Mitteko 2:23 - Mawu a Mulluku

²³ Yesu yoolla aavelleelliwa moollikana ni opaalla wa Mulluku vawi aadduwella khalle wi mwaamutthomeya vamutandani nave mumwiipha voomuvelleellani wa athu oonanara.

Mitteko 2:23 Iomraidhean Croise

Genesis 50:20

Nyuwaano mwahiiwanana okeerella yoonanara koma Mulluku aatthattusa okhalla yaphaama wi athu anchichi evullusiwe. Sika ekaamba yawi ollello athu anchichi aavullusiwa.

Masalimo 76:10

Ddawoona, osha murima wa athu oneerewuuriihani, oovulluwa o osha murimanko muneerewaasunga vakhuviru ni nyuwaano.

Yesaya 37:26

“Koma mi Apwiya kinallota wi, ‘Ethiyo khoniiwekevo wi ddenndda kaaddisimikiza khalleve? Kaaddisimikiza mallapo akhallekhalle nave kineeroddeera ddenndda. Mi kahaakhullella wi waakumulla mizinda ddamipanda ni odditthattusa ntepe.

Daniele 4:35

Attheene ookhalla vatthimva eneesiwa etthiru, anneera ddoomuddivella oddullu ni vatthi. Khaavo naari mmodda oomuvaanyiha ddoopaalla ddaye apaalle omukoha wi, ‘Wenre tini?’ ”

Mateyu 20:19

Vano eneerokivelleella wa athu ayo ehiri Ayuda, yaayo eneerokillotella epewe, ekiwashulle, ekitthomeye vamutandani koma vavira mallapo mararu kineerovenyihiwa wa ookhwa.”

Mateyu 26:24

Mi, Mwaana a Muthu, kineerokhwa moollikana ni ddoolembiwa mu mawu a Mulluku koma ootulli tti muthu oyo anaakivelleelle miyaano! Waaweerokhalla phaama wa muthu yooyo ahiyariweke!”

Mateyu 27:35

Yaamutthomeya vamutandani ni okawana ddoowara ddaye weekhiiwa yoombesille.

Mariko 15:24

Vano yaamutthomeya vamutandani ni okawana ddoowara ddaye weekhiiwa yoombesille wi yoone ttaani anaakuse eevi.

Luka 22:22

Vawi mi, Mwaana a Muthu, kineerokhwa moollikana ni mmo Mulluku aganizereeye koma ootulli tti muthu anaakivelleellooyo!”

Luka 22:37

Kinimuulleellani wi, ddinaphwanella ddikwakhwanihiwe mwa miyaano ddallotiwe Mu mawu a Mulluku wi, ‘Yaamweesa wonanko mmodda a athu oohithwara malamulo.’ Vawi nnddo ddalembiwe dda miyaano ddinnakwakhwanella.”

Luka 23:33

Nave yaphiyalliiwa onipuroni nooromolliwa “Nipuro na Nikharakadda,” yaamutthomeyawo vamutandani Yesu ni ezigawenga, mmodda onnattanatta naye nave mmoddooyo onnatta noonyottho naye.

Luka 24:20

Allupa mukutho uullupalli ni attekweenaahu yaamuvelleella wi iipiwe mullatu ni wiiphiwa nave yaamutthomeya vamutandani.

Yohane 19:18

Yaamutthomeya vamutandani vaavo vamodda ni athu amodda eelli, mmodda o nnattanatta nave mmodda wuunyotthoni nave Yesu variyari.

Yohane 19:24

Vano akhotwaalle yaallota mmodda ni mukhwaaye wi, “Nihaahulle alla koma noombese wi noone wi anaakuse ttaani.” Ddaari ddiiddo wi mawu a Mulluku ekwakhwanihiwe awi, “Yaakawana ddoowara ddaka nave yahoombesera va mukanjwaaka.” Sika akhoto yaheera ella.

Mitteko 13:27

Vawi athu enakhalla o Yerusalemu ni attekweeniiwa kheyaadduwenlle wi olliyooyo tti oovullusa naari kheyaawiiwesesille mawu a anamallotella ayo yeerengiwa va nirive nllapo na Sabata. Voomwiipani mullatu Yesu yaakwakhwaniha mawu yallotiwe ni anamallotella.

Mitteko 15:18

Sika Apwiya yaheeriha ddenndda wi ddidduwanyeye khalle.’

Mitteko 2:36

“Vano Aisraele attheene edduwellesese wi Yesu olla mwamutthomeyilleenyu vamutandani, tti oyo Mulluku amweenreeye wi akhalle Apwiya navettho Mesiya!”

Mitteko 3:18

Mulluku aallotella khalle oweella mwa anamallotella attheene wi Mesiya anaphwanella wi ahoosiwe nave ddaakwakhwanihiwa.

Mitteko 4:28

Yaatthukumana wi yeere ddittheddene nnddo mwakhozilleenyu khalle ni masivaanyu ni opaalla wanyu.

Mitteko 5:28

Aallota wi, “Valle nahuuhiihani wi muhihuddihe wiilli muromollaka nnddina na muthu yoolla koma moovuwiha ehuddihwaanywiilla mu Yerusalemu mutthewene nave munapaalla muniphwanyelle mullatu wawi tti hiyaano namwiiphalle!”

Mitteko 5:30

Mulluku a makhollwaahu aamuvenyiha Yesu wa ookhwa, nyuwaano mumwiiphalle nave mumutthomeyille vamutandani.

Mitteko 7:52

Makhollwaanyu yaamuhoosa arive namallotella. Yaawiipha athu ayo khalle yallalleyille dda owa wa muthu oolungama oyo mwaamuvelleenlleenyu wi iiphiwe.

Aroma 2:12

Athu ayo ehiri Ayuda khenna malamulo a Mose yaachimwaka nave eneerewoonongiwa naari ehinna malamulwaayo. Ayuda aakhalla ni malamulo yaalla yaachimwaka nave eneeruziwe ni malamulo yaayo.

Aroma 4:17

wonanko mmo mawu a Mulluku enallotelliiwa wi, “Kohuukeraatthiha weyaano wi okhalle nikhollo na mitundu ddinchichi.” Lonjezo nenna Abrahamu aanaakhella ovenyera wa Mulluku kaambiiwa aamukhulupilila Mulluku oyo anaavenyiha ookhwa nave oyo analamula wi ddeko ddiphatuwe.

1 Atesalonika 2:15

Ayudaayo sika yawiiphalle Apwiya Yesu ni anamallotella nave yaanihoosattho hiyaano. Khenamuhakallalliha Mulluku navettho enniitana ni athu attheene.

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.

1 Petro 1:20

Mulluku aamutthoolla ellapo yavatthi ehinaphatusiwe nave ahuupullulliwa mu mallapo oomallihaalla ekaamba ya nyuwaano.

1 Petro 2:8

Nave mawu a Mulluku amodda eni, “Nna sika nlluku ninaakwakwatuwihe athu, nlluku nno ninaakuhe.” Moollikana ni opaalla wa Mulluku, yaakwakwatuwa kaambiiwa kheyiiwellelle mawu a Mulluku.

Yuda 1:4

Vawi athu amodda oohikhulupilila yaavollowa variyari vanyu mwawiitta. Yaalla tti athu ayo enaanganyera echisomo ya Mullukwaahu wi ephwanyellevo yaweerella machimo oorarawu, ayo enamukhoota Yesu Khrisitu, yooyove ari ooholleellaahu ni Apwiihu. Ddaalembiwa khalle mu mawu a Mulluku wi athu yaalla eneerollakiwa.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.