Mitteko 17:6 - Mawu a Mulluku

⁶ Koma yahaaphwanyilliiwa yaamukusa Yasonooyo ni ookhulupilila amodda yaapurullella vamiitthoni va attekweene a nthato nave ekhuwa wi, “Athu yaalla aawaanganyera athu virive veko! Vano aawa owanihu wuno.

Mitteko 17:6 Iomraidhean Croise

Amosi 7:10

O Betele waakhalla mullupa mukutho mmodda nnddina naye Amaziya. Olliye aarumiha othenga wa Yerobowamu, mwene a o Israele wi, “Amosi animuukhozellani echiwembu variyari va athu a o Israele. Athu khewora okhoota ddittheddene nnddo anaalloteeye.

Mateyu 24:14

Vano othenga waphaamoolla wa omwene wa Mulluku oneerollalleyiwa va ellapo ettheene yavatthimva wi ekhalle omboni wa athu attheene; nave vaavo eneerophiya mamallihello.

Luka 23:5

Koma athwaayo yaallipihellave ollota wi, “Ni ehuddihwaaye annaweeriha athu a mu Yudeya mutthemwene wi ewukile. Aambeelle o Galileya, vano ari wuno.”

Mitteko 1:15

Viviralle mallapo ooyeva waakhalla mutthukumano wa ookhulupililave 120. Vano Petro ahiimella allota wi,

Mitteko 17:10

Waripalliiwa, ookhulupililaayo yahaarumiha Paulo ni Sila o Bereya. Yaphiyalliiwa, yaavollowa mu enyumba yamavekello.

Mitteko 17:14

Enthawi yeeyo ookhulupililaayo yaamurumiha Paulo wookomella enyanja koma Sila ni Timoteo yaahalla o Bereya wenko.

Mitteko 17:31

Vawi ootthoolla nllapo nawi eeruze ellapo yavatthi ettheene ni echilungamo mwa muthu amutthoonlleeye. Ohoonihella yeella wa arive muthu voomuvenyihani muthu yoolla wa ookhwa!”

Mitteko 17:5

Nave Ayuda amodda yahaakhallella ehache Paulo ni Sila, eya yaatthukumaniha athu oonanara ni aweeta shisha m'musewuni. Yahaambiha mapokoso m'muzindani mutthemwene mulle nave yaaya o enyumba ya muthu mmodda nnddina naye Yasoni wi yaaphwanyawo Paulo ni Sila yaakhumihelle vaatte vamiitthoni va athu.

Mitteko 24:5

Noophwanya wi muthoolla tti ookatamiha, annaambiha owana variyari va Ayuda orive weko va ellapo yavatthi navettho tti oohoollella mulloko wa Anazarene.

Mitteko 28:22

Koma ninapaalla wi niiwe ovenyera wa nyuwaano kaambiiwa ninnadduwella wi orive otthewene athu enallota ddoonanara dda mulloko yoolla muriinyumo.”