Mitteko 2:3 - Mawu a Mulluku

³ Nave yaawoona wonanko mallumi amunllo ayo yakawaneya nave ekeraattheya va arive muthu.

Mitteko 2:3 Iomraidhean Croise

Genesis 11:6

Sika Apwiya yaallota wi, “Vano athu attheenaalla eri amodda nave enallota ellotello emoddave. Ddeko eneereewanndda tti maambeellello a ddeko enaaweeriiwa muhoollo. Sika alliwaalla ttuuweera erive ello eyo enapaalliiwa.

Masalimo 55:9

Nyu Apwiya, virikanihani ollota wa adanaaka, vawi kinoona owukila ni ekhoto m'muzindanimmo.

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Yeremiya 23:29

Vallethi mawaaka enaviha wonanko munllo nave tti wonanko hamala oopwesella nlluku.

Mateyu 3:11

“Kinuubatizani ni maaddi wooniha wi moorukunuwa murima koma oyo anaawe mutulli mwaka tti muullupalli ookikhwaranya miyaano. Ngiphwanenlle naari otukhulla esapato ddaye. Yoolla aneerewuubatizani ni Munepa Waweella ni munllo.

Mateyu 3:15

Koma Yesu aamwaakhulla wi, “Waakhullelle vano vawi mwawi ddiidda nineerokwakhwaniha echilungamo ettheene.” Vano Yohane ahaakhullella.

Luka 24:32

Yaallota muthu ni mukhwaaye, “Naahakallalla alloteeye neetaka m'musewuni mulle anilleellaka dda mawu a Mulluku.”

Mitteko 1:15

Viviralle mallapo ooyeva waakhalla mutthukumano wa ookhulupililave 120. Vano Petro ahiimella allota wi,

Mitteko 2:11

Ayuda owaakattho ayo yahiri Ayuda koma yaanathwara echikhulupililo ya Ayuda navettho amoddahi nivenyenre o ellapo dda Krete ni Arabu. Attheenehi ninnawiiwa alliwaayo mu ellotello ddahu dda mitteko dduullupalli nnddo enre Mulluku.”

Mitteko 2:2

Moorurumusa wahiiweya ovenyera oddullu wonanko woopa wa ephevo yawoopiha nave yahiiweya mpa mutthemwene yakhanlliiwammo.

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

1 Akorinto 12:10

Munepooyo annamuvaha muthu mmodda masiva aweerana ddoottikhiniha, wa mmodda emphaso yoollotella, wa mmodda ezeru ddoohiyaniha emphaso ddoovenyera wa Munepa ni nnddo ddihinavenyera wa Munepa. Wa muthu mmodda anamvaha masiva ollota ellotello ddoohidduwanyeya;* nave wa mmodda anamvaha masiva oottaphullella ellotellonnddo.

Yakobo 3:6

Sika nllumi niri wonanko munllo. Nllumittho nookhalla ni masiva oonanara, ninakhalla m'mwiillini mwahu ni oripiha mwiilli muttheene. Ninnakhariha munllo mookumaahu muttheene waambeella oyariwa ophiyera okhwa nave ninnavalla munllo o gehena.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Yawuupullulla 14:6

Nave kaamoona mungelo mmodda avavaka muddullu, aakhalla ni othenga waphaama wa enthawi yoohimalla wi allalleye wa athu a va ellapo yavatthi, wa mitundu ddittheddene, malloko mattheene, ellotello ddittheddene ni ellapo ettheene.