Mitteko 26:11 - Mawu a Mulluku

¹¹ Enthawi ddinchichi kaanaya mu enyumba ddamavekello* kaallakaka nave kaheeseesa wi ehiyeke echikhulupililwiiwa. Nave kananariwa kaanaya naari omizindani dda ellapo ddimodda kaahoosaka.

Mitteko 26:11 Iomraidhean Croise

Masalimo 102:8

Nllapo nittheene adanaaka ennakeerella epewe, attheene ookivevulla ennaromolla nnddina naka vootembelelani.

Oollalleya 9:3

Yoonanara wunchichi mwa ddittheddene ddaweereya vatthimva tti yawi otulli omoddamoddave yoolla onnaamorella attheene. Emoddattho tti yawi mirima dda athu tti ddooddalla ni ddoonanara ni ddaanepa eri akumi nave vatulli viwa ennakhwa.

Mateyu 10:17

Chenjerani vawi vineerokhalla ayo enuumakeni nyuwaano ni wuukusellani vanthatoni namillatu nave eneerewuuwashullani mu enyumba ddamavekello.*

Mariko 13:9

“Sika nyuwaano chenjerani. Muneeromakiwa ni okuselliwa m'mathatoni a millatu nave muneerewuukuthiwa mu enyumba ddamavekello.* Muneerewiimella vamiitthoni va oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo.

Mariko 3:28

“Ddawoona, kinimuulleellani wi erive machimwiiwa ni ollota epewe wiwa ddineerokhululukelliwa.

Luka 15:17

“Vano aadduwella olakwa waye allota m'murimani mwaye wi, ‘Allupa mutteko oowanihu aakhalla ni ddoocha ddinchichi ddawi khenawora oddimalliha koma miyaano wuno kinimakhwa ni ettalla!

Luka 21:12

Koma ddihineereye ddittheddenenndda, muneerohoosiwa ni omakiwa, muneerewiipiwa millatu mu enyumba ddamavekello* ni ohiyiwa mundende. Muneerovelleelliwa wa mamwene ni oolamulella kaambiiwa nyuwaano tti oohudderaaka.

Luka 6:11

Ahuddihi a malamulo ni Afarisi yaasha murima yaamba okambirana yawi emweerelle Yesu.

Mitteko 13:45

Ayuda yoonilliiwa mulloko wa athwaayo yaaddalliwa ni ehache, enavaanyiha allotille Paulonnddo navettho enamullotella epewe.

Mitteko 18:6

Ayuda yamuvaanyihalliiwa emullotellattho epewe, olliye ahaahokollosella voottatthani nthupi va ddoowara ddaye ni ollota wi, “Mullatu okhalle wa nyuwaano! Miyaano nginna mullatu. Ovenyera vano kineerooya wa athu ayo ehiri Ayuda.”

Mitteko 22:19

Kahaakhulla wi, ‘Apwiya, ennadduwella phaama wi kaaya o enyumba ddamavekello* nave kahaaphara ni owuukutha ayo yakhulupililalle mwa nyuwaano.

Mitteko 22:5

Mullupa mukutho muullupalli ni attekweene a millatu attheene ekhalle mboni wi kinallota ddawoona. Yaakivaha makalata owaalembella Ayuda akhwiihu o Damasiko, sika kaayaawo wi kaamake athu oothwara ettilla ya Apwiya wi kiweena o Yerusalemu wuno wi ellakiwe.

Mitteko 9:1

Vano Saulo aavirellellave owoopopiha oohuddera a Apwiya wi aneeroowiipha. Aaya wa mullupa mukutho muullupalli,

Yakobo 2:7

Ethiyo khehiyo ayo enallotella epewe nnddina na ntitimiho nno munaromolliweenyuna?

2 Petro 2:16

koma aahumullulliwa ekaamba ya yoonanaraaye. Bulwaaye aallota ni mawu wonanko a muthu nave ahiiha ddaweera ddaanepa dda namallotellooyo.