Mitteko 2:40 - Mawu a Mulluku

⁴⁰ Petro ahaallalleyella athwaayo ni mawu oohiyanahiyana manchichi aalleella moollipa wi, “Mwiivulluse nyookha o ollaka onawanko wa athu oonanara amuttano!”

Mitteko 2:40 Iomraidhean Croise

Miyambo 9:6

Hiyani enamwani wi mukhalle ni okumi, etani mu ettilla ya ezeru.”

Yeremiya 51:45

Nyu athwaaka, khumanimoni mu Babiloni! Vullusani okumaanyu o osha murima wawoopiha wa Apwiya!

Mateyu 12:34

Nyu enowa! Munaawore mwawiidde ollota ddaphaama muri oonanara? Vawi eyano enallota nnddo ddiddanlle m'murimani.

Mateyu 16:4

Athu a mbadoolla tti oonanara ni oohiroromelleya, enakiveka echizindikiro. Kheyiivo echizindikiro enaavahiwiiwa koma ya namallotella Yonave.” Vano ahaahiya avenyavo.

Mateyu 17:17

Yesu ahaakhulla wi, “Nyu athu a mbado woohikhulupililoolla ni woonanara! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Mateyu 23:33

“Nyu enowa nave anamwani a enowa! Munaathawe mwawiidde ollaka waye wa gehena?

Mariko 8:38

Muthu aawulliwaka muru ekaamba ya miyaano ni mawaaka wa athu a mbadoolla, ooraruwa ni oochimwa, vano mi, Mwaana a Muthu, kineerowulliwa muru ni olliye kaawaaka mu ntitimiho na Attiitthaaka ni angelo aweella.”

Luka 16:28

wi aachenjeze asinnaka atthanu wi ehiwe onipuroni noohoosanna.’

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

Yohane 21:25

Vano vookhallattho ddeko ddimodda ddinchichi nnddo Yesu eerilleeye. Ddaalembiweke ddittheddene emodda emodda, kinaganiza wi ellapo yavatthi ettheene kheyaakhallena nipuro na mabukhu mamodda oolembiwa.

Mitteko 10:42

Nave aanilamulella wi nillalleye ni weerella omboni wa athu wi olliye sika atthoolliwe ni Mulluku wi akhalle oweeruza millatu wa athu ookumi ni ookhwa.

Mitteko 15:32

Yudasi ni Sila ayottho yaari anamallotella yahaarera enthawi yoorekama ekambiranaka mawu oollipiha murima ni oovaha masiva.

Mitteko 20:11

Vano aahokollweellattho mu enyumba ya vaddullweelle, amumeyameya buledi nave amucha ni hiyaano. Amallihalleeye okambirana wa enthawi yoorekama, ophiyera okhuma wa nndduwa, aatimulla.

Mitteko 20:2

Mu ezigawo mmo avireeye aanaallipiha murima athu ni mawu manchichi nave aaphiya o Akaiya.

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Mitteko 20:9

Musombwe mmodda nnddina naye Utiko akhanlle vaniwindoni. Nave Paulo alloteeye, Utiko aakhalla ni ekhove ophiyera aakonavo nave aamora vatthi ovenyera va enyumba yootthinddaanyerana yaneeraru. Nave yamuronlliiwa yahoona wi ookhwa.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Mitteko 4:36

Nave waakhalla muthu mmodda nnddina naye Yosefe a nlloko na Levi oyo avenyera o Kupro. Amurummwa yaamuvaha nnddina nawi, Baranaba ottaphullella wi, “Oollipiha murima.”

2 Akorinto 5:20

Vano hiyaano tti akazembe a Khrisitu nave Mulluku annuuvekani oweella mwa hiyaano. Vano ninnuuvekani munipuroni mwa Khrisitu wi mwaattanihiwe ni Mulluku.

2 Akorinto 6:17

Nave vano Apwiya Mulluku enallota wi, “Khumani variyari viwa nave muhipwesererane ni yaayo. Muhittannye ello yooripihiwa, nave kineerowaakhellani.

Agalatiya 5:3

Wiillittho, kinamuchenjeza arive muthu anapaalla ophaddiwa wi anaphwanella wiiwellella malamulo mattheene.

Aefeso 4:17

Vano mu nnddina na Apwiya, kinimuuchenjezani wi muhivirellelle okhalla wonanko athu oohimullapella Mulluku, ookhalla ni maganizo ohikhalla ni mutteko.

Deuteronomo 32:5

Koma nyu tti oohiroromelleya wa olliye, oohiphwanella okhalla athwaaye, muri mutundu woochimwa ni woolleka.

Afilipi 2:15

wi mukhalle oohichimwa ni aweella wonanko anamwani a Mulluku aphaama ayo enakhalla mu ellapo ya athu oonanara ni oolleka. Munaphwanella muwaleke variyari va yaayo wonanko etheneeri ddoowala.

1 Atesalonika 2:11

Munnadduwella wi naamukavihera arive muthu a nyuwaano wonanko mmo mullopwana anaakaviherelleeye anaaye.

1 Timoteo 4:16

Wiiwehereke weekhaawo ni owehera ehuddihwaawo. Ollipihelleke ddenndda kaambiiwa vaweerani ddenndda oneerewiivullusa weekhaawo vamodda ni yaayo enawiiwa weyaano.

1 Petro 5:12

Kuulembelleni kalata ookhuveyoolla mookaviherana ni Silivano oyo kinamweereemi mukhwaaka oororomelleya. Kinapaalla kuullipiheni murima voovelleellani ombonaaka wi ella sika echisomo ya Mulluku yawoona. Mwiimelle mwa yeeyo moohitikheya.