Mitteko 26:13 - Mawu a Mulluku

¹³ Mwene nyu, waari 12 koloko otthaana kiri voolendoni, mvo koonilleemi owala wuullupalli wookhwaranya nndduwa, woovenyera oddullu okaapheellaka miyaano ni akhwaaka keeteemina.

Mitteko 26:13 Iomraidhean Croise

Yesaya 24:23

Mweeri oneeronyaalla nave nndduwa nineerowulliwa muru vawi Apwiya Amasiva Mattheene enaakhalle mwene. Eneerolamulella va mwaango wa Ziyoni ni o Yerusalemu nave eneerewooniha ntitimiho niwa vamiitthoni va attekweeniiwa.

Yesaya 30:26

Mweeri oneerowala wonanko nndduwa nave nndduwa nineerowalesesa wonanko olendo otthanu ni opiilli owala wa nllapo nimodda. Ddenndda ddineereye mvo Apwiya enaamakiiwa ni ovolliha makhwata ayo mwaneeniiwa yaambihalliiwa vawaallakani athwiiwa.

Mateyu 17:2

Nave Yesu aatthattuwa vamiitthoni viwa. Owiitthoni waye waanawala wonanko nndduwa nave ddoowara ddaye ddaakhalla ddaweella mbee.

Mitteko 22:6

“Kaariimi voolendonoolla nave kaatamelleemi o Damasiko, enthawi yaariiwa vakhuviru 12 koloko otthaana, moorurumusa owala wuullupalli woovenyera oddullu waakaapheella.

Mitteko 22:9

Athu kaariiminaayo yahoona owalanko koma kheyaawiiwalle mawu a oyo allota wa miyaano.

Mitteko 26:12

“Ella sika ekaambiiwa kayiilleemi o Damasiko allupa mukutho uullupalli ekaakhullenlle wi kiyeewo nave ekivahille olamulello.

Mitteko 26:14

Attheenehi nahiikuha nave kahiiwa mawu ellotaka wa miyaano mu ellotello ya Eheberi wi, ‘Saulo, Saulo! Onakihoosella tini? Ekaamba yawi onallipana ni miyaano oniivoreya weekha.’

Mitteko 9:3

Saulo aatamellaka o Damasiko, moorurumusa owala woovenyera oddullu waamwaapheella.

Yawuupullulla 1:16

Aatukhulla etheneeri dditthanu ni piilli o nnattanatta naye nave muwano mwaye mwaari nsupada nawiisha nngu ni nngu nookhumellella otte. Ekhovaaye yaari yoowala wonanko nndduwa na otthaana.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.