Mitteko 19:9 - Mawu a Mulluku

⁹ Koma amoddaayo yaari awumma murima nave kheyaakhulupililalle. Vamiitthoni va athu attheene yaallota epewe dda ettilla ya Apwiya. Sika Paulo ahaahiya nave aakusavo ookhulupilila nave nllapo ni nllapo aanakambiranana mu esukulu ya Tirano.

Mitteko 19:9 Iomraidhean Croise

2 Mamwene 17:14

Koma kheyiiwellelle, yaari eetiyamaaru wonanko makhollwiiwa yakhallelliiwa ayo yahaaroromelle Apwiya Mullukwiiwa.

2 Epilli 30:8

Vano muhummihe makohaanyu wonanko makhollwaanyu koma mwiivelleelle wa Apwiya nave muweeke o enyumbiiwa eyo eyeellihalliiwa wa enthawi yoohimalla. Nave mwaarumeyelle Apwiya Mullukwaanyu wi osha murima waye wawoopiha ovenyihiwe va nyu.

2 Epilli 36:16

Koma athwaayo yaanaavevullave amithenga a Mulluku ni mawaaye nave yaanaattheya anamallotellaaye ophiyera Apwiya yahaashella murima nave khaarivo oowaakihera.

Nehemiya 9:29

Mwaanaachenjeza wi yaambeellettho wiiwellella malamulwaanyu yaaniitukhulla nave kheyaawiiwellella. Yaanachimwella malamulwaanyu oovaha okumi wa athu awaasunga. Vano yaanakhootave enummiha mirima ddiwa nave kheyaawiiwellella.

Masalimo 95:8

muhummihe mirima ddanyu wonanko o Meriba, wonanko nllapo na o Masa muchipululuni,

Miyambo 8:34

Oodalisiwa tti oyo anakaapella maaru, anawehera va millako ddaka nllapo ni nllapo, anatiyerella voovollowella vaka.

Yesaya 8:14

vawi enaakhalle wonanko nipuro noopatuleya. Koma wa athu a o Yuda ni a o Yerusalemu enaakhalle wonanko nlluku nookwakwatuwiha apaalle nookuha. Wa athu a mu Yerusalemu, anaakhalle wonanko musampha ni nikhatto.

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”

Yeremiya 7:26

Koma nyuwaano khemunakiiwellella apaalle opwathawo. Ni mirima ddanyu ddawummannddo moonanara waakhwaranya makhollwaanyu.

Mateyu 15:14

Muhaapwatheke! Yaayo tti oohoollella oohoona owaahoollella akhwiiwa oohoona. Vano oohoollella oohoona amuhoollella oohoona mukhwaaye, eelli attheene eneeromorihellana munllitini.”

Mateyu 16:4

Athu a mbadoolla tti oonanara ni oohiroromelleya, enakiveka echizindikiro. Kheyiivo echizindikiro enaavahiwiiwa koma ya namallotella Yonave.” Vano ahaahiya avenyavo.

Mateyu 26:55

Enthawi yeeyo Yesu aallota wa mullokoolle wi, “Muphiyalle ni masupada ni ekoonda wi mukimake, ethiyo miyaano tti echigawenga? Nllapo ni nllapo kaanakhalla mu enyumba ya Mulluku kihuddihaka koma khamwaakimakille.

Yohane 12:40

“Mulluku aaweeriha miitthwiiwa okhalla oohoona, ahummiha mirima ddiwa. Ddahaariki ddiiddo miitthwiiwa yaweerekowoona, nave mirima ddiwa ddeerekewiiwesesa, wi emurukunuwelle olliye wi aachirihe.”

Mitteko 11:26

Amuphwanyilleeye, aamukusella o Antiyokeya nave wa muyakha muttheene yaakumana ni mpingo ni ohuddiha mulloko wa athu muullupalli. Waari o Antiyokeya nko ookhulupilila yaambilliiwa oromolliwa wi akhrisitu.

Mitteko 14:4

Athu ookhalla m'muzindanimmo yaakawaneya, amodda yaari ni Ayuda nave amodda yaari ni Paulo owaaka Baranaba.

Mitteko 17:4

Amodda a athwaayo yaakopeya yaathwara Paulo ni Sila navettho mulloko muullupalli wa Agriki* ayo yamullapella Mulluku ni atthiyana oohoollella anchichi yahaathwara.

Mitteko 19:23

Enthawi yeeyo wahaambeya mapokoso muullupalli o Efeso ekaamba ya ettilla ya Apwiya.

Mitteko 19:30

Paulo aapaalla wi aye variyari va mulloko wa athwaayo koma ookhulupilila yaamuhiiha.

Mitteko 20:31

Chenjerani vano nave upuwellani wi, wa miyakha miraru otthaana ni mahiiyu mwa omora miitthori ngaahiyalle wuuhuddihani arive muthu a nyuwaano.

Mitteko 22:4

Kaanaahoosa athu oothwara ettilla ya Apwiya naari owiipha wene. Kaanaaphara allopwana ni atthiyaneene kaahiyaka mundende.

Mitteko 24:21

Ello emoddave kenreemi yawi kaakhuwa moowelliha mawu kiimenlleemi variyari viwa wi, ‘Munakiipa mullatu ollello ekaamba yookhulupilila wi athu eneerovenya wa ookhwa.’ ”

Mitteko 28:22

Koma ninapaalla wi niiwe ovenyera wa nyuwaano kaambiiwa ninnadduwella wi orive otthewene athu enallota ddoonanara dda mulloko yoolla muriinyumo.”

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Mitteko 9:2

amuveka makalata awi adduwelliwe mu enyumba ddamavekello* o Damasiko. Vawi apaalla aaphwanyawo yakhalla moollikana ni ettilla ya Apwiya, allopwana naari atthiyana aamake aweena o Yerusalemu.

Aroma 11:7

Vano kaambiiwa tini Aisraele yahiphwanyilliiwa nnddo yaashiiwa? Athu vang'ono ootthoolliwa sika yaphwaanyille koma amoddaayo yahummiha murima,

Aroma 9:18

Sika vano Mulluku annamweerella echifundo arive muthu anapaalleeye omweerella. Nave annamuumiha murima arive muthu anapaalleeye omummiha.

1 Akorinto 16:9

Vawi wuno mullako wookihulleyella miyaano wa mutteko muullupalli ni woopaalleya naari oovaanyihana eriwo anchichi.

1 Timoteo 6:5

ni okangana woohimalla variyari va athu oohikhalla ni ezeru apaalle yawoona. Alliwaayo eneesa wi omutitimiha Mulluku sika ettilla yoophwanyella eyuuma.

2 Timoteo 1:15

Onnadduwella wi attheene a mu echigawo ya Asiya* yaakikhoota miyaano, mwa yaayo mmodda aari Figelo ni mmodda aari Heremogene.

2 Timoteo 3:5

Eneereke wooneya wonanko oollapella koma masiviiwa yahaakhoota. Athu yaayo ohaathwareke.

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

Aheberi 3:13

Koma munaphwanella mullipihaneke murima nllapo ni nllapo vawi ella tti enthawi yaphaama eyo mawu a Mulluku enayiromolliiwa wi, “Ollello.” Sika wi mmodda anyuwaano ahummihe murimaaye ekaamba yoollekiwa ni machimo.

2 Petro 2:12

Nave athu yaalla eneera ni ezeru ddooyariwana, wonanko enama ddamuhakani nnddo ddaayariwe wi ddiphariweke ni wiiphiwa, enallotella epewe erive ello ehiniiwesesiiwa. Eneerewoonongiwa wonanko enama ddamuhakani,

2 Petro 2:2

Naari ddiri ddiiddo, athu anchichi eneerothwara makhallellwiiwa oonanara nave sika ekaamba ya nnddo eneeriiwa, eneeroweeriha athu amodda ollotella epewe ettilla yawoona.

Yuda 1:10

Koma athu yaalla enallotella epewe erive ello ehinadduwelliiwa. Nave nnddo enadduwelliiwa ni ezeru ddooyariwana, wonanko dda enama ddoohakani, tti ddennddo ddinaawononga.