Mitteko 21:34 - Mawu a Mulluku

³⁴ Amodda a m'mullokonimmo yaakhuwa dda ddimodda nave athu amoddaayo yaakhuwattho ddimodda. Vaakhalla mapokoso wawi oolamulellooyo khaadduwenlle wi yeereye tini, sika aalamulella wi emukuse Paulo eyeena onipuroni na akhoto.

Mitteko 21:34 Iomraidhean Croise

Mitteko 19:32

Vano omutthukumanonko athu attheene yahaanganyereya, athu amodda yakhuwa ddimodda nave amodda yakhuwattho ddimodda kaambiiwa athu anchichi kheyaadduwella wi etthukumanne vamodda wi yeere tini.

Mitteko 21:37

Akhotwaayo yaariiwa vakhuviru wi emukuselle Paulo onipuroni wiwa wulle, Paulo aallota wa oolamulelloolle wi, “Ethiyo ttuullota ni nyuwaano?” Oolamulella olle aamukoha wi, “Onnadduwella ollota Egriki weyaano?

Mitteko 22:24

Oolamulella a akhoto aalamula wi evollowena Paulo munipuroni na akhoto mulle. Nave ahaalleella wi emuwashulle wi awulule ekaamba eyo Ayudaayo enakhuwiiwa moomuvaanyiha ddiidda.

Mitteko 22:30

Oolamulelloolle apaalla wi adduwelle ddawoona ddiwa nnddo Ayuda yamwiipelliiwa mullatu Paulo. Sika osaka wene aamuttaphulla onyolo, aalamula allupa mukutho uullupalli ni attekweene attheene a millatu a Ayuda wi etthukumane. Nave aamukusa Paulo amwiimesa vamiitthoni viwa.

Mitteko 23:10

Nave owananko wahunnuwa wawi oolamulelloolle ahoova wi Paulo aneerewiiphiwa moowaakanelliwa. Sika ahalamulella akhotwaaye wi eye yamuvenyihevo vamullokonimvo wi eweena onipuroni wiwa.

Mitteko 23:16

Nave muddullaye aamullopwana a Paulo ahiiwa dda mwiiwananooyo, sika aavollowa onipuroni na akhotonno nave amulleella Paulo.

Mitteko 23:32

Osaka wene akhotwaalle ayo yeeta vatthi yaahokollweella onipuroni niwa yaahiya akhoto oowella vaakavalonive wi ekhwaranyekena.

Mitteko 25:26

Navettho nginna ello yawi kimulembelle Kaisara yoollota dda muthoolla. Sika koomwiithaniha wi awe vamiitthoni va nyuwaano attheene makamaka nyuwaano mwene Agripa! Sika vano mumukohesese wi miyaano kiphwanye yoolemba.