Mitteko 21:11 - Mawu a Mulluku

¹¹ Aphiyalleeye vaarihumvo, aamukusa laamba a Paulo iimakana m'manyalloni ni m'mattani mwaye nave allota wi, “Munepa Waweella oollota wi, mwaneena a laamboolla aneeromakiwa ddiiddattho ni Ayuda o Yerusalemu nave eneeromuvelleella wa athu ayo ehiri Ayuda.”

Mitteko 21:11 Iomraidhean Croise

1 Mamwene 22:11

Vano Zedekiya mwaana a Kenana ahiihanella manyaka amikoko allota wi, “Apwiya enallota wi, ‘Ni ddenndda muneerewaagonjihella Asiriya ophiyera yoonongeyille.’ ”

Yesaya 20:2

Enthawi yeeyo Apwiya yaari ellotille khalle oweella mwa Yesaya mwaana a Amozi wi, “Khawe warulle echiguduli muyuununi mwawo ni esapato omanyalloni wawo.” Nave olliye aheera ddennddo, aneeta epwillimwinddive ni oohiwara esapato.

Yeremiya 19:1

Apwiya yaakilleella wi, “Khawe wakulle epalli wa awoopa. Waakuse amodda mwa attekweene a athu ni amodda mwa uullupalli a allupa mukutho.

Hoseya 12:10

Kaallota ni anamallotella. Tti miyaano kawoonihelle masomphenya manchichi. Kaallota m'maphwanaphwaniho oweella mwa alliwa.

Yohane 18:1

Yesu amallihalleeye ovekella, aatimulla ni oohudderaaye oya okhopella wa muhinje wa Kedroni. Wenko waakhalla emata nave Yesu ni oohudderaaye yaavollowamo.

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Mitteko 16:6

Yaheeta ovirella mu ezigawo dda Frijiya ni Galatiya kaambiiwa Munepa Waweella wahaahiiha ollalleya mawu a Mulluku mu echigawo ya Asiya.*

Mitteko 20:23

Emoddave eyo kinadduwelleemi tti yawi Munepa Waweella ookichenjeza wi muzinda orive muttheene kinayeemiwo, endende ni ddoohoosa ddinimakitiyera.

Mitteko 21:33

Oolamulellooyo aaya vaari Paulooyo, amuphara nave alamulella wi amakiwe ni onyolo miilli. Nave ahaakoha athu a vamullokonimvo wi, “Muthu yoolla ttaani navettho eerille tini?”

Mitteko 21:4

Nahaaphwanyawo ookhulupilila nave naakhalla ni alliwa wa mulungu mmodda. Mwa Munepa Waweella yaamulleella Paulo wi ahiye o Yerusalemu.

Mitteko 22:25

Nave yamumakilliiwa wi awashulliwe, Paulo aamukoha akhoto muullupalli oyo iimenlle vaavo wi, “Tti ddawaakhullelliwa ni malamulo wi mumuwashulle muthu ooyariwa o Roma muhinamwiipe mullatu?”

Mitteko 24:27

Vaviralliiwa miyakha miilli, Porkio Fesito aavollowa munipuroni na Felike akhalla oolamulella. Felike apaalla wi aahakallallihe Ayuda, sika amuhiyalle Paulo ari mundende moomulle.

Mitteko 26:29

Paulo ahaakhulla wi, “Khaya ddinaakuse enthawi yooyeva apaalle yoorekama, nivekello naka wa Mulluku sika nawi nyuwaano ni athu attheene enakiiwellella ollellwaalla ekhalle wonanko miyaano, opatula omakiwave ni onyoloolla!”

Mitteko 28:17

Viviralle mallapo mararu Paulo aawiithana attekweene a Ayuda* a wenko, yatthukumanniiwa aallota wi, “Ayuda akhwaakanyu naari ngeenre ello yowaavaanyiha athwaahu apaalle makhallello a makhollwaahu, kaahiyiwa mundende o Yerusalemu kivelleelliwattho wa Aroma.*

Mitteko 28:20

Ekaamba ya yeella koowiithanani wi killote ni nyuwaano vawi kimakiwalle ni onyoloolla ekaamba ya oyo ari etiyerello ya athu a o Israele.”

Mitteko 28:25

Sika vaakhalla ohiiwanana variyari va mullokooyo nave yaavenyavo, Paulooyo allotilleeye ello emodda yawi, “Munepa Waweella aallota phaama wa makhollwaanyu oweella mwa namallotella Yesaya!

Mitteko 8:29

Nave Munepa Waweellooyo aallota ni Filipo wi, “Khawe waatamelle va vanigaretanimvo.”

Mitteko 9:16

Vawi kineeromooniha mmo anaahoowelleeye wunchichi ekaamba ya nnddina naka.”

Aefeso 3:1

Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Aefeso 6:20

Ekaamba ya othenga yoolla miyaano tti kazembe naari vano kiri mundende. Vekellani wi killoteke moollipa murima dda othenga yoolla wonanko mmo kinaphwanellelleemi.

1 Timoteo 4:1

Nave Munepa Waweella annallota moollotesesa wi m'mallaponi oomallihella athu amodda eneerohiya echikhulupililwiiwa ni wiiwellella minepa ddoohollosa ni othwara ehuddiho dda minepa ddoonanara.

2 Timoteo 2:9

Kaambiiwa yoollalleya othenga waphaama kinnahoosiwa navettho omakiwa wonanko muthu oonanara. Koma mawu a Mulluku khenamakiwa,

Aheberi 10:34

Vawi mwahaamorella ethakaraka ayo yaari mundende nave mwahaakhullella moohakallalla wi ewaakheni eyuumaanyu kaambiiwa munnadduwella wi mookhalla ni eyuuma yawaata ni yoohimalla.

Aheberi 3:7

Sika vano Munepa Waweella anallota wi, “Mwiiwa mawu a Mulluku ollello,

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.