Mitteko 24:25 - Mawu a Mulluku

²⁵ Nave Paulo aakambirana ni Felike dda echilungamo wiihiiha weekhaawo ni dda owa wa nllapo na echiweruzo. Felike ahoova nave allota wi, “Khawe vano, kineerowiithanattho kakhalla ni mpata.”

Mitteko 24:25 Iomraidhean Croise

2 Samuele 23:3

Mulluku a Aisraele oollota, nlluku na a Aisraele nookilleella wi, muthu oyo anaalamulella athu mwa echilungamo, waalamulella moomuriiha Mulluku,

1 Mamwene 21:27

Ahabu iiwalle mawu yaalla, ahaahulla ddoowara ddaye, awara eziguduli. Aahalla ocha,* akona va ezigudulinnddo nave ahaamba weeta mwawiiyeviha.

2 Mamwene 22:19

waalapa ni wiiyeviha vamiitthoni va mi Apwiya. Kahuulleella wi kineerollaka muzindoolla ni athu attheene a mwemmo nave wi oneerotthattuwa nipuro nawoopiha ni nootulli. Vawi wohaahulla ddoowara ddawo winllaka vamiitthoni vaka, miyaanottho kohiiwa nivekello nawo. Mi Apwiya koollota.

Ezara 10:3

Vano hankoni nikeraatthihe echipangano Mullukwaahu wi nimwallanena atthiyanaalla vamodda ni aniiwa moollikana ni malangizo a nyu apwiyaaka ni a athu ayo eniiwellella malamulo a Mullukwaahu. Nave akhullellani wi ddenndda ddeereye moollikana ni malamulo.

Ezara 10:9

Sika athu attheene a Yuda ni Benjamini yaatthukumana o Yerusalemu variyari va mallapo mararu nave vaari va nllapo na 20 na mweeri waneetthanu ni sese. Nave athu attheene yaakeraatthi va nthato na enyumba ya Mulluku etthukumellaka ekaamba ya mwahoolla navettho ekaamba ya murimu munchichi.

Yobu 29:14

Echilungamo yaari wonanko yoowaraaka, ddaphaama ddaka ddaari wonanko mukanjo ni enduwira.

Masalimo 11:7

Vallethi Apwiya tti oolungama, ennakonda ddaweera ddoolungama, oolungama eneerewoona ekhoviiwa.

Masalimo 119:120

Mwiillaaka onnatthukumella ekaamba yoowoovani, kinnoova echiweruzwaanyu.

Masalimo 45:7

Munnakonda echilungamo, munniitana ni ddoonanara. Sika ekaambiiwa Mulluku, Mullukwaanyu, uuzozilleeyeni ni makhura oohakallalliha waakhwaranya akhwiinyu attheene.

Masalimo 72:2

Vano mwenooyo aneeroweeruza athwaanyu moolungama, athwaanyu oohoowa moohiweha ekhove.

Masalimo 99:1

Apwiya tti mwene, mitundu dda athu dditthukumelle! Ennakeraatthi variyari va akerubi,* ellapo yavatthi etikheye!

Miyambo 16:12

Weera ddoonanara onnaananara mamwene vawi echilungamo sika vikeraattheye omweniiwa.

Oollalleya 11:9

We Musombwe, hakallalla ni esombwe. Murimaawo ohakallalle mallapo a esombwaawo moollikana ni mmo opaalla wa murimaawo ni mmo miitthwaawo enoonelliiwa koma dduwella wi Mulluku aneerowiipa mullatu wa ddittheddenndda.

Oollalleya 12:14

Vallethi Mulluku aneereweeruza ddittheddene ddaweereya, ddaphaama apaalle ddoonanara naari ni ddoovittheya ddene.

Oollalleya 5:8

Wawoona athu oohoowa ehoosiwaka mwiillaponi navettho yaakhiwaka murendelliiwa ni echilungamo mweekuku, ohittikhine. Vallethi oowehera muullupalli ookhallana mmodda muullupalli wunchichi oyo anamuwehera. Navettho vookhalla uullupalli wunchichi amodda ayo enaawehera.

Yesaya 1:18

Apwiya enallota wi, “Hankoni vano nillote mullatwaanyu vawi naari machimwaanyu eri oofiiresesa, eneereweella mbee, naari efiiralle wonanko nikhame, eneereweella wonanko nthoche.

Yesaya 1:21

Ngoonani muzinda olle khalle waari woororomelleya ni woolungama koma vano oneera ddooraruwa. Muzinda olle khalle waari ni athu oolungama koma vano wooddalla ni athu oowiipha akhwiiwa.

Yesaya 16:5

Vaavo mpando woomwene oneerokeraatthihiwa mwa echikondi yoohisintheya nave mmodda mwa edduullu dda Davide aneerokhallavo moororomelleya. Olliye aneerekeweeruza moolungama ni ollipihella weera ddaphaama.

Yesaya 32:11

Nyu oohikhupanya erive ello, tthukumellani! Nyu atthiyana a vamurendelleni, halleellani! Rullani ddoowara ddanyu nave makellani eziguduli.

Yesaya 41:21

Apwiya enalleella milluku wi, “Vano tthopoollani mullatwaanyu.” Apwiya mwene a Yakobo eni, “Velleellani ombonaanyu.

Yesaya 55:6

Muwaashaashe Apwiya mvo enaphwanyeyiiwa, muvekelle wa alliwa mvo eriiwa vakhuviru.

Yesaya 61:8

Apwiya enallota wi, “Mi kinnakonda echilungamo, kinniitana ni ddawiiya ni ddoonanara. Athwaaka kineerewaathuva moororomelleya, kineerokeraatthihana echipangano yoohimalla.

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

Yeremiya 22:3

Apwiya enallota wi, “Mweeruzeke mweechilungamo ni moohiweha ekhove erive enthawi. Mwaatetezeke athu ayo yiiyeriwe katundwiiwa. Muhaakatamiheke alleto, akhwaadduni apaalle anaamukhwelle nave muhiwiipheke athu oohichimwa va nipuronna.

Yeremiya 23:29

Vallethi mawaaka enaviha wonanko munllo nave tti wonanko hamala oopwesella nlluku.

Yeremiya 36:16

Yiiwalle nnddo eerengilleeye, yahaamba owehana mootthukumella ni woova. Vano aamulleella Baruki wi, “Ninaphwanella omulleella mwene mawu mattheenaalla.

Ezekiele 45:9

“Mi Apwiya Mulluku kinallota wi, nyu oolamulella a Aisraele ddookikwakhwana, Hiyani ekuku ni waahoosa athwaaka. Mwiiwellelleke malamulo nave mweereke echilungamo. Ahiyeni athwaaka nave muhinaavenyihaka mwiillaponi mwiwa. Mi Apwiya Mulluku koollota.

Daniele 12:2

Anchichi mwa ookona mu nthupi navatthi eneerovenya. Amodda enaaye o okumi woohimalla, amodda o owulliha muru ni o ollaka woohimalla.

Daniele 4:27

Nyu amwene, ekaamba ya yeella, thwarani malangizwaaka. Hiyani machimwaanyu, mweereke ddoolungama vooweerellani echifundo oohoowa wi apaalle enthawi ya murendellaanyu erekame.”

Daniele 5:30

Nave mahiiyu yaayo Belishazara mwene a o Babiloni ahiiphiwa.

Hoseya 10:12

Mumidde echilungamo nave muneerohata echikondaaka yoohisintheya. Tipulani ntthalla nanyu vawi enthawi yoowaashaasha Apwiya yookwakhwana. Waashaasheni Apwiya ophiyera ewiille wi emurupihe murimu amadaliso.

Hoseya 10:4

Mamwene enallota mawu oohikhalla ni mutteko. Ennallupella ni opangana ddawoottha. Echilungamo yootthattuwa ohilungama wonanko ophuwa wa makukhu oowaawa a m'matani.

Hoseya 7:5

Va nllapo na ehakallallo ya mwene, enduna ddaye ddinnalezela, mwenooyo annavollowana mu mulloko wa athu oonanara.

Amosi 5:24

Koma echiweruzwaanyu yeete wonanko maaddi, echilungamwaanyu okhalle wonanko muhinje woohiwelleella.”

Amosi 6:12

Ethiyo akavalo ttuuthamaka vanllukuni? Ethiyo mmodda ttuullima vanyanjani ni eng'ombe? Koma echiweruzo mooyitthattusa nttipwi ni echilungamo mooyitthattusa yoowaawa.

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Hagai 1:2

“Nnddo kinalloteemi mi Apwiya Amasiva Mattheene tti ddawi athwaalla enallota wi enthawi khenakwakhwane yoomaka enyumba ya Apwiya.”

Mateyu 22:5

Koma awiithaniwaayo kheyaapwathillewo nave yayiille omittekoni ddiwa. Mmodda ayiille omata waye, mmodda ayiille omuttekoni waye wookulliha malonda.

Yohane 16:8

Olliye awa aneerewooniha wa athu a va ellapo yavatthi ddawoona ddiwa dda ochimwa, dda echilungamo ni dda echiweruzo.

Mitteko 10:42

Nave aanilamulella wi nillalleye ni weerella omboni wa athu wi olliye sika atthoolliwe ni Mulluku wi akhalle oweeruza millatu wa athu ookumi ni ookhwa.

Mitteko 17:13

Nave Ayuda o Tesalonikaalle yahiiwa wi Paulo aallalleyattho mawu a Mulluku wa athu a o Bereya. Vano yaawa yaambattho owaanganyera athu nave yaaweerihattho athu wi yaambe mapokoso.

Mitteko 17:2

Vano Paulo aaya o enyumba yamavekello vawi aaddollweella nave aakhalla wenko wa milungu miraru akambiranaka ni athu.

Mitteko 17:32

Yamwiiwalliiwa Paulo allotaka dda ovenya wa ookhwa, amodda yaamuttheya koma amodda yaallota wi, “Ninapaalla wi muwe wi munilleellettho dda ddenndda.”

Mitteko 2:37

Athwaalle yiiwalliiwa ddenndda, yaahoowa m'murimani mwiwa nave yaamukoha Petro ni amurummwa amoddaayo wi, “Vano neere tini, akhwiihinyu?”

Mitteko 24:15

Kinnamutiyera Mulluku wonanko alliwa wi athu attheene oolungama ni oohilungama eneerovenya wa ookhwa.

Mitteko 24:26

Enthawi yeeyo atiyera wi Paulo amuvahe makobiri, sika aanamwiithana wiilliwiilli anaarerana.

Mitteko 26:28

Agripa aallota wa Paulo wi, “Oneesa oneerokeera wi kikhalle mukhrisitu va enthawi yooyeva yeella?”

Mitteko 9:6

“Koma venya wi wavollowe m'muzindanimmo nave eneerewuulleella yoophwanella wi weere.”

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Aroma 14:12

Sika arive muthu aneeromutakhella Mulluku ddeko eerilleeye.

Aroma 2:16

Nave vano moollikana ni othenga waphaama kinallalleyeemi, mmu sika ddinaakhallelliiwa va nllapo nno Mulluku aneeruzeeye ddookhuweya m'mirimani mwa athu attheene oweella mwa Khrisitu Yesu.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

2 Akorinto 6:2

Vawi Mulluku anallota wi, “Enthawi kaganizalleemi ddawuukondella, kaawaakhullella, nllapo naphiyalliiwa wi kuuvulluse, kahuukavihera.” Ngiiwani! Ella sika enthawi yaphaama, ollello sika nllapo noovullusiwa!

Agalatiya 3:22

Koma mawu a Mulluku enallota wi ellapo yavatthi ettheene eri mu masiva a machimo. Sika vano emphaso yalonjeziwe vookhulupililani mwa Yesu Khrisitu enavahiwa wa ayo enakhulupilila.

Agalatiya 5:23

omaalleya ni wiihiiha. Kheyiivo malamulo enavaanya ddeko wonanko ddenndda.

2 Timoteo 4:1

Vamiitthoni va Mulluku ni va Khrisitu Yesu, oyo anaaweeruze athu attheene ookumi ni ookhwa nave oyo anaawe wi alamulelle wonanko Mwene, kinimuulamula weyaano wi,

Tito 1:8

Akhalle ookonda owaakhella alleto ni ookonda ddaphaama. Akhalle awiiwehera yeekhaaye, oolungama, aweella murima ni awiihiiha.

Aheberi 12:21

Ddeereyille vamwaangoni valle ddaari ddawoopiha, sika wi Mose aatthukumella ekaamba ya woova.

Aheberi 3:13

Koma munaphwanella mullipihaneke murima nllapo ni nllapo vawi ella tti enthawi yaphaama eyo mawu a Mulluku enayiromolliiwa wi, “Ollello.” Sika wi mmodda anyuwaano ahummihe murimaaye ekaamba yoollekiwa ni machimo.

Aheberi 4:1

Vano lonjezano na Mulluku allotilleeye khallenne na ovollowa munipuroni naye nawiithuuwellamo, nookhallawove. Hankoni nichenjere wi ahikhallevo naari mmodda anooneya wi khavollowillemo mwawiithuuwella.

Aheberi 6:2

dda ehuddiho ya maubatizo, dda wiiyaatthi matta, dda ovenya wa ookhwa ni dda echiweruzo yoohimalla.

Aheberi 9:27

Arive muthu anakhwa omodda nave vatulli viwa aneeruziwa.

Yakobo 2:19

Weyaano onnakhulupilila wi Mulluku tti mmoddave, onneera phaama. Naarithi minepa ddoonanara ddinnakhulupililattho nave ddinnatthukumella.

1 Petro 3:15

Koma mumuvaheke olemu Khrisitu m'mirimani mwanyu nave mumutitimiheke wonanko Apwiya. Enthawi ddittheddene mukhalleke ookhozeka omwaakhulla arive muthu anuukohani wi mutthopoolle otiyerella wa echikhulupililwaanyu.

2 Petro 1:6

va odduwella wanyu mwaanjererevo wiihiiha, va wiihiiha wanyu mwaanjererevo ovillella, va ovillella wanyu mwaanjererevo makhallello ookhulupilila,

1 Yohane 3:10

Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.

1 Yohane 3:7

Anaaka, mmodda ahiwoottottheni! Oyo aneera yoolungama tti oolungama, wonanko mmo Khrisitu ariiye oolungama.

1 Samuele 12:7

Vano mukhalle vaavo wi kuuvaanyiheni vamiitthoni va Apwiya voowuupusani dda mitteko ddittheddene nnddo yeerilliiwa vawuuvullusani nyuwaano ni makhollwaanyu.