Mitteko 2:13 - Mawu a Mulluku

¹³ Koma amoddaayo yaamoona waattheya ookhulupililaayo ellotaka wi, “Athu yaalla evonille ottheka.”

Mitteko 2:13 Iomraidhean Croise

Yobu 32:19

Ngoonani, murimaaka tti wonanko vinyo ahinna voovumella, nthumba na vinyo nanaanweene nno nihanlle vang'ono ophulleya.

Nchipo na Solomoni 7:9

Eyanwaawo ekhalle wonanko vinyo ooddivesesa, oomorella vayanoni ni vamiinoni. Namwalli

Yesaya 25:6

Va mwaango wa Ziyoni Apwiya Amasiva Mattheene eneerokeraatthihella mitundu ddittheddene dda athu machellello a ddoocha ddooddiva ni a vinyo aphaama, machellello a enama yoonuna ni a vinyo ooddivesesa.

Zekariya 10:7

Aefuremu enaakhalle wonanko akhoto amasiva, eneerohakallalla wonanko athu oomuvona vinyo. Aniiwa eneeroddoona ddenndda, eneerohakallallattho m'murimani mwiwa muneeroddalla othapella, ekaamba ya nnddo yeerille Apwiya.”

Zekariya 9:15

Apwiya Amasiva Mattheene eneerowaakiha, alliwa eneerewaapambana ni waagonjiha adaniiwa vawaavokhani malluku, eneerowirya nikhame na adaniiwa nngu ekhuwaka wonanko emuvonille vinyo. Nikhamenno nineereweetellella wonanko na mukutho, nawiithellelliwa ni kapu va nikuwa.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Mitteko 2:15

Athwaalla khevonille ottheka moollikana ni mmo munaganizereenyu vawi enthawi eri 9 koloko ohinase.

1 Akorinto 14:23

Vano mpingo muttheene watthukumana vamodda nave arive muthu aamba ollota mu ellotello ddoohidduwanyeya nave athu oohikhulupilila apaalle athu amodda yavollowa, khellota wi nyuwaano tti allupaanepa?

Aefeso 5:18

Muhilezeleke ni vinyo kaambiiwa olezela onneeriha ddeko ddoonanara koma muhoollelliwe ni Munepa Waweella.

1 Samuele 1:14

Eli aamukoha olliye wi, “Munaakhalle oolezela ophiyera niini? Khaweni olezelanko waambe owuukunuwani.”