Mitteko 2:1 - Mawu a Mulluku

¹ Nllapo na Ehakallallo ya Pentekosite naphiyalliiwa, athu ayo yamukhulupilila Yesu yaatthukumana vanipuroni nimodda.

Mitteko 2:1 Iomraidhean Croise

2 Epilli 30:12

Nnatta na Mulluku naari va athu a o Yuda wi aavahe murima mmodda wi yeere nnddo mwene ni enduna ddaye alamulelleeye moollikana ni mawu a Apwiya.

2 Epilli 5:13

Nave yaaniipa ni mawu oophwanaphwana voollapellani ni voowaatitimihani Apwiya. Ni misangwa, azeze ni magitala, yaaniipa wi, “Ddawoona, Apwiya tti aphaama, echikondiiwa yoohisintheya tti yoohimalla.” Vaavo enyumba ya Apwiya yaaddalliwa ni murapo.

Masalimo 133:1

Ngoonani, tti wooddiva ni woohakallalliha athu yakhalla amodda moobale!

Eksodo 23:16

“Okhallekettho ni nllapo na Ehakallallo ya Ddoohata Ddawaamba va enthawi yawaamba ohata. Okhallekettho ni nllapo na Ehakallallo Yootthukumaniha Ddoohata ddittheddene va omalla wa muyakha.

Eksodo 34:22

“Mukhalleke ni Ehakallallo ya Milungu, Ehakallallo ya Ddoohata Ddawaamba nave mukhallekettho ni Ehakallallo Yotthukumaniha Ddoohata ddittheddene va omalla wa muyakha.

Yeremiya 32:39

Kineerewaavaha murima mmodda ni meetello mamodda wi ekooveke enthawi ddittheddene. Sika alliwa ni aniiwa ddeko ddineerekoweetella phaama.

Zefaniya 3:9

“Enthawi yeeyo kineereweelliha eyano dda mitundu ddittheddene dda athu, wi attheene yiithaneke nnddina na Apwiya, yaarumeyelleke nimodda.

Mitteko 1:5

Vallethi Yohane aabatiza ni maaddi koma vihinavire mallapo manchichi muneerobatiziwa ni Munepa Waweella.”

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

Mitteko 20:16

Paulo aapaalla wi eete vakallawani moowaapheella o Efeso wi ahiselliwe mu echigawo ya Asiya. Ahaakuvella o Yerusalemu wi wakhalla wooworeya aphiyewo va nllapo na Pentekosite.

Mitteko 4:24

Ookhulupililaayo yiiwalliiwa, yaavekella ni murimiiwa muttheene moowiiwanana wa Mulluku wi, “Apwiya nyuwaano muri oophatusa oddullu, ellapo yavatthi, enyanja ni ddittheddene ddiri mwemmo!

Mitteko 4:31

Yamallihalliiwa ovekellanko, vanipuroni mvo yatthukumanniiwa vaatikheya. Attheenaayo yaaddalliwa ni Munepa Waweella nave yaamba ollalleya othenga wa Mulluku moollipa murima.

Mitteko 4:32

Mulloko wa ookhulupililaayo waari wowiiwanana m'murimani mwiwa mutthemwene ni m'maganizoni mwiwa mutthemwene. Khaarivo oyo allotille wi ello aariiyena tti yaayeyaaye koma yaanakawana attheene ddeko ddittheddene yaariiwana.

Mitteko 5:12

Amurummwa yaheera ezizindikiro ddinchichi ni ddoottikhiniha ddinchichi variyari va athu. Ookhulupilila attheene yaanatthukumana vamodda ni murimiiwa muttheene moowiiwanana mu Nikhote na Solomoni mu enyumba ya Mulluku.

Aroma 15:6

Sika nyuwaano attheene vamodda m'mutitimihe Mulluku Attiitthiiwa a Apwiyaahu Yesu Khrisitu.

1 Akorinto 16:8

Kinaakhalle wuno o Efeso ophiyera nllapo na Pentekosite.

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

Afilipi 2:2

Kinimuuvekani wi, mukihakallallihe wunchichi vookhallani awiiwanana wonanko muthu mmodda vooganizani ni vookondani.