Mitteko 17:5 - Mawu a Mulluku

⁵ Nave Ayuda amodda yahaakhallella ehache Paulo ni Sila, eya yaatthukumaniha athu oonanara ni aweeta shisha m'musewuni. Yahaambiha mapokoso m'muzindani mutthemwene mulle nave yaaya o enyumba ya muthu mmodda nnddina naye Yasoni wi yaaphwanyawo Paulo ni Sila yaakhumihelle vaatte vamiitthoni va athu.

Mitteko 17:5 Iomraidhean Croise

Masalimo 35:15

Koma miyaano kakwakwatuwalleemi alliwaayo yaatthukumana ehakallallaka. Ookuukutha yaakuupa, yaakuukutha moohihiyerera.

Masalimo 69:12

Athu ookhalla va mullako wa muzinda yaanakillota, oolezela yaanakiipa nchipo.

Miyambo 14:30

Murima wawiithaalla onnavaha mwiilli okumi koma ehache ennuntiha makhuva.

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Mateyu 27:18

Vawi aadduwella wi yaamvelleella Yesu wa olliyooyo ekaamba ya ehache.

Mitteko 13:45

Ayuda yoonilliiwa mulloko wa athwaayo yaaddalliwa ni ehache, enavaanyiha allotille Paulonnddo navettho enamullotella epewe.

Mitteko 14:19

Ayuda amodda yavenyenre o Antiyokeya ni o Ikonio, yahaakopa athwaalle wi ekhalle ni alliwa. Yaamuvokha malluku Paulo emupurullella otte wa muzindooyo vawi yaganiza wi ookhwa.

Mitteko 14:2

Nave Ayuda ayo yahikhulupililaayo yaaweeriha athu ayo ehiri Ayudaayo wi ekanganganeke ni athu yakhulupililaayo.

Mitteko 17:13

Nave Ayuda o Tesalonikaalle yahiiwa wi Paulo aallalleyattho mawu a Mulluku wa athu a o Bereya. Vano yaawa yaambattho owaanganyera athu nave yaaweerihattho athu wi yaambe mapokoso.

Mitteko 17:6

Koma yahaaphwanyilliiwa yaamukusa Yasonooyo ni ookhulupilila amodda yaapurullella vamiitthoni va attekweene a nthato nave ekhuwa wi, “Athu yaalla aawaanganyera athu virive veko! Vano aawa owanihu wuno.

Mitteko 17:7

Nave Yasoni oowaakhella owaniwa wulle. Athu yaalla khenathwara malamulo a Kaisara* nave enallota wi ookhallavo mwene mmodda, nnddina naye Yesu.”

Mitteko 17:9

Attekweenaalle yaamulleella Yasoni ni akhwaayaalle wi evelleelle makobiri wi ettaphulliwe nave yahaahiya wi eroweke.

Mitteko 18:12

Koma Galio eeriweeye wi akhalle oolamulella a Roma o Akaiya, Ayuda yaatthukumana vamodda, emuphara Paulo eyaana o nthato namillatu.

Mitteko 19:40

Vawi ddeereyille ollellonndda, vookhalla yawoopiha yawi nineerewiipiwa mullatu woowana. Vawi kheyiivo ello yawi yaawerowaambiha owananngu nave hiyaano nineerorama yoollota yanikoha.”

Mitteko 7:9

“Anaaye aallopwana yaamukhallella ehache mwanamunniwa Yosefe nave yaamukulliha wi akhalle kaporo o Iguputo. Koma Mulluku aari ni olliye.

Aroma 16:21

Timoteo, mullupa mutteko mukhwaaka annuuvahani mooni. Navettho Lusiyo, Yasoni ni Sosipatere, Ayuda akhwaaka ennuuvahanittho mooni.

1 Akorinto 3:3

kaambiiwa munakhallave wonanko enakhallella athu a ellapo yavatthi ella. Vaakhalla ehache ni okangana variyari vanyu, nndda khaddinoonihella wi nyuwaano tti a ellapo yavatthi ella ni okhalla ni makhallello a muthu?

2 Akorinto 11:26

Va olendwaaka munchichi kaanakumana ni ddawoopiha dda maaddi oosefukella, allupaawiiya, Ayuda akhwaaka ni athu ayo ehiri Ayuda. Mwaakhallattho ddawoopiha mumizindani, muhakani, mu enyanja yoowallamella navettho ddoovenyera wa ookhulupilila awoottha.

Agalatiya 5:21

ennakhalla eehache, oolezela, ennakhalla vamachellelloni ni olezela ni weera ddeko ddimodda ddawi ddiidda. Kinimuuchenjezani vano wonanko kenreemi vawaamba wi ayo eneera ddeko ddenndda kheyaakhella omwene wa Mulluku.

Agalatiya 5:26

Nihikhalle ookota apaalle ollikana mmodda ni mukhwaaye, vihikhalle ehache va mmodda ni mukhwaaye.

1 Atesalonika 1:6

Mwaanittakihera hiyaano ni Apwiya. Nave naari mwahoosiwe wunchichi, mwahaakhella othenga ni ohakallalla woovenyera wa Munepa Waweella.

Yakobo 4:5

Muheese wi khamuri yawoona mu mawu a Mulluku awi, “Munepa oyo Mulluku ahiyalleeye mwa hiyaano tti wooddalla ni minkhella ddamasiva.”

Oweeruza 9:4

Yaamuvaha makobiri a Siliva 70 a mu enyumba yoomuvekellamo Baala Beriti ayo Abimeleki ahaalembella ganyu athu oohitthopoowa ni oohipwatha mutteko ayo yamuthwanre.