Mitteko 20:7 - Mawu a Mulluku

⁷ Va Nllapo Namulungu naatthukumana vamodda wi namumeyemeye buledi. Paulo aallota wa athu ophiyera variyari va mahiiyu vawi atiyerella wi wasawo atimulle.

Mitteko 20:7 Iomraidhean Croise

Nehemiya 8:3

Vano Ezara aheerenga ovenyera munibukhunimmo ari moowehana ni nthato na maaddi waambeella ohinase ophiyera otthaana vamiitthoni va allopwana, atthiyaana ni anamwani ayo yawora wiiwesesa phaama. Sika athu attheene yahaapella maaru o nibukhu na malamulo neerengiwanno.

Nehemiya 9:3

Nave athu attheene yahiimella va nipuro nimoddamoddave nenno wa maora mararu malamulo a Apwiya Mullukwiiwa yeerengiwiiwa nave wa maora mararu mamodda yaawulula machimwiiwa yaallapella Apwiya Mullukwiiwa.

Mariko 16:9

Yesu avenyilleeye wa ookhwa oyaaka ni osa va Nllapo Namulungu, aambille wooneya wa Mariya Magadalena, oyo amukhumihalleeye khalle minepa ddoonanara mitthanu ni miilli. Atthiyana yaaya wa Petro ni akhwaaye yaalleella erive ello yalleelliwiiwa.

Luka 22:19

Vano Yesu aamukusa buledi avekella omuthokoza Mulluku. Vano aamumeyameya buledooyo aavaha oohudderaaye allota wi, “Olla sika mwiillaaka woovahiwa ekaamba ya nyuwaano. Mweereke yeella vookuupuwellani miyaano.”

Luka 24:35

Eellaayo ni alliwattho yahaalleella ddeereyillennddo yeetiiwa m'musewuni nave ni wi yaamudduwella Yesu amumeyameyeeye buledi.

Yohane 20:1

Ohinase wa Nllapo Namulungu, epiphi ehinamalle, Mariya Magadalena aawa o mahame nave ahoona wi nlluku naavenyihiwavo vamullakoni valle.

Yohane 20:19

Misikuwa a nllapo nenno, Nllapo Namulungu, oohudderaalle yaatthukumana vamodda. Yaawalla machiwi kaambiiwa yawoova Ayuda. Vano Yesu aawa iimella variyari viwa allota wi, “Murendelle okhalle ni nyuwaano.”

Yohane 20:26

Nave viviralle mallapo matthanu ni mararu, oohudderaalle yaarittho mpa mulle nave Tomasi aari vamodda ni yaayo. Machiwi eri oowallawalleene Yesu aawa iimella variyari viwa allota wi, “Murendelle okhalle ni nyuwaano.”

Mitteko 16:10

Paulo oonilleeye masomphenyaalla, enthawi yeeyo naatimulla oya o Masedoniya kaambiiwa nahiiwanana wi tti Mulluku aniithanille wi nallalleye othenga waphaama wa athu eri wenkwaayo.

Mitteko 2:42

Athwaayo yaatthukumana vamodda wi ehuddereke wa amurummwaayo, enaattana, enamumeyameya buledi nave enamucha nimodda owaakattho enavekella nimodda.

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

Mitteko 20:11

Vano aahokollweellattho mu enyumba ya vaddullweelle, amumeyameya buledi nave amucha ni hiyaano. Amallihalleeye okambirana wa enthawi yoorekama, ophiyera okhuma wa nndduwa, aatimulla.

Mitteko 20:31

Chenjerani vano nave upuwellani wi, wa miyakha miraru otthaana ni mahiiyu mwa omora miitthori ngaahiyalle wuuhuddihani arive muthu a nyuwaano.

Mitteko 20:5

Alliwaalla yaahoolla yanitiyera o Troasi.

Mitteko 20:9

Musombwe mmodda nnddina naye Utiko akhanlle vaniwindoni. Nave Paulo alloteeye, Utiko aakhalla ni ekhove ophiyera aakonavo nave aamora vatthi ovenyera va enyumba yootthinddaanyerana yaneeraru. Nave yamuronlliiwa yahoona wi ookhwa.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

1 Akorinto 10:16

Kapu oyo ninaamuphariheehu mutteko va mugonelo wa Apwiya navettho oyo nnamuthokozereehuna Mulluku, naawiryellaka yeeyo ninnaattana mu nikhame na Khrisitu. Nave buledi ninamumeyameyeehu, namucha yooyo, ninnaattana mu mwiilli wa Khrisitu.

1 Akorinto 15:10

Koma ni echisomo ya Mulluku miyaano kiri mmu kikhallelleemi nave echisomo aakivahilleeye kheyaari yoohikhalla ni mutteko. Koophara mutteko moollipiha ohiyana ni amurummwa amodda attheene naari khe miyaano koma echisomo ya Mulluku eyo enaphara mwa miyaano.

1 Akorinto 16:2

Nirive Nllapo Namulungu arive muthu anyuwaano akuseke makobiri mamodda moollikana ni mmo muphwanyelleenyu nave musunge wi vihikhalle opaalleya ovelleella makobiri kaawaaka.

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

Yawuupullulla 1:10

Va nllapo na Apwiya kaahoollelliwa ni Munepa Waweella nave kahiiwa mawu oollotiwa moowella mutulli mwaka wonanko woopa wa nipallapata.