Mitteko 19:8 - Mawu a Mulluku

⁸ Wa miyeri miraru Paulo aanaya mu enyumba yamavekello nave aanallota moollipa murima wa athu, okambiranana ni opaalla waakopella mu omwene wa Mulluku.

Mitteko 19:8 Iomraidhean Croise

Mitteko 1:3

Mwa mallapo 40 vatulli va ohoosiwa ni wiiphiwa waye, ahooniha mu ettilla ddoohiyanahiyana wi aavenyihiwa wa ookhwa. Aaddoonihella wa alliwaayo navettho aallota wiilliwiilli dda omwene wa Mulluku.

Mitteko 13:14

Nave yaavirellella ovenyera o Perga ephiya wa Antiyokeya a mu echigawo ya Pisidiya nave va nllapo na Sabata yaavollowa mu enyumba yamavekello ekeraatthi.

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

Mitteko 14:1

Ddeko ddeereye o Antiyokeya* ddaheereyattho o Ikonio. Paulo ni Baranaba yaavollowa mu enyumba yamavekello nave ellalleya wawi Ayuda anchichi owaakattho athu ayo ehiri Ayuda yaakhulupilila.

Mitteko 17:17

Sika aakambirana ni Ayuda ni athu ayo ehiri Ayuda, oomullapella Mulluku, mu enyumba yamavekello. Navettho aanakambirana nirive nllapo vamusikani ni athu ayo yaari wenko.

Mitteko 18:19

Nave yaphiyalliiwa o Efeso, Paulo ahaahiya Prisila ni Akwila wenko. Aavollowa mu enyumba yamavekello nave aakambirana ni Ayuda.

Mitteko 18:26

Vano ahaamba ollota moollipa murima mu enyumba yamavekello. Prisila ni Akwila yamwiiwalliiwa, yaamukusella onyumbani wiwa, eya yamutthopoollella phaama dda ettilla ya Mulluku.

Mitteko 18:4

Nirive nllapo na Sabata aanakambirana ni Ayuda naarittho Agriki* mu enyumba ddamavekello* wi ekhulupilile.

Mitteko 19:10

Ddenndda ddaheereya wa miyakha miilli, wawi athu attheene ayo yakhalla o echigawo ya Asiya,* Ayuda ni athu ayo ehiri Ayuda, yahiiwa mawu a Apwiya.

Mitteko 19:7

Athu ayo yaari vaavo yaari allopwana khumi ni eelli.

Mitteko 19:9

Koma amoddaayo yaari awumma murima nave kheyaakhulupililalle. Vamiitthoni va athu attheene yaallota epewe dda ettilla ya Apwiya. Sika Paulo ahaahiya nave aakusavo ookhulupilila nave nllapo ni nllapo aanakambiranana mu esukulu ya Tirano.

Mitteko 20:31

Chenjerani vano nave upuwellani wi, wa miyakha miraru otthaana ni mahiiyu mwa omora miitthori ngaahiyalle wuuhuddihani arive muthu a nyuwaano.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Yuda 1:3

Akhwaaka ookondiwa, kaapaallesesa wuulembellani dda ovullusiwa nko attheene nirinaahu mwa Yesu Khrisitu. Koma kahoona wi tti waphaama wuulembellani vano wi kuuvekeni wi mullipanena oteteza echikhulupililo eyo Mulluku aavahilleeye athwaaye aweella omoddave wenko.