Mitteko 22:3 - Mawu a Mulluku

³ “Mi tti Muyuda, ooyariwa o Tariso o Silisiya nave kallelliwe o Yerusalemu weewuno. Gamaliyeli sika aari muhuddihaaka nave olliye aakihuddiha moollikana ni malamulo ookatamiha a makhollwaahu nave kaari owiivelleella moollikana ni malamulo a Mulluku wonanko attheene nyu muri vaava ollello.

Mitteko 22:3 Iomraidhean Croise

2 Samuele 21:2

Sika mwenooyo aawiithana Agibiyonaayo. Agibiyonaayo kheyaari Aisraele koma Aamori oohalla. Naari Aisraele yallupenlle wi khewiipha Agibiyonaayo koma Saulo aapaallave waatthollosa Agibiyonaayo ekaamba yawaakonda Aisraele ni Ayudaayo.

2 Mamwene 4:38

Nave Elisha aahokollweella o Giligala koma mwiillaponimmo mwaakhalla ettalla. Nllapo nimodda Elisha ahuddihaka mulloko wa anamallotella nave viviralle enthawi, aamulleella a muttekwaaye wi, “Eya ekarikho yuullupalli viikho, owaapeyelle yoocha a m'mulloko wa anamallotellaalla.”

Luka 10:39

Aakhalla ni mwanamunne nnddina naye Mariya. Mariyooyo aakeraatthi vakhuviru ni Apwiya iiwellellaka nnddo yahuddihiiwa.

Luka 2:46

Va nllapo naneeraru yaamphwanya mu enyumba ya Mulluku, akeraatthille variyari va ahuddihi a Ayuda, awiiwellellaka, aakohakattho makoho.

Luka 8:35

Athu yaakhuma wi yoone yeereyeeyo. Yaphiyalliiwa wa Yesu, yaamoona muthu oyo minepa ddoonanara ddaakhumalle mwa olliyooyo akeraatthille vakhuviru ni Yesu. Aari awanre phaama, ari ni maganizo aphaama. Nave attheenaayo yahoova.

Mitteko 11:25

Vano Baranaba aaya o Tariso wi amwaashaashe Saulo.

Mitteko 15:23

Nave yaawinnyera kalata oollota wi, “Ovenyera wa amurummwa, attekweene ni ookhulupilila akhwiinyu oya wa ookhulupilila akhwiihu ayo ehiri Ayuda mu etawoni ya Antiyokeya, mu ezigawo dda Siriya ni Silisiya, nnihina mooni.

Mitteko 15:41

Vano Paulo ni Sila yavirenlle o Siriya ni Silisiya, waallipiha murima athu a m'mipingoni.

Mitteko 21:20

Yiiwalliiwa, yaamutitimiha Mulluku. Nave yaallota wi, “Mwanamunnihu Paulo onnoona vano wi Ayuda anchichi tti ookhulupilila navettho attheenaayo enniivelleella voothwarani malamulo.

Mitteko 21:39

Paulo ahaakhulla wi, “Mi tti Muyuda, ooyariwa o Tariso echigawo ya Silisiya, muzinda woovuwoolle. Kinapaalla kuuvekeni wi mukaakhullelle wi killote ni athwaalla.”

Mitteko 23:34

Oolamulellooyo aamweerenga kalatooyo nave aamukoha Paulo echigawo avenyenreeye. Aphwanyilleeye wi anavenyera o Silisiya,

Mitteko 23:6

Paulo oonilleeye wi amodda a m'mullokonimmo yaari Asaduki* nave amoddattho yaari Afarisi,* aallota mookhuwa munthatoni mulle wi, “Ayuda akhwaakanyu! Mi tti Mufarisi, mwaana a Mufarisi. Kiniipiwa mullatu kaambiiwa kinnatiyera wi athu eneerovenya wa ookhwa!”

Mitteko 26:5

Yakidduwenlle waambeella khalle, sika yaapaallaka ovelleella omboni ellote wi okumaaka otthewene kaari Mufarisi,* mmodda a mulloko oyo onathwara malamulo a Mose ohiyana ni orive mulloko oyo onamullapella Mulluku.

Mitteko 26:9

“Mi meekha kaganiza wi kaari oophwanella weera erive ello yoovaanyiha nnddina na Yesu a o Nazareti.

Mitteko 5:34

Koma waakhalla muthu mmodda a Afarisi* nnddina naye Gamaliyeli oyottho aari muhuddihi a malamulo* nave ooriiheya ni athu attheene. Ahiimella vanthatoni namillatunno aalamulella wi amurummwa ekhumihiwe vaatte vang'ono.

Mitteko 6:9

Nave aavaanyihiwa ni Ayuda amodda oovenyera o Kurene ni Alekizandriya ayo yavenyera o enyumba yamavekello yooromolliwa wi enyumba yamavekello ya athu oottaphulliwa okaporo. Aanavaanyihiwattho ni Ayuda oovenyera o ezigawo dda Silisiya ni Asiya.* Attheenaalla yahaamba ovaanyihana ni Sitefano.

Mitteko 9:1

Vano Saulo aavirellellave owoopopiha oohuddera a Apwiya wi aneeroowiipha. Aaya wa mullupa mukutho muullupalli,

Mitteko 9:11

Apwiya yaallota wi, “Venya oye omusewuni wa m'muzindanimmu wooromolliwa, ‘Musewu wowookowa.’ Khawe o enyumba ya Yudasi wenko wakohere dda muthu nnddina naye Saulo a o muzinda wa Tariso vawi animavekella.

Mitteko 9:30

Ookhulupililaayo yiiwalliiwa ya yeella, yaamukusa Saulo eyaana o muzinda wa Kaisareya nave emurumiha o Tariso.

Aroma 11:1

Vano kinakoha wi, “Ethiyo Mulluku ohaakhoota athwaaye?” Khe ddiiddo. Mi tti Muisraele, edduullu ya Abrahamu navettho mmodda a nlloko na Benjamini.

2 Akorinto 11:22

Ethiyo alliwaayo tti Aheberi? Miyaanottho tti Muheberi. Ethiyo alliwaayo tti Aisraele? Miyaanottho tti Muisraele. Ethiyo alliwaayo tti edduullu dda Abrahamu? Miyaanottho tti edduullu ya Abrahamu.

Agalatiya 1:14

Voollapellani mu Eyuda, kahaakhwaranya Ayuda akhwaaka anchichi oophwanaphwanana miyakha nave kaari ookonda wunchichi ehuddiho dda makhollwaahu.

Agalatiya 1:21

Vatulli viwa kaaya o ezigawo dda Siriya ni Silisiya.

Deuteronomo 33:3

Apwiya ennaakonda athwiiwa oopatuleyiiwa attheene eri m'mattani mwiwa. Athwaayo ekeraatthille vatthi, enahuddera mawiiwa,