Mitteko 19:22 - Mawu a Mulluku

²² Vano ahaarumiha Timoteo ni Erasito wi eye o Masedoniya, eellaalla yaari amodda a athu aphareeyena mutteko. Vano Paulooyo aallekellawo vang'ono o echigawo ya Asiyanko.

Mitteko 19:22 Iomraidhean Croise

Mitteko 13:5

Yaphiyalliiwa o muzinda wa Salamisi, yaallalleya mawu a Mulluku mu enyumba ddamavekello.* Yaarittho ni Yohane Mariko oyo aakavihera mutteko.

Mitteko 16:1

Paulo ni Sila yaaphiya o Derbe ni Listara, wenko yaamuphwanyawo oohuddera mmodda nnddina naye Timoteo. Amennyattho yaari ookhulupilila, yaarittho Muyuda nave attiitthinnya yaari Mugriki.*

Mitteko 16:3

Paulo apaalla wi amukuse Timoteo eetena, sika aamuphadda kaambiiwa Ayuda attheene yakhalla omapuroni yaayo yaanadduwella wi attiitthinnya a Timoteo yaari Mugriki.

Mitteko 18:5

Sila ni Timoteo yaphiyalliiwa ovenyera o Masedoniya, Paulo aari aviheeriwalle ni ollalleya mawu, owoonihella Ayuda wi Yesu sika Mesiya.*

Mitteko 19:10

Ddenndda ddaheereya wa miyakha miilli, wawi athu attheene ayo yakhalla o echigawo ya Asiya,* Ayuda ni athu ayo ehiri Ayuda, yahiiwa mawu a Apwiya.

Mitteko 19:21

Ddimallille ddenndda Paulo aaganiza wi avirelle o Masedoniya ni Akaiya vooyaani o Yerusalemu. Aallota wi, “Kaavenyeraka wenko, kinaphwanella wi kiyettho o Roma.”

Mitteko 19:29

M'muzindani mutthemwene mulle mwahaanganyereya nave yahaaphara alleto eelli Gayo ni Aristariko ayo yawiille ni Paulo ovenyera o Masedoniya ethamakellana o nthato na mattheella.

Mitteko 20:1

Mapokoswaalle yamanlliiwa, Paulo aawiithana ookhulupililaalle vamodda nave aallaanya ni mawu oollipiha murima. Nave aavenyawo aya o Masedoniya.

Mitteko 20:34

Munnadduwella nyookha wi kaphanre mutteko ni mattaakaalla wi kiphwanye eyo miyaano ni akhwaaka napaalleehu.

Aroma 16:23

Gayo, oyo anakirumeyella miyaano vamodda ni mpingo muttheene mpa mwaye, annuuvahani mooni. Erasito, oosunga makobiri a m'muzindani ni Kwarto mwanamunnihu, ennuuvahani mooni.

2 Akorinto 1:16

Vawi kaganizalle wi kiwe wa nyuwaano kaayaaka o echigawo ya Masedoniya navettho kaawaakawo wi kaakhelle nikavihero noovenyera wa nyuwaano na olendwaaka wooya o Yudeya.

2 Akorinto 11:9

Nave enthawi ettheene kaariimi ni nyuwaano ngawuuhoosilleni ni nikavihero kapaalleemi makobiri. Asinnaka ni arokoraka oovenyera o Masedoniya yaakivaha ddeko kapaalleemi. Khalle ngawuukatamihalleni navettho muhoollommo nguukatamihani!

2 Akorinto 2:13

Koma ngaarina murendelle m'murimani mwaka kaambiiwa ngaamuphwanyillewo mwanamunnaka Tito. Sika kahaallaanya athu wenko nave kaaya o Masedoniya.

2 Akorinto 8:1

Asinnihu ni arokorihu, ninapaalla wi mudduwelle dda echisomo ya Mulluku eyo yavahiwe m'mipingoni o echigawo ya Masedoniya.

2 Akorinto 8:19

Nave waanjerera vaavo, ootthoolliwa ni mipingo wi anithware voototellani ddoovelleella ddanyu ekaamba ya ntitimiho na Apwiya navettho wi noonihe wi ninnasimikiza okavihera.

1 Atesalonika 1:8

Vawi othenga woollota dda Apwiya wookhuma mwa nyuwaano khovuwalle mu Masedoniyave ni Akaiyave koma epilli ya echikhulupilwaanyu mwa Mulluku, yoovuwa m'mapuroni mutthemwene. Vano kheyiivo eyo enapaalleya wi nillote.

2 Timoteo 4:20

Erasito aahalla o Korinto nave Trofimo kaamuhiyalle avoriiwaka Mileto.