Mitteko 2:4 - Mawu a Mulluku

⁴ Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Mitteko 2:4 Iomraidhean Croise

2 Samuele 23:2

“Munepa wa Apwiya onallota mwa miyaano, mawaaye eri vayanoni vaka.

Yesaya 28:11

Ddawoona, Apwiya eneerewuuhuddihani oweella mwa athu a ellotello yeelleto, athu a mutundu mmodda.

Yesaya 59:21

Kineerokeraatthiha echipangano ni nyuwaano ovenyera ollello ophiyera wa enthawi yoohimalla. Munepaaka oyo ori mwa nyuwaano navettho mawaaka ayo kaahiyalleemi muwano mwanyu, kheddiwa ddivenya muwano mwanyu apaalle mwa aniinyu apaalle mwa edduullu ddanyu wa enthawi yoohimalla.”

Yeremiya 6:11

Sika ekaambiiwa kooddalla ni osha murima wa Apwiya, ngiwora owusunga.” Vano Apwiya yaallota ni miyaano wi, “Ithellella osha murimanko va anamwani aweeta m'musewuni ni va mutthukumano wa asombwe vawi naari mullopwana ni mwaariye, a embwi ni awuulluvalla wunchichi eneerophariwa.

Ezekiele 3:11

Vano oye wa Aisraele akhwaawo ayo eri wuukaporoni wallotena. Yiiwellella apaalle yakhoota waalleelle wi, Apwiya Mulluku enallota nndda.

Mika 3:8

Koma miyaano kooddalla ni masiva a Munepa wa Apwiya. Kooddalla ni echilungamo ni ollipa murima wi kaahumullulle a nibanja na Yakobo ekaamba ya ddoolakwa ddiwa nave wi kiwoonihe Aisraele ddoonanara ddiwa.

Mateyu 10:19

Yuukusellani omillatuni, muhikhupanyeke wi munaaye mwallote tini apaalle munaallote mwawiidde vawi enthawi yeeyo Mulluku eneerewuulleellani yawi mullote.

Mariko 16:17

Ookhulupililaayo eneerokodduwanyeya kaambiiwa eneerekeweera ddoottikhiniha. Eneerokokhumiha minepa ddoonanara vooromollani nnddina naka nave eneerekollota ellotello ddoohidduwanyeya.*

Luka 1:15

Aneerokhalla muullupalli vamiitthoni va Apwiya. Khawa amuwirya vinyo apaalle erive yoolezeliha. Aneeroddalliwa ni Munepa Waweella naari ahinayariwe.

Luka 1:41

Elizabeti iiwalleeye mooni wa Mariyooyo, mwaana aari m'mirimani mwayemmo ahiirukunusarukunusa. Vano Elizabeti aaddalliwa ni Munepa Waweella

Luka 1:67

Nave Zakariya, attiitthinnya a Yohane, yaaddalliwa ni Munepa Waweella nave yaallotella wi;

Luka 12:12

Vawi Munepa Waweella sika anaawuuhuddiheni yoophwanella ollota enthawi yeeyo.”

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

Luka 4:1

Yesu aahokollowa ovenyera o Yordani addalliwe ni Munepa Waweella nave aakusiwa ahoollelliwa ni Munepooyo wi aye ochipululuni.

Yohane 14:26

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

Yohane 20:22

Nave allotilleeye ddenndda ahaaviddeellella allota wi, “Akhellani Munepa Waweella.

Mitteko 1:5

Vallethi Yohane aabatiza ni maaddi koma vihinavire mallapo manchichi muneerobatiziwa ni Munepa Waweella.”

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Mitteko 10:46

Vawi yaawiiwa ellotaka mu ellotello ddoohidduwanyeya* nave etitimihaka wunnuwa wa Mulluku. Petro aallota wi,

Mitteko 10:47

“Athwaalla ahaakhella Munepa Waweella wonanko hiyaano. Vano khaavo muthu oyo anaahiihe wi ebatiziwe ni maaddi”

Mitteko 11:15

Nave kaambilleemi ollota, Munepa Waweella aakittha va alliwa wonanko mmo eerilleeye va hiyaano vawaamba valle.

Mitteko 11:24

Baranaba aari muthu aphaama, oohoollelliwa ni Munepa Waweella ni a echikhulupililo nave athu anchichi yahaanjerereya owa wa Apwiya.

Mitteko 13:52

Ookhulupilila a mu Antiyokeya yaaddalliwa ni ehakallallo owaaka Munepa Waweella.

Mitteko 13:9

Vano Saulo, (oyottho adduwanyeya ni nnddina nawi Paulo) addalliwe ni Munepa Waweella aamuweha musing'angooyo.

Mitteko 15:8

Nave Mulluku oyo anadduwella mirima dda athu attheene, tti mboni wi alliwattho tti oophwanella okhulupilila vawaavahani Munepa Waweella wonanko mmo anivahelleeye hiyaano.

Mitteko 19:6

Paulo ahiiyaatthi mattaaye va alliwaayo nave Munepa Waweella ahaaphiyera nave yahaamba ollota ellotello ddoohidduwanyeya* navettho yaanallotella.

Mitteko 2:11

Ayuda owaakattho ayo yahiri Ayuda koma yaanathwara echikhulupililo ya Ayuda navettho amoddahi nivenyenre o ellapo dda Krete ni Arabu. Attheenehi ninnawiiwa alliwaayo mu ellotello ddahu dda mitteko dduullupalli nnddo enre Mulluku.”

Mitteko 2:3

Nave yaawoona wonanko mallumi amunllo ayo yakawaneya nave ekeraattheya va arive muthu.

Mitteko 4:31

Yamallihalliiwa ovekellanko, vanipuroni mvo yatthukumanniiwa vaatikheya. Attheenaayo yaaddalliwa ni Munepa Waweella nave yaamba ollalleya othenga wa Mulluku moollipa murima.

Mitteko 4:8

Vano Petro, ahoollelliwe ni Munepa Waweella, aawaakhulla wi, “Oohoollella a athu ni attekweene,

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Mitteko 6:5

Athu attheene yaahakallalla ni nnddo yallotille amurummwa, sika yaamutthoolla Sitefano, muthu ooddalla ni echikhulupililo ni Munepa Waweella. Navettho yahaatthoolla Filipo,* Prokoro, Nikanore, Timoni, Parmenasi ni Nikolasi a o Antiyokeya* oyottho ahaari Muyuda koma athwara echikhulupililo ya Ayuda.

Mitteko 6:8

Sitefanooyo aaddalla ni echisomo ni masiva ddoovenyera wa Mulluku wawi aheera ddoottikhiniha dduullupalli ni ezizindikiro ddinchichi variyari va athu.

Mitteko 7:55

Koma Sitefano addalliwe ni Munepa Waweella, aaweha oddullu oona ntitimiho na Mulluku ni Yesu iimenlle onnattanatta na Mulluku.

Mitteko 8:17

Nave Petro ni Yohane yahiiyaatthi mattiiwa va athwaayo nave yahaakhella Munepa Waweella.

Mitteko 9:17

Vano Ananiya aatimulla, avollowa mpa mwaari Saulooyo, iiyaatthi mattaaye va olliye allota wi, “Mwanamunnaka Saulo, Apwiya Yesu aakiruma miyaano yeekhiwa, tti yaalla yawooneyelle vamusewuni waweewe wuno. Ekirumalle wi woonettho ni ohoollelliwa ni Munepa Waweella.”

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

1 Akorinto 12:10

Munepooyo annamuvaha muthu mmodda masiva aweerana ddoottikhiniha, wa mmodda emphaso yoollotella, wa mmodda ezeru ddoohiyaniha emphaso ddoovenyera wa Munepa ni nnddo ddihinavenyera wa Munepa. Wa muthu mmodda anamvaha masiva ollota ellotello ddoohidduwanyeya;* nave wa mmodda anamvaha masiva oottaphullella ellotellonnddo.

1 Akorinto 13:1

Naari killotaka ellotello dda athu ni dda angelo koma kaahikhalla ni echikondi, ollota waka onakhalla wonanko mukoko wawoopiwa apaalle belo awoopiwa.

1 Akorinto 13:8

Echikondi khenamalla. Vookhalla onamallotella koma yoolla oneeromalla. Vookhalla ellotello ddoohidduwanyeya* koma ddineeromalla. Vookhalla odduwella koma oneeromalla.

1 Akorinto 14:18

Kinamuthokoza Mulluku kaambiiwa kinnallota ellotello ddoohidduwanyeya wunchichi ohiyana ni nyuwaano attheene.

1 Akorinto 14:5

Nave kinapaalla nyuwaano attheene mulloteke ellotello ddoohidduwanyeya koma ohiyana ni yeella mwaakhanllekena emphaso yoollotella. Vawi muthu anallotella tti oopaalleya wunchichi ohiyana ni oyo anallota ellotello ddoohidduwanyeya waahikhalla muthu oottaphullella nnddo analloteeye wi mpingo muttheene ollipihiwe.

Aefeso 3:19

Ddawoona, kinavekella wi mudduwelle echikondi ya Khrisitu naari khonaworeya odduwellesesa wi muddalliwe ni okumi muttheene wa Mulluku.

Aefeso 5:18

Muhilezeleke ni vinyo kaambiiwa olezela onneeriha ddeko ddoonanara koma muhoollelliwe ni Munepa Waweella.

Aefeso 6:18

Mweereke ddenndda mu nivekello. Muvekelleke va ddirive ddaweereya, moohoollelliwa ni Munepa. Mukhalleke oowehera nave muvekelleke moohihiyerera, mwaavekellellekettho athu a Mulluku enthawi ettheene.

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.

2 Petro 1:21

Vawi kheyiivo yoollotelliwa yawiille ovenyera wa ddoopaalla dda athu koma athu yahoollelliwa ni Munepa Waweella wi ellote othenga woovenyera wa Mulluku.

1 Samuele 1:14

Eli aamukoha olliye wi, “Munaakhalle oolezela ophiyera niini? Khaweni olezelanko waambe owuukunuwani.”

1 Samuele 10:10

Saulo ni mullupa muttekwaaye ephiyalle o Gibea, yaakumana ni mulloko wa anamallotella. Vano Munepa a Mulluku aamuvollowa Saulooyo, aamba ollotella.