Mitteko 26:10 - Mawu a Mulluku

¹⁰ Kaheera ddennddo o Yerusalemu allupa mukutho uullupalli ekivahille olamulello wowaahiya athu a Mulluku anchichi mundende. Nave millatu ddiwa ddakamulliwiiwa wi yiiphiwe, miyaanottho kaari mmodda owiiwanana.

Mitteko 26:10 Iomraidhean Croise

Masalimo 16:3

Naaka dda athu aweella murima, ayo eri vatthimva tti ooriiheya! Alliwaayo ennakihakallalliha.

Mitteko 7:58

Yaamukhumihella otte wa muzinda nave emuvokha malluku. Amboni ayo yamuvaanyiha Sitefano yaahiya ddoowara ddiwa m'mattani mwa musombwe mmodda ooromolliwa Saulo wi addiwehereke.

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Mitteko 8:3

Koma Saulo aheeseesa woononga mpingo. Aavollowa mu enyumba ddittheddene aapurullamo ookhulupilila attheene, allopwana ni atthiyaneene nave aahiya mundende.

Mitteko 9:21

Athu attheene yamwiiwalle yaanattikhina nave enakoha wi, “Muthu yoolla khe olle awiiphalle athu yamullapella Yesu o Yerusalemu? Ethiyo awiille wuno wi aaphareke athu ayeena wa allupa mukutho uullupalli?”

Mitteko 9:26

Saulo aphiyalleeye o Yerusalemu aapaalla wi akhallena m'mullokoni wa oohuddera koma attheene yaanamoova vawi kheyaakhulupililalle wi olliyooyo tti oohuddera.

Mitteko 9:32

Petro aweetella athu virive veko nave nllapo nimodda aaphiya wa athu a Mulluku ayo yakhalla o Luda.

Mitteko 9:41

Petro aamuphara nnatta nave amukavihera wi iimelle. Vano aawiithana athu a Mulluku ni anaamukhwellaalle nave aawoonihella alliwaayo Dorikooyo ari mukumi.

1 Akorinto 15:9

Vawi miyaano tti murummwa ooyevesesa mwa attheene. Nginaphwanella wi keeriwe murummwa kaambiiwa kaahoosa mpingo wa Mulluku.

Agalatiya 1:13

Moolleelliwa mmo kakhallelleemi voollapellani mu Eyuda, mmo kahoosilleemi mpingo wa Mulluku moohimoriwa ethakaraka nave kaheeseesa woononga mpingooyo.

Aefeso 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku. Kinalembella wa athu a Mulluku o Efeso ookhulupilila ni ayo eri mu eyaattano ni Yesu Khrisitu.

Yawuupullulla 17:6

Nave kahoona wi mutthiyanooyo aalezela ni nikhame na athu a Mulluku yiiphiwe ekaamba yoovelleella omboni dda Yesu. Kamoonilleemi mutthiyanooyo, kaattikhina wunchichi.