Mitteko 2:22 - Mawu a Mulluku

²² “Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Mitteko 2:22 Iomraidhean Croise

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

Mateyu 12:28

Koma kaakhumihaka minepa ddoonanara ni masiva a Munepa a Mulluku ddinnooniha wi omwene wa Mulluku woowa khalle wa nyuwaano.

Mateyu 2:23

Vano aakhalla mu etawoni yooromolliwa Nazareti wi ekwakhwanihiwe yoollotiwa ni anamallotella wi, “Aneeroromolliwa Munazarene.”

Mateyu 9:8

Athu yoonilliiwa yeella, yahoova wunchichi emutitimiha Mulluku, ekaamba yowaavaha athu olamulello yoolla.

Luka 11:20

Koma kaakhumihaka minepa ddoonanara ni masiva a Mulluku ddinnooniha wi omwene wa Mulluku woowa khalle wa nyuwaano.

Luka 18:37

Athwaalle yaamwaakhulla wi, “Yesu a o Nazareti animavira.”

Luka 24:18

Mmoddooyo nnddina naye Keleopa, aamukoha wi, “Nyu tti mulleto yooyove mu Yerusalemummu ahinadduwella ddeko ddeereyille mallapo yaalla?”

Yohane 1:45

Vano Filipo aamuphwanya Natanaele nave aamulleella wi, “Noomuphwanya oyo malamulo a Mose ni ehuddiho ya anamallotella yamwaakiiwa. Tti Yesu a o Nazareti, mwaana a Yosefe.”

Yohane 10:37

Kaaheeraka mitteko ddoovenyera wa Attiitthaaka, muhikikhullupilile.

Yohane 11:47

Sika allupa mukutho uullupalli ni Afarisi yahiithaniha mutthukumano wa attekweene a millatu a Ayuda,* ellota wi, “Nineere tini hiyaano? Vawi muthoolla anneera ddoottikhiniha ddinchichi.

Yohane 12:17

Vano athu ayo yaari vamodda ni Yesu, valle aamwiithanneeye Lazaro wi akhume mu mahame ni omuvenyiha wa ookhwa yaanavuwiha ddamweereyelle Lazaro.

Yohane 15:24

Kaheerilleke mitteko nnddo mmodda aheerilleeye wa alliwaayo vano kheyaakhalle ni mullatu woochimwana. Koma yahoona nnddo keerilleemi naari yakiitalle miyaano ni Attiitthaaka.

Yohane 19:19

Pilato aalemba edduwanyeyiho iiyaatthi vamutandani. Aalembille wi, “Yesu a o Nazareti, Mwene a Ayuda.”

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Yohane 4:48

Yesu aamulleella wi, “Khamuwa mukhulupilila mwaahoona ezizindikiro ni ddoottikhiniha.”

Yohane 5:36

Koma miyaano kookhalla ni mboni oopaalleya wunchichi ohiyana ni Yohane. Vawi Attiitthaaka aakivaha mitteko wi kimallihe nave mitteko ddennddo kineereemi tti omboni wawi Attiitthaaka aakiruma.

Yohane 6:14

Athu yoonilliiwa ddoottikhiniha Yesu eerilleeye, yaallota wi, “Ddawoona yoolla tti namallotella oyo anaawe mu ellapo yavatthi!”

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Yohane 7:31

Nave anchichi yaamukhulupilila ellota wi, “Ethiyo Mesiya ninamutiyerehooyo, aneereweera ddoottikhiniha ddinchichi omukhwaranya muthu yoolla?”

Yohane 9:33

Muthu yoolla aariki oohivenyera wa Mulluku khaawore weera ello yeella.”

Mitteko 13:16

Sika Paulo ahiimella, uuva ni nnatta naye owiithana athu wi ewe vakhuviru nave aamba ollota wi, “Aisraele akhwaaka owaakattho nyu muhiri Aisraele koma munamoova Mulluku, kiiwelleni!

Mitteko 14:27

Yaphiyalliiwa o Antiyokeya, yahaatthukumaniha athu a mpingo vamodda yaalleella ddittheddene Mulluku eerilleeye oweella mwa alliwaayo. Nave yahaalleellattho mmo Mulluku aworelleeye wi athu ayo ehiri Ayuda ekhulupilile.

Mitteko 2:19

Kineerewooniha ddoottikhiniha, oddullu ni ellapo yavatthi, nikhame, munllo ni mwiisi woottikana.

Mitteko 2:43

Ddoottikhiniha ni ezizindikiro ddinchichi ddaheeriwa ni amurummwaayo nave athu attheene yahoova.

Mitteko 21:28

Yaakhuwa wi, “Aisraele nyu! Nikavihereni, olla sika muthu olle ayiille virive veko ahuddihaka ddawaavaanyiha Aisraele, malamulo a Mose ni enyumba ya Mulluku. Navettho ohaavollochiha athu ayo ehiri Aisraele mu enyumba ya Mulluku nave anaripiha nipuro noopatuleyanna!”

Mitteko 22:8

Kahaakhulla wi, ‘Nyuwaano ttaani, Apwiya?’ Yaallota wa miyaano wi, ‘Mi tti Yesu a o Nazareti, oyo onamuhooseewe’

Mitteko 24:5

Noophwanya wi muthoolla tti ookatamiha, annaambiha owana variyari va Ayuda orive weko va ellapo yavatthi navettho tti oohoollella mulloko wa Anazarene.

Mitteko 26:26

Vawi mwene Agripa annadduwella ddeko ddenndda nave kinallota moottaphuwa ddiidda. Ddeko ddenndda kheddaaweereyille mwawiipittheya sika kheyiivo naari emodda eyo ehinadduwelliiwa.

Mitteko 26:9

“Mi meekha kaganiza wi kaari oophwanella weera erive ello yoovaanyiha nnddina na Yesu a o Nazareti.

Mitteko 3:12

Petro awoonilleeye athwaayo, aallota wi, “Aisraele nyu, munattikhinella tini ni yeella apaalle munaniweherati wonanko nimweetihalle muthoolla ni masivaahu apaalle wi niri aweellesesa?

Mitteko 3:6

Koma Petro aamulleella wi, “Makobiri nginna koma kineerewuuvaha kiriimina. Mu nnddina na Yesu Khrisitu o Nazareti kinuulamulella wi, venya weete.”

Mitteko 4:10

vano attheenenyu mudduwelle ni athu attheene a o Israele edduwelle wi muthoolla ohiimella achirihiwe ekaamba ya masiva a nnddina na Yesu Khrisitu a o Nazareti, oyo mwamutthomeyilleenyu vamutandani nave oyo Mulluku aamuvenyihalleeye wa ookhwa.

Mitteko 5:35

Nave aallota wa athu attheene a vanthatonimvo wi, “Aisraele akhwaaka, chenjerani wa eyo munapaalleenyu wi muweerelle athwaalla.

Mitteko 6:14

Naamwiiwa allotaka wi Yesu a o Nazareti aneerokumulla enyumba ya Mulluku navettho aneerowaakakhaniha malamulo mattheene a makhollwaahu ayo Mose aavahilleeye makhollwaahu!”

2 Akorinto 12:12

Kaarimi ni nyuwaano, mookhurumusa murima kaheera ezizindikiro, ddoottikhiniha ni ddeko ddamasiva ddawooniha wi miyaano tti murummwa.

Aheberi 2:4

Enthawi yeeyo Mulluku aheera omboni vaweerani ezizindikiro, masiva ni ddoottikhiniha ddoohiyanahiyana navettho vawaavahani emphaso dda Munepa Waweella moollikana ni opaalla waye.