Mitteko 2:43 - Mawu a Mulluku

⁴³ Ddoottikhiniha ni ezizindikiro ddinchichi ddaheeriwa ni amurummwaayo nave athu attheene yahoova.

Mitteko 2:43 Iomraidhean Croise

Estere 8:17

Mu ezigawo ddittheddene ni mu mizinda ddittheddene mmo mwaphiyalle mawu a mwene oollalleya lamulonne, mwaakhalla ohakallalla ni ottaphuwa variyari va Ayuda. Naari nllapo na ehakallallo ni nawiithuuwa, noohiphara mutteko. Sika athu a malloko ddinchichi mu omwenooyo yahaamba wiiromolla wi tti Ayuda vawi yaanawoova wunchichi Ayuda.

Yeremiya 33:9

Muzinda yoolla oneerovuwiha epillaaka yaphaama nave oneerokivaha ehakallallo, othokoza ni olemu vamiitthoni va athu a mitundu ddittheddene vawiiwani ddaphaama ddittheddene nnddo keerelleemi muzindoolla. Nave eneerewoova ni otthukumella vawoonani wi koowudalisa ni eyuuma yooheerengeya.’ ”

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Mariko 16:17

Ookhulupililaayo eneerokodduwanyeya kaambiiwa eneerekeweera ddoottikhiniha. Eneerokokhumiha minepa ddoonanara vooromollani nnddina naka nave eneerekollota ellotello ddoohidduwanyeya.*

Luka 7:16

Athu attheene yahoova, yaamba omutitimiha Mulluku ellota wi, “Namallotella ohooneya variyari vahu! Mulluku oowa wi aavulluse athwaaye!”

Luka 8:37

Vano athu attheene a o echigawonko yaamuveka Yesu wi avenyewo kaambiiwa yaamoova wunchichi. Sika Yesu aawella ekallawa wi ahokollweelleke okhopella.

Yohane 14:12

Ddawoona, kinimuulleellani wi, oyo anakikhulupilila miyaano aneerekoweerattho mitteko kineereemi. Nave aneereweera mitteko dduullupalli ddookhwaranya ddenndda kaambiiwa miyaano kinaya wa Attiitthaaka.

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Mitteko 4:33

Amurummwaayo yaavelleella omboni mwamasiva muullupalli dda ovenya wa ookhwa wa Apwiya Yesu nave Mulluku aaweerella echifundo yuullupalli.

Mitteko 5:5

Ananiya iiwalleeye mawu yaalla, ahiikuha akhwa nave attheene ayo yiiwalle dda yeella yahoova.

Mitteko 9:34

Petro aallota wi, “Eneya, Yesu Khrisitu ohuuchiriha. Venya nave okuse mwinllaawo.” Enthawi yeeyo Eneya aavenya.

Mitteko 9:40

Petro ahaakhumiha attheenaayo muchipindanimmo, akokhora nave avekella. Vano aarukunuwella waari mutembooyo allota wi, “Tabita, venya!” Aakhunuulla miitthwaaye nave amoonilleeye Petro, aavenya akeraatthi.