Mitteko 18:12 - Mawu a Mulluku

¹² Koma Galio eeriweeye wi akhalle oolamulella a Roma o Akaiya, Ayuda yaatthukumana vamodda, emuphara Paulo eyaana o nthato namillatu.

Mitteko 18:12 Iomraidhean Croise

Mateyu 27:19

Vano Pilato akeraatthille vampandoni wooweeruzella mwaariye aarumiha wa olliyooyo mawu awi, “Muheere ello ni muthu oolungamoolla vawi mahiiyu koohoowa muullohani ekaamba ya yoolla.”

Yohane 19:13

Pilato iiwalleeye nndda aakhumana Yesu akeraatthi vampandoni wooweeruzella vanipuroni nooromolliwa Nthato namalluku nave mu Eheberi ninaromolliwattho wi Gabata.

Mitteko 13:12

Vano oolamulellooyo oonilleeye ddeereyennddo aakhulupilila nave aattikhina ni ehuddiho ya dda Apwiya.

Mitteko 13:50

Nave Ayuda yaaweeriha atthiyana oovuwa ni allopwana oolamulella ayo yahiri Ayuda koma oomullapella Mulluku wi yaambihe waahoosa Paulo ni Baranaba nave owiikarihawo o echigawonko.

Mitteko 13:7

Aari mukhwaaye a oolamulella a o Kupro, nnddina naye Sergio Paulo, oyo aari muthu eezeru. Oolamulellooyo aamwiithana Baranaba ni Saulo wi ewe kaambiiwa apaalla iiwe mawu a Mulluku.

Mitteko 13:8

Koma musing'angoolle (oyo nnddina naye aari Elimasi mu ellotello ya Egriki), aanaavaanyiha Baranaba ni Saulo nave aaneeseesa omweeriha oolamulelloolle wi ahikhulupilile.

Mitteko 14:19

Ayuda amodda yavenyenre o Antiyokeya ni o Ikonio, yahaakopa athwaalle wi ekhalle ni alliwa. Yaamuvokha malluku Paulo emupurullella otte wa muzindooyo vawi yaganiza wi ookhwa.

Mitteko 14:2

Nave Ayuda ayo yahikhulupililaayo yaaweeriha athu ayo ehiri Ayudaayo wi ekanganganeke ni athu yakhulupililaayo.

Mitteko 17:13

Nave Ayuda o Tesalonikaalle yahiiwa wi Paulo aallalleyattho mawu a Mulluku wa athu a o Bereya. Vano yaawa yaambattho owaanganyera athu nave yaaweerihattho athu wi yaambe mapokoso.

Mitteko 17:5

Nave Ayuda amodda yahaakhallella ehache Paulo ni Sila, eya yaatthukumaniha athu oonanara ni aweeta shisha m'musewuni. Yahaambiha mapokoso m'muzindani mutthemwene mulle nave yaaya o enyumba ya muthu mmodda nnddina naye Yasoni wi yaaphwanyawo Paulo ni Sila yaakhumihelle vaatte vamiitthoni va athu.

Mitteko 18:11

Sika Paulo aakhalla wenko wa muyakha mmodda owaaka miyeri mitthanu ni mmodda, aahuddihaka athu mawu a Mulluku.

Mitteko 18:27

Vano Apolo aapaalla wi aye o Akaiya, sika ookhulupilila a o Efeso yaamukavihera voomulembellani kalata awi awinnye ookhulupilila a o Akaiya, waalleella wi emwaakhelle. Aphiyalleeye, ahaakavihera ayo yakhulupililalle mwa echisomo ya Mulluku.

Mitteko 19:21

Ddimallille ddenndda Paulo aaganiza wi avirelle o Masedoniya ni Akaiya vooyaani o Yerusalemu. Aallota wi, “Kaavenyeraka wenko, kinaphwanella wi kiyettho o Roma.”

Mitteko 25:10

Paulo aallota wi, “Kiimenlle va nthato namillatu na Kaisara, sika tti vaava kinaphwanelleemi wi keeruziwe. Nyuwaano nyookha munnadduwella phaama wi ngeenre ello yoonanara wa Ayuda.

Aroma 15:26

Vawi athu a mipingo dda o Masedoniya ni dda o Akaiya yaaganiza moohiwatiheriwa wi evelleelle nikavihero wa athu a Mulluku oohoowa o Yerusalemu.

Aroma 16:5

Mukivelleellellettho mooni athu a mpingo oyo onatthukumana mpa mwiwa. Mukivelleellelle mooni wa Epeneto, mukhwaaka kinamukondeemi, oyo aari awaamba omukhulupilila Khrisitu o Asiya.*

1 Akorinto 16:15

Munnadduwella dda Stefanasi ni nibanja naye wi yaari ookhulupilila awaamba mu Akaiya wi yahiivelleella weekhiiwa waarumeyella athu a Mulluku. Asinnaka ni arokoraka, kinimuuvekani

2 Akorinto 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku nave ovenyera wa mwanamunnihu Timoteo. Ninalembella mpingo wa Mulluku o Korinto ni wa athu attheene a Mulluku mu echigawo ettheene ya Akaiya.

2 Akorinto 11:10

Ekaamba yawoona ya Khrisitu eri mwa miyaano, kinimasimikiza wi khaavo muthu oyo mu ezigawo ddittheddene dda Akaiya anaahiihe okotella waka wa ddenndda.

2 Akorinto 11:26

Va olendwaaka munchichi kaanakumana ni ddawoopiha dda maaddi oosefukella, allupaawiiya, Ayuda akhwaaka ni athu ayo ehiri Ayuda. Mwaakhallattho ddawoopiha mumizindani, muhakani, mu enyanja yoowallamella navettho ddoovenyera wa ookhulupilila awoottha.

2 Akorinto 9:2

Kinnadduwella ntthitti nanyu voovelleellani nave kohuukotellani nyuwaano wa athu a o Masedoniya. Kaallota wi, “Asinnihu ni arokorihu o Akaiya yaakhozeka ovelleella waambeella muyakha omanlle.” Ntthitti nanyu noheeriha anchichi a yaayo wi evelleellettho.

1 Atesalonika 2:14

Asinnihu ni arokorihu, nnddo ddeereyille wa nyuwaano tti ddoophwanaphwana ni ddeereyille o mipingo dda Mulluku o Yudeya wa athu a wenko oomuthwara Khrisitu Yesu. Mwaahoosiwa ni athu oowaninyu emoddamoddave yeeyo alliwattho yaahoosiwa ni Ayuda.

1 Atesalonika 2:16

Alliwaalla yaheeseesa onihiiha hiyaano wi nihaallalleyelleke othenga athu ayo ehiri Ayuda wi evullusiwe. Mwawi ddiidda ahaanjerera machimwiiwa a nllapo ni nllapo. Nave osha murima wa Mulluku vano woophiya va yaayo!

Yakobo 2:6

Koma nyuwaano munnamuvevulla muthu oohoowa. Ethiyo athu eeyuuma khehiyo ayo enuuhoosani, khehiyo ayo enuukusellani o nthato namillatu?