Mitteko 21:19 - Mawu a Mulluku

¹⁹ Paulo ahaavaha mooni nave aatthopoollella phaama ddittheddene nnddo Mulluku eerilleeye variyari va athu ayo ehiri Ayuda oweella mwa mitteko ddaye.

Mitteko 21:19 Iomraidhean Croise

Mateyu 23:7

Navettho ennakonda ovahiwa mooni moolemu m'misikani ni wi eromolliweke ‘Ahuddihi.’

Mitteko 1:17

Yudasi aari mmodda a mullokwaahu vawi aatthoolliwattho wi niphareke nimodda muttekwaahu.”

Mitteko 14:27

Yaphiyalliiwa o Antiyokeya, yahaatthukumaniha athu a mpingo vamodda yaalleella ddittheddene Mulluku eerilleeye oweella mwa alliwaayo. Nave yahaalleellattho mmo Mulluku aworelleeye wi athu ayo ehiri Ayuda ekhulupilile.

Mitteko 15:12

Mulloko wa athu muttheene khawaallotille ello mvo yawiiwellelliiwa Baranaba ni Paulo ellotoka dda ezizindikiro ni ddoottikhiniha ddittheddene Mulluku eerilleeye oweella mwa alliwa variyari va athu ayo ehiri Ayuda.

Mitteko 15:4

Yaphiyalliiwa o Yerusalemu, yahaakhelliwa ni mpingo, amurummwa ni attekweene nave yaatthopoolla erive ello Mulluku eerilleeye oweella mwa alliwaayo.

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

1 Akorinto 15:10

Koma ni echisomo ya Mulluku miyaano kiri mmu kikhallelleemi nave echisomo aakivahilleeye kheyaari yoohikhalla ni mutteko. Koophara mutteko moollipiha ohiyana ni amurummwa amodda attheene naari khe miyaano koma echisomo ya Mulluku eyo enaphara mwa miyaano.

2 Akorinto 12:12

Kaarimi ni nyuwaano, mookhurumusa murima kaheera ezizindikiro, ddoottikhiniha ni ddeko ddamasiva ddawooniha wi miyaano tti murummwa.

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

Akolose 1:29

Wi ddenndda ddeereye, kinaphara mutteko moollipihella, voopharihani mutteko masiva uullupalli ayo enavelleelliiwa ni Khrisitu oyo anaphara mutteko mwa miyaano.