Mitteko 2:10 - Mawu a Mulluku

¹⁰ Frijiya, Pamfuliya ni Iguputo ni ezigawo dda Libiya waatamella o etawoni ya Kurene. Amoddahi nivenyenre o Roma,

Mitteko 2:10 Iomraidhean Croise

Genesis 12:10

Koma mwiillaponimmo mwaakhalla ettalla. Ekaamba yawi ettalleeyo yahunnuwa wunchichi, Abramu aakhwaranyella omwera, aaphiya o Iguputo wi akhallewo enthawi yooyeva.

Estere 8:17

Mu ezigawo ddittheddene ni mu mizinda ddittheddene mmo mwaphiyalle mawu a mwene oollalleya lamulonne, mwaakhalla ohakallalla ni ottaphuwa variyari va Ayuda. Naari nllapo na ehakallallo ni nawiithuuwa, noohiphara mutteko. Sika athu a malloko ddinchichi mu omwenooyo yahaamba wiiromolla wi tti Ayuda vawi yaanawoova wunchichi Ayuda.

Yeremiya 46:9

Nyu akavalo, hankoni, nyu magareta, thamakani, Nyu akhoto, yaani vahoollo, nyu a o Kushi ni a o Puti, oophareella ezishango, nyu eeruso dda miira a o Ludi.”

Yeremiya 9:26

Kineerewaallaka Aiguputo, Ayuda, Aedomu, Aamoni, Amowabu ni attheene ayo enakhalla mu echipululu oophaddera mphattamaaru. Mitundu ddimodda ddittheddenenndda tti ddoohiphaddiwa naari mutundu muttheene wa Aisraele tti woohiphaddiwattho m'murimani.”

Ezekiele 30:5

Kushi, Puti, Ludi, Arabiya, Libiya ni athu a mu ellapo ddawaatamanana eneerewiiphiwa nimodda vakhotonimvo.

Daniele 11:43

Mwenooyo aneerewaakha eyuuma ya golide ni siliva navettho ddeko ddoowallamella mutengo dda o Iguputo. Aneerewaagonjihattho a o Libya ni a o Kushi.

Hoseya 11:1

Apwiya enallota wi, “Israele aariiye mwaana kaanamukonda, kaamwiithana mwanaka wi akhumewo o Iguputo.”

Zekariya 8:20

Apwiya Amasiva Mattheene enallota wi, “Enthawi ya owa wa athu oovenyera o mizinda ddinchichi eneerokwakhwana.

Zekariya 8:23

Va mallapo yaayo athu khumi oovenyera o mitundu dda athu ddoohiyanahiyana eneeromuwanddeellella Muyuda ni ollota wi, ‘Nithaananena kaambiiwa nohiiwa wi Mulluku ari ni nyuwaano.’ ”

Mateyu 2:15

Yaakhalla wenko ophiyera Herode aakhwa. Ella yeereye wi ekwakhwanelle eyo yallotille Apwiya mwa namallotella wi, “Kaamwiithana mwanaka wi akhumewo o Iguputo.”

Mateyu 23:15

“Mookhalla ni otulli ahuddihi a malamulo ni Afarisi, awoottha nyu! Munneeteeta virive veko omwaashaasha muthu oyo ahiri Muyuda wi athwareke echikhulupililwaanyu. Athwara echikhulupililwaanyu munnamweeriha yooyo wi allakiwe o gehena ohiyana ni nyuwaano wiilli.

Mateyu 27:32

Akhotwaayo yakhumiiwa ni Yesu, yaakumana ni muthu a o Kurene nnddina naye Simoni nave akhotwaalle yaamuwatihera wi iireye mutanda wa Yesu.

Mariko 15:21

Akhotwaayo yamukusalliiwa Yesu yaakumana ni muthu oovira nnddina naye Simoni, avenyeraka o mizi ayaaka o etawoninko. (Simoni aari a o Kurene, attiitthiiwa a Alekizandro ni Rufu.) Akhotwaayo yaamuwatihera wi areye mutanda wa Yesu.

Mitteko 11:20

Koma ookhulupilila amodda, ayo yaari oovenyera o Kupro ni o Kurene yaaya o Antiyokeya ellalleya othenga wa athu ayo ehiri Ayuda, yaalleella othenga waphaama wa Apwiya Yesu.

Mitteko 13:1

Mumpingoni wa Antiyokeya* waakhalla anamallotella ni ahuddihi alla: Baranaba, Simiyoni (ooromolliwa Ooripa), Lusiyo (oovenyera o Kurene), Manaene (oyo unnuwelle nimodda ni Herode)* ni Saulo.

Mitteko 13:13

Vano Paulo ni akhwaaye yaheeta vakallawani ovenyera o Pafosi yaphiya o muzinda wa Perga, mu echigawo ya Pamfuliya nave eri wenko Yohane Mariko ahaahiya ahokollweella o Yerusalemu.

Mitteko 13:43

Athu yapallalleyiiwa va mutthukumanooyo, Ayuda anchichi ni athu ayo yahaari Ayuda koma yathwara echikhulupililo ya Ayuda yahaathwara Paulo ni Baranaba. Amurummwa eellaalla yahaalleella athwaayo ni waallipiha murima wi evirellelle okhulupilila echisomo ya Mulluku.

Mitteko 14:24

Yamallihalliiwa weeta mu echigawo ya Pisidiya, yaaphiya o Pamfuliya.

Mitteko 15:38

Koma Paulo khaapanlle omukusa Yohane Markooyo kaambiiwa ahaahiya weekhiiwa o Pamfuliya nave khaavirellelle ophara mutteko ni alliwaayo.

Mitteko 16:6

Yaheeta ovirella mu ezigawo dda Frijiya ni Galatiya kaambiiwa Munepa Waweella wahaahiiha ollalleya mawu a Mulluku mu echigawo ya Asiya.*

Mitteko 17:21

(Vawi athu attheene a mu Atene ni alleto yakhalla wenko yaanakonda wiiwa ddeko ddanaanweene erive enthawi.)

Mitteko 18:2

Ari wenko aakumanawo ni Muyuda nnddina naye Akwila, ooyariwa o Ponto, oyo aari awiille wene ovenyera o Italiya ni mwaariye nnddina naye Prisila. Vawi o Roma Kaisara* Klaudiyo ahalamulella Ayuda attheene wi evenyewo o Romanko.

Mitteko 18:23

Akhanlleeye wenko, aatimulla nave aaya o echigawo ya Galatiya ni Frijiya, aallipihaka murima ookhulupilila attheene.

Mitteko 2:11

Ayuda owaakattho ayo yahiri Ayuda koma yaanathwara echikhulupililo ya Ayuda navettho amoddahi nivenyenre o ellapo dda Krete ni Arabu. Attheenehi ninnawiiwa alliwaayo mu ellotello ddahu dda mitteko dduullupalli nnddo enre Mulluku.”

Mitteko 23:11

Mahiiyu yaayo Apwiya yahiimella vaari Paulo ellota wi, “Ohoove! Woovelleella omboni dda miyaano o Yerusalemu wuno nave onaphwanella weerettho ddiidda o Roma.”

Mitteko 27:5

Naallapuwa enyanja ovirella o Silisiya ni Pamfuliya nave naaphiya o muzinda wa Mura mu echigawo ya Lusiya.

Mitteko 28:15

Ookhulupilila yaari o Roma yahiiwa dda hiyaano sika yaawa ephiya va Musika wa Apio nave o Enyumba dda Alleto Ddiraru wi ekumane ni hiyaano. Paulo awoonilleeye, aamuthokoza Mulluku nave aallipa murima.

Mitteko 6:5

Athu attheene yaahakallalla ni nnddo yallotille amurummwa, sika yaamutthoolla Sitefano, muthu ooddalla ni echikhulupililo ni Munepa Waweella. Navettho yahaatthoolla Filipo,* Prokoro, Nikanore, Timoni, Parmenasi ni Nikolasi a o Antiyokeya* oyottho ahaari Muyuda koma athwara echikhulupililo ya Ayuda.

Mitteko 6:9

Nave aavaanyihiwa ni Ayuda amodda oovenyera o Kurene ni Alekizandriya ayo yavenyera o enyumba yamavekello yooromolliwa wi enyumba yamavekello ya athu oottaphulliwa okaporo. Aanavaanyihiwattho ni Ayuda oovenyera o ezigawo dda Silisiya ni Asiya.* Attheenaalla yahaamba ovaanyihana ni Sitefano.

Aroma 1:15

Sika vano, kinnapaalla ollalleya othenga waphaama wa nyuwaanottho munakhalla mu Roma.

Aroma 1:7

Nave vano kinalembella wa nyuwaano attheene mu Roma, ayo Mulluku anaakondeeye nave aawiithana wi ekhalle athwaaye. Echisomo ni murendelle dda Mulluku Attiitthiihu ni Apwiya Yesu Khrisitu ddikhalle ni nyuwaano.

2 Timoteo 1:17

Nave aphiyalle wene o Roma aakaashaasha ni ntthitti, akiphwanya.

Yawuupullulla 11:8

Nave mitembo ddiwa ddineerophwanyeya ddiri m'misewuni dda muzinda muullupalli, nko Apwiiwa yatthomeyiweewawo vamutandani. Muzindooyo waromiwe wi, “Sodomu apaalle Iguputo.”