Mitteko 2:14 - Mawu a Mulluku

¹⁴ Vano Petro ahiimella vamodda ni amurummwa amodda khumi ni mmoddaalle nave olliyooyo ahaamba ollota mookhuwa wi, “Nyu Ayuda, nyu attheene munakhalla mu Yerusalemu, kiiwellelleni miyaano wi mwiiwesese nndda.

Mitteko 2:14 Iomraidhean Croise

Miyambo 8:32

“Vano anaaka, apellani maaru, oodalisiwa tti ayo enasunga ettilla ddaka.

Yesaya 40:9

We oollalleya othenga waphaama o Yerusalemu, wella va mwaango woorekama. We oollalleya othenga waphaama o Ziyoni, khuwa mwamasiva. Welliha mawu, ohoove, olleelle mizinda dda o Yuda wi, “Olla sika Mullukwaanyu!”

Yesaya 51:1

Apwiya enallota wi, “Nyu munapaalla ovulluwa, kaapelleni maaru, nyu munapaalla wi kuukavihereni. Ngaganizerani dda nlluku nko mwasemiweenyuwo, o nddalla namalluku mwakatiweenyuwo.

Yesaya 51:4

Nyu anaaka, ngiiwani, nyu mutundwaaka, apellani maaru. Malamulo enaavenyere wa miyaano, echilungamwaaka eneerewaamolleella.

Yesaya 51:7

Nyu oodduwella echilungamo, ngiiwani, nyu oosunga malamulwaaka m'murimani. Muhoove athu yaawuuhumullullakani, muhitathille murima yaawuunyaambusakani.

Yesaya 52:8

Ngiiwani, alondaanyu ennawelliha mawu, eniipa vamodda moohakallalla vawi ennoona ni miitthwiiwa Apwiya ehokollweellaka o Ziyoni.

Yesaya 55:2

Kaambiiwa tini makobiraanyu munoonongellaanyu ddeko ddoohichiwa? Kaambiiwa tini mallivellwaanyu munatathillelleenyu ddeko ddoohivoniha? Mwiiwesese nnddo kinalloteemi, mucheke ddeko ddaphaamave, muhakallalleke ni ddoocha ddoonuna.

Yesaya 58:1

Apwiya enallota wi, “Khuwa wunchichi, ohihiyerere! Llipiha okhuwa wonanko nipallapata! Alleelle athwaaka dda olakwa wiwa ni a nibanja na Yakobo dda machimwiiwa.

Hoseya 8:1

Apwiya enallota wi, “Ipani nipallapata! Adani aatthukumanella enyumba ya Apwiya wonanko mipungu va enama yookhwa. Athu aatathilla echipanganwaaka nave aachimwella malamulwaaka.

Mateyu 2:1

Yesu ayariweeye mu etawoni ya Betelehemu mu echigawo ya Yudeya, mwene a ellapweeyo aari Herode.* Enthawi yeeyo athu oohuddera dda etheneeri oovenyera wookhuma nndduwa yaaphiya m'muzindani wa Yerusalemu.

Mitteko 1:26

Yahoombesa nave Matiyasi aatthoolliwa akhalla murummwa nimodda ni amurummwa amodda khumi ni mmoddaayo.

Mitteko 13:16

Sika Paulo ahiimella, uuva ni nnatta naye owiithana athu wi ewe vakhuviru nave aamba ollota wi, “Aisraele akhwaaka owaakattho nyu muhiri Aisraele koma munamoova Mulluku, kiiwelleni!

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Mitteko 21:28

Yaakhuwa wi, “Aisraele nyu! Nikavihereni, olla sika muthu olle ayiille virive veko ahuddihaka ddawaavaanyiha Aisraele, malamulo a Mose ni enyumba ya Mulluku. Navettho ohaavollochiha athu ayo ehiri Aisraele mu enyumba ya Mulluku nave anaripiha nipuro noopatuleyanna!”

Mitteko 5:35

Nave aallota wa athu attheene a vanthatonimvo wi, “Aisraele akhwaaka, chenjerani wa eyo munapaalleenyu wi muweerelle athwaalla.

Mitteko 7:2

Sitefano ahaakhulla wi, “Asinnaka ni attiitthaaka, kiiwelleni miyaano! Nikhollo nahu Abrahamu aariiye o Mesopotamiya ahinaye wi akhalle o Harana, Mulluku antitimiho aamooneyella,

Deuteronomo 27:9

Vano Mose ni allupa mukutho Aalevi yahaalleella Aisraele wi, “Nyu Aisraele, mweere ellapo tuu nave mwaapelle maaru! Ollello mootthattuwa athu a Apwiya Mullukwaanyu.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.