Mitteko 18:5 - Mawu a Mulluku

⁵ Sila ni Timoteo yaphiyalliiwa ovenyera o Masedoniya, Paulo aari aviheeriwalle ni ollalleya mawu, owoonihella Ayuda wi Yesu sika Mesiya.*

Mitteko 18:5 Iomraidhean Croise

Yeremiya 20:9

Kallota wi, “Ngiwa kiwuupuwellattho Apwiya, ngiwa killotellattho mu nnddina niwa.” Apwiya, mawaanyu ennakhara wonanko munllo m'murimani mwaka. Kinneeseesa waasunga muwari koma vatulli viwa kinnaakhumiha, oohivillella.

Yeremiya 6:11

Sika ekaambiiwa kooddalla ni osha murima wa Apwiya, ngiwora owusunga.” Vano Apwiya yaallota ni miyaano wi, “Ithellella osha murimanko va anamwani aweeta m'musewuni ni va mutthukumano wa asombwe vawi naari mullopwana ni mwaariye, a embwi ni awuulluvalla wunchichi eneerophariwa.

Ezekiele 3:14

Munepa a Mulluku aakitukhullella muddullu akiwelliha, sika ddaakivooriiha ni okishiha murima. Nnatta namasiva na Apwiya naari va miyaano.

Mika 3:8

Koma miyaano kooddalla ni masiva a Munepa wa Apwiya. Kooddalla ni echilungamo ni ollipa murima wi kaahumullulle a nibanja na Yakobo ekaamba ya ddoolakwa ddiwa nave wi kiwoonihe Aisraele ddoonanara ddiwa.

Luka 12:50

Kinapaalleya ovollowa mu ddoohoosa wonanko mmo muthu anavolloweeye m'maaddini aabatiziwaka. Nave murimaaka onnahoosiwa ophiyera omanlle.

Luka 16:28

wi aachenjeze asinnaka atthanu wi ehiwe onipuroni noohoosanna.’

Yohane 1:41

Enthawi yeeyo aaya wa mwanamunne Simoni nave aamulleella wi, “Hi noomphwanya Mesiya.” (Mesiya anattaphullella Khrisitu.)

Yohane 10:24

Ayuda yaatthukumana moomwaapheella emukoha wi, “Munaanikayikiheke ophiyera niini?” Mwaari Mesiya* nilleelleni ddawoona.

Yohane 15:27

Nave nyuwaano muneerovelleellattho omboni dda miyaano vawi mwaari ni miyaano ovenyera kaambeelleemi muttekwaaka.

Yohane 3:28

Nyuwaano tti amboni wi kaallota wi, ‘Miyaano khe Mesiya* koma kaarumiwa muhoollo mwaye.’

Mitteko 10:42

Nave aanilamulella wi nillalleye ni weerella omboni wa athu wi olliye sika atthoolliwe ni Mulluku wi akhalle oweeruza millatu wa athu ookumi ni ookhwa.

Mitteko 15:22

Nave amurummwa ni attekweene, vamodda ni mpingo muttheene, yahiiwanana wi yaatthoolle athu amodda ovenyera mu mullokwiiwa wi yaarumihe wa Antiyokeya vamodda ni Paulo owaaka Baranaba. Vano yahaatthoolla athu eelli Yudasi ooromolliwa Barasaba ni Sila, ayo yaari ooriiheya vayari va ookhulupililaayo.

Mitteko 16:1

Paulo ni Sila yaaphiya o Derbe ni Listara, wenko yaamuphwanyawo oohuddera mmodda nnddina naye Timoteo. Amennyattho yaari ookhulupilila, yaarittho Muyuda nave attiitthinnya yaari Mugriki.*

Mitteko 16:12

Ovenyera wenko neetille vamutundani oya o Filipi, muzinda muullupalli wa echigawo ya Masedoniya oyottho onalamulelliwa ni niboma na Roma. Naakhallawo mallapo awaata.

Mitteko 16:9

Mahiiyu a nllapo nenno Paulo m'masomphenya amoona muthu a o Masedoniya iimenlle nave amuvekaka wi, “Mullapuwelle o Masedoniya wuno munikavihere hiyaano!”

Mitteko 17:3

Nave ahaatthopoollella mawu a Mulluku navettho aawoonihella wi Mesiya* anaphwanella ohoosiwa nave avenye wa ookhwa. Nave aallota wi, “Yesu yoolla kinamullalleyeemi wa nyuwaano sika Mesiyooyo.”

Mitteko 18:28

Vawi mwamasiva ahaavaanyiha Ayuda athu yoonaka, wooniha mwa mawu a Mulluku wi Yesu tti Mesiya.

Mitteko 2:36

“Vano Aisraele attheene edduwellesese wi Yesu olla mwamutthomeyilleenyu vamutandani, tti oyo Mulluku amweenreeye wi akhalle Apwiya navettho Mesiya!”

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Mitteko 20:23

Emoddave eyo kinadduwelleemi tti yawi Munepa Waweella ookichenjeza wi muzinda orive muttheene kinayeemiwo, endende ni ddoohoosa ddinimakitiyera.

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Mitteko 4:20

Vawi khaniwora ohiya ollota dda ello noonilleehu ni wiiwa weekhiihu.”

Mitteko 9:22

Koma Saulo aavirellella ollalleya mwamasiva manchichi. Nave ahaahalleelliha Ayuda ookhalla o Damasiko voowoonihellani wi Yesu sika Mesiya.*

2 Akorinto 1:19

Vawi Yesu Khrisitu, mwaana a Mulluku oyo aallalleyiwe variyari vanyu ni Sila, Timoteo ni miyaano khe awaakhullella ni ookhoota enthawi emoddave yeeyo. Koma mwa olliye mookhalla waakhullella enthawi ddittheddene,

2 Akorinto 11:9

Nave enthawi ettheene kaariimi ni nyuwaano ngawuuhoosilleni ni nikavihero kapaalleemi makobiri. Asinnaka ni arokoraka oovenyera o Masedoniya yaakivaha ddeko kapaalleemi. Khalle ngawuukatamihalleni navettho muhoollommo nguukatamihani!

2 Akorinto 5:14

Ninalamuliwa ni echikondi ya Khrisitu vawi ninnasimikiza wi muthu mmodda aakhwa ekaamba ya athu attheene, sika attheene yaakhwana.

Afilipi 1:23

Kinnasimwella yaweera. Kinnapaalla wunchichi okhwa wi kakhalle ni Khrisitu oyo ari ello yaphaama wunchichi.

1 Atesalonika 3:2

nave naamuruma Timoteo, mwanamunnihu oyo anaphara mutteko wa Mulluku ni hiyaano woollalleya othenga waphaama wa Khrisitu. Naamuruma wi uullipiheni mwiilli ni okavihera echikhulupilwaanyu,

1 Atesalonika 3:6

Vano Timoteo oowaawo owaninyunko nave oonilleella epilli yaphaama ya echikhulupilwaanyu ni echikondaanyu. Oonilleella wi munnanuupuwella phaama mallapo mattheene nave wi munnapaalla onoona hiyaano wonankottho mmo ninapaallelleehu owoonani nyuwaano.

1 Petro 5:12

Kuulembelleni kalata ookhuveyoolla mookaviherana ni Silivano oyo kinamweereemi mukhwaaka oororomelleya. Kinapaalla kuullipiheni murima voovelleellani ombonaaka wi ella sika echisomo ya Mulluku yawoona. Mwiimelle mwa yeeyo moohitikheya.