Mitteko 2:17 - Mawu a Mulluku

¹⁷ Mulluku aallota wi, ‘Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

Mitteko 2:17 Iomraidhean Croise

Genesis 49:1

Vatulli viwa Yakobo aawiithana anaaye aallopwana nave aalleella wi, “Mutthukumane vamodda wi kuulleelleni ddinaaweereyelleni muhoollo.”

Genesis 6:12

Mulluku awehille ellapo yavatthi ahoona wi tti yoonanara, ekaamba yawi athu attheene yaari oonanara wunchichi.

Masalimo 65:2

Nyu oyo munaapella maaru mavekello, athu attheene eneeroowa wa nyuwaano

Masalimo 72:6

Aneerokhalla wonanko murimu oorupella m'matani, enyeenye yoorupella ethaya.

Miyambo 1:23

Apellani maaru kaawuuhumullullakani vawi kinapaalla wuulleellani ddiri m'murimani mwaka nave mudduwelle maganizwaaka.

Yesaya 2:2

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Mitundu ddittheddene dda athu ddineerothamakella omwaangoninko.

Yesaya 40:5

Vano ntitimiho na Apwiya nineerewooneya, athu attheene eneerewoona, vawi Apwiya sika ellotille ddenndda ni eyanwiiwa.”

Yesaya 44:3

Kineerohella maaddi veellaponi yawumma, kineereweetiha mihinje muchipululuni. Kineerewaarumihella anaawo munepaaka, kineerokitthiha madaliswaaka va edduullu ddawo.

Yesaya 49:26

Kineerewaawatihera awuuhoosani wi eche muhehiiwa eneerolezela ni nikhame niwa wonanko ni vinyo anaanweene. Sika athu attheene eneerodduwella wi Mi tti Apwiya, Oovullusaanyu, Oowoopollaanyu, Amasiva a Yakobo.”

Yesaya 66:23

Athu a mitundu ddittheddene eneeroowa okillapella o Yerusalemu va erive Ehakallallo ya Wooneya wa Mweeri ni nirive nllapo na Sabata,” Apwiya aallota.

Ezekiele 11:19

Kineerewaavaha murima wanaanweene ni munepa musha. Kineerovenyiha murima wawumma wonanko nlluku nave kineerewaavaha muwari mwiwa murima wawoollowa wonanko muhehe.

Ezekiele 39:29

Ngiwa kaareya etulli vawi kineerohella munepaaka wa Aisraele. Mi Apwiya Mulluku koollota.”

Daniele 10:14

Sika koowa wi kuutthopoollelle nnddo ddinaaweereyelle athwaawo mallapo enawaalla. Ddeko waddoonilleewe m'masomphenyanndda ddineereweereya mallapo amuhoollo.”

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Mika 4:1

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Athu ddineerothamakella omwaangoninko,

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Zekariya 2:13

Nyu athu attheene, erani ellapo tuu vamiitthoni va Apwiya ekaamba yawi aavenya ni okhuma o nipuroni niwa naweella.

Luka 3:6

Athu attheene eneerewoona ovullusa wa Mulluku.’ ”

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Yohane 7:39

Yesu alloteeye ddenndda allota dda Munepa oyo ookhulupilila mwa olliyooyo eneeriiwa yaakhelle. Va enthawi yeeyo Munepa Waweellooyo waari ohinavahiwe kaambiiwa Yesu aari ahinatitimihiwe.

Mitteko 10:45

Ayuda ookhulupilila ayo yavenyenre o Yopa ni Petro yaattikhina wi Mulluku aavaha emphaswaaye ya Munepa Waweella naari va athu oohikhalla Ayuda.

Mitteko 11:27

Vano mallapo yaayo anamallotella o Yerusalemu yaaya o Antiyokeya.

Mitteko 11:28

Mmodda a anamallotellaayo nnddina naye aari Agabu aallotella ni masiva a Munepa Waweella wi ettalla yawoopiha eneerophiya va ellapo yavatthi ettheene. (Nndda ddeereyille Klaudiyo aariiye oolamulella a o Roma)

Mitteko 2:16

Ddineereyanndda sika ddallotelliwe ni namallotella Yowele wi,

Mitteko 2:18

Enthawi yeeyo kineerokitthiha Munepaaka, naari va akaporo aallopwana ni aatthiyana. Sika eneerollotella.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

Mitteko 21:9

Olliyoolla aakhalla ni anaaye aatthiyana asese oohitthelliwa ayo yaari anamallotella.

Aroma 5:5

Nave otiyera wonngu khonaniwulliha muru kaambiiwa Mulluku, oweella mwa Munepa Waweella oyo anivahilleeye, aaddalliha mirima ddahu ni echikondaaye.

1 Akorinto 12:10

Munepooyo annamuvaha muthu mmodda masiva aweerana ddoottikhiniha, wa mmodda emphaso yoollotella, wa mmodda ezeru ddoohiyaniha emphaso ddoovenyera wa Munepa ni nnddo ddihinavenyera wa Munepa. Wa muthu mmodda anamvaha masiva ollota ellotello ddoohidduwanyeya;* nave wa mmodda anamvaha masiva oottaphullella ellotellonnddo.

1 Akorinto 12:28

Mumpingoni, Mulluku ahaatthoolla vawaamba amurummwa, aneepiilli anamallotella, aneeraru ahuddihi, oothwarellella, athu aweera ddoottikhiniha, oothwarellellattho, athu oovahiwa masiva oochiriha apaalle okavihera amodda apaalle waahoollella apaalle ollota ellotello ddoohidduwanyeya.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

Yakobo 5:3

Golidaanyu ni silivaanyu ookhalla ni murawa nave murawooyo sika oneerelle omboni wawuuvaanyihani nave oneerewoononga mwiillaanyu wonanko munllo. Mohiitthukumanihella eyuuma mallapo oomallihellaalla.

2 Petro 3:3

Yawaambeella, munaphwanella wi mwiiwesese wi mallapo oomallihellaalla athu amodda oolamuliwa ni minkhella ddiwa eneerewooneya. Eneeroweerellani epewe