa wi eneerovullusiwa, vookhululukelliwani machimwiiwa.

Luka 1:79

Nave oneerewooneya wa ayo eri mwiipiphini ni m'muuthuuchini wa okhwa, wi onihoollelle mu ettilla ya murendelle.”

Luka 2:32

owala wawuupullulla opaalla wanyu wa athu oohimullapella Mulluku, ni ovelleella ntitimiho va athwaanyu Israele.”

Luka 24:45

Vano aahulla miru ddiwa wi yiiwesese phaama mawu a Mulluku.

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Yohane 17:17

Weelliheni yaayo oweella mu masiva a yawoona; mawaanyu tti yawoona.

Yohane 3:19

Nave echiweruzweeyo tti ella, owala waawa mu ellapo yavatthi koma athu yaakonda epiphi ohiyana ni owala kaambiiwa yaheera ddeko ddoonanara.

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Yohane 9:39

Yesu aallota wi, “Kaawa mu ellapo yavattheella wi keeruze wi ayo ehinoona yoone nave ayo enoona ekhalle oohoona.”

Yohane 9:5

Miyaano vookhallani mu ellapo yavatthi, kiri owala wa ellapo yavatthi.”

Mitteko 10:43

Anamallotella attheene yaallota dda olliye wi, attheene enakhulupilila mwa olliye eneerokhululukelliwa machimwiiwa oweella mwamasiva a nnddina naye.”

Mitteko 13:47

Vawi ella sika Apwiya yanilamulliiwa wi, ‘Kooweerani wi mukhalle owala wa athu ayo ehiri Ayuda, wi ovullusa waka ophiye o makomello a ellapo yavatthi.’ ”

Mitteko 15:9

Mulluku khananihiyaniha hiyaano ni alliwaayo, ahaakhululukella machimwiiwa kaambiiwa yaakhulupilila.

Mitteko 2:38

Nave Petro aallota wi, “Arive muthu a nyuwaano arukunuwe murima nave abatiziwe mu nnddina na Yesu Khrisitu wi machimwaaye ekhululukiwe nave aneerewaakhella emphaso ya Mulluku, Munepa Waweella.

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Mitteko 20:32

“Nave vano kinuuhiyani mwa Mulluku ni wa mawu a echisomwaaye. Annawora owunnuwihani ni wuuvahani madaliso ayo anaavaheeye athwaaye.

Mitteko 26:19

“Nave sika mwene Agripa, ngaakhootille wiiwellella nnddo koonilleemi mu masomphenya.

Mitteko 26:23

wi Mesiya* aphwanella ohoosiwa nave wi akhalle awaamba ovenya wa ookhwa wi allalleye owala wa Ayuda ni athu ayo ehiri Ayuda.”

Mitteko 3:19

Sika rukunuwani murima nave muwe wa Mulluku wi uukhululukelleni machimwaanyu

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Aroma 8:17

Vawi hiyaano tti anaaye, nineerewaakhella madaliso anaasungelleeye athwaaye, ninaakhelle ddenndda nimodda ni Khrisitu vawi noona ddoohoosa ni Khrisitu, nineerewaakhellattho ntitimiho naye.

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

2 Akorinto 6:14

Muhaattaneke ni athu oohikhulupilila. Echilungamo ni yoonanara ddinaathaanane mwawiidde? Epiphi ni owala ddinaathaanane mwawiidde?

Agalatiya 2:20

sika khe miyaanottho kinakhalla mukumi koma tti Khrisitu anakhalla mwa miyaano. Okumi yoolla kiriimina, kinakhalla mu echikhulupililo mwa Mwaana a Mulluku, oyo aakikondille miyaano nave avelleella okumaaye ekaamba ya miyaano.

Agalatiya 3:14

Khrisitu Yesu aheera ddenndda wi madaliso ayo Mulluku aalonjezilleeye wa Abrahamu evahiwe wa athu a mitundu ddittheddene oweella mwa Khrisitu. Vano wi oweella mwa echikhulupililo naakhelle Munepa waalonjeziwe ni Mulluku.

Agalatiya 3:2

Killeelleni ello emodda ella. Ethiyo mwahaakhella Munepa a Mulluku vawiiwellellani malamulo apaalle vookhulupililani othenga waphaama mwiiwalleenyooyo?

Aefeso 1:11

Ddeko ddittheddene ddineereya moollikana ni yoolinga ni opaalla wa Mulluku. Nave mulluku aanitthoolla hiyaano wi nikhalle athwaaye mu eyaattano ya Khrisitu ekaamba ya yoolingaaye moollikana ni eyo aaganizalleeye ovenyera vawaamba.

Aefeso 1:14

Munepa yoolla tti echikole ya madaliso ayo Mulluku aanilonjezilleeye wi nineerovullusiwa. Ottekweenaaye otitimihiwe!

Aefeso 1:18

Kinaveka wi miitthwaanyu ehulleye wi moone owala wi mudduwelle yootiyera eyo awiithanelleeyeni nave waata wa madaliso ootitimiheya ayo athwaaye enaawaakhelliiwa,

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Aefeso 2:8

Vawi mwaavullusiwa ekaamba ya echisomo oweella mu echikhulupililo. Khehiyo ekaamba ya ollipihella wanyu koma tti emphaso ya Mulluku.

Aefeso 4:18

Ezeru ddiwa ddooripihiwa nave kheyaakhellana okumi oyo Mulluku anavaheeye vawi alliwaayo tti oohidduwella navettho tti awummiha murima.

Aefeso 5:11

Muhiiwananekena ddeko ddoohikhalla ni mutteko ddeko dda mwiipiphini koma muweena vaweella.

Aefeso 5:14

Vawi erive ello enuupullulliwa phaama ennakhalla mu owala. Ella sika ekaambiiwa onallotiwa wi, “Venya, mullupa ookona, nave venya wa ookhwa, nave Khrisitu aneerewuumolleella.”

Aefeso 5:8

Khalle mwaari mwiipiphini koma vawi mootthattusiwa athu a Apwiya, muri mu owala. Sika munaphwanella mukhalleke wonanko athu a mu owala,

Aefeso 6:12

Vawi khaninawana ni athu koma ninawana ni minepa ddoonanara, oolamulella ni masiva a epiphi ddooddullu.

2 Timoteo 2:26

nave okhalla ni ezeru wi evulluwe mu musampha wa Satana oyo aaphanre wi yeereke ddoopaalla ddaye.

Aheberi 10:10

Sika noheellihiwa kaambiiwa Yesu Khrisitu aamwiiwellella Mulluku vawiiheraatthini mukutho wawaamba ni wookomihera.

Aheberi 10:14

Ni mukutho mmoddoolla, aaweeriha wi ekhalle aphaama woohimalla athu ayo aweellihalleeye.

Aheberi 11:6

Khaavo anaamuhakallallihe Mulluku ahinna echikhulupililo vawi oyo anapaalla omwaatamella Mulluku akhallena echikhulupililo yawi Mullukooyo ookhallawo. Nave aneerewaathuva athu enamwaashaasha.

Aheberi 9:15

Khrisitu akhwille wi aavulluse ayo yachimwalle mu enthawi ya echipangano yawaambeelle. Vano tti namunkhoswe a echipangano yanaanweene wi ayo yiithaniwe yaakhelle madaliso oohimalla ayo Mulluku alonjezilleeye.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

1 Petro 1:4

Sika vano ninatiyera waakhella madaliso ayo Mulluku anaasungelleeye athwaaye. Anuusungellani nyuwaano oddullu, wenko khenuunta apaalle woonongeya apaalle omalla.

1 Petro 2:25

Nyu mwaari wonanko enkhosa ddoohollowa koma vano moohokollosiwa wi mumuthware Mbusa ni Oowehera a okumaanyu.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

1 Yohane 1:9

Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.

1 Yohane 2:12

Kinuulembellani nyuwaano, anaaka vawi machimwaanyu aakhululukiwa ekaamba ya Khrisitu.

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

Yawuupullulla 21:27

Nave khamuwa muvollowa ello yooheellihiwa m'muzindanimmo naari muthu aweera ddoonanara apaalle oollota ddawoottha. Yaayove manddiniiwa elembiwe mu nibukhu na akumi na mwaanaankhosa sika enaavollowe m'muzindanimmo.