Mitteko 17:18 - Mawu a Mulluku

¹⁸ Ahuddihi amodda a mulloko wooromolliwa wi Epikureya ni Stoyiki yaakambirana ni Paulooyo. Amoddaayo yaakoha wi, “Muthu oohidduwelloolla anapaalla ollota tini?” Amodda yahaakhulla wi, “Anooneya wonanko anallalleya dda milluku ddeelleto.” Yallotille ddenndda kaambiiwa Paulooyo aallalleya dda Yesu ni ovenya waye wa ookhwa.

Mitteko 17:18 Iomraidhean Croise

Miyambo 23:9

Ohilloteke ddeezeru wa muthu ookarangeya vawi aneerovevulla mawaawo eezeru.

Miyambo 26:12

Ethiyo woomoona muthu oyo anaddeesa eezeru? Muthu ookarangeya ookhalla etiyerello omukhwaranya yooyo.

Mariko 9:14

Yesu ni oohuddera ararwaayo yawiilliiwa ekhalla ni oohuddera amoddaayo, yaawoona athu anchichi ewaaphenlle ni ahuddihi amodda a malamulo evaanyihanaka ni oohudderaayo.

Luka 11:53

Nave Yesu akhumalleeye mpammo, ahuddihi a malamulo ni Afarisi yaamushella murima wunchichi sika yahaamba omukoha makoho manchichi.

Mitteko 26:23

wi Mesiya* aphwanella ohoosiwa nave wi akhalle awaamba ovenya wa ookhwa wi allalleye owala wa Ayuda ni athu ayo ehiri Ayuda.”

Mitteko 4:2

Alliwaalla yaananariwa kaambiiwa amurummwa eellaalla yaanaahuddiha athu wi ttuuvenya wa ookhwa kaambiiwa Yesu aavenyattho wa ookhwa.

Mitteko 5:42

Nave nllapo ni nllapo mu enyumba ya Mulluku ni mu enyumba dda athu yaavirellella ohuddiha ni ollalleya othenga waphaama wa Yesu, Mesiya.*

Mitteko 6:9

Nave aavaanyihiwa ni Ayuda amodda oovenyera o Kurene ni Alekizandriya ayo yavenyera o enyumba yamavekello yooromolliwa wi enyumba yamavekello ya athu oottaphulliwa okaporo. Aanavaanyihiwattho ni Ayuda oovenyera o ezigawo dda Silisiya ni Asiya.* Attheenaalla yahaamba ovaanyihana ni Sitefano.

Aroma 1:22

Alliwaayo enaddeesa tti athu eezeru koma tti ookarangeya.

1 Akorinto 3:18

Ahikhallevo muthu aniilleke yeekhaaye. Muthu mmodda variyari vanyu aaddeesaka wi tti eezeru owaaka ezeru dda ellapo yavattheella, aambe okhalla ookarangeya wi akhallena ezeru.

1 Akorinto 4:10

Hiyaano tti ookarangeya ekaamba ya Khrisitu koma nyuwaano tti eezeru mwa Khrisitu! Hiyaano tti oofooka koma nyuwaano tti amasiva! Nyuwaano munnavahiwa olemu koma hiyaano ninnavevulliwa!

Akolose 2:8

Chenjerani wi vihikhalle mmodda anaweeriheni wi mukhalle akaporo vawuuhollosani ni ezeru ddawoottha ni ddoohikhalla ni mutteko, nnddo ddinavenyera mu ehuddiho dda athu ni ddoovenyera o minepa ddoolamulella dda oddullu ohiri ddoovenyera wa Khrisitu.