Mitteko 17:16 - Mawu a Mulluku

¹⁶ Paulo aatiyereeye Sila ni Timoteo o Atene, aananariwa wunchichi oonilleeye wi muzindooyo waaddalla ni mafano.

Mitteko 17:16 Iomraidhean Croise

1 Mamwene 19:10

Eliya ahaakhulla wi, “Nyu Apwiya Mulluku Amasiva Mattheene, miyaano kohuurumeyellani nyeeneve enthawi ettheene. Koma Aisraele attheene aatathilla echipangano yaakeraatthihalliiwa ni nyuwaano nave aakumulla makuwaanyu ni owiipha anamallotellaanyu ni nsupada mwawi kihanlle meekha. Vano enaashaashattho okumaaka wi ekiiphe.”

1 Mamwene 19:14

Olliye aallota wi, “Nyu Apwiya Mulluku Amasiva Mattheene, miyaano kohuurumeyellani nyeeneve enthawi ettheene. Koma Aisraele attheene aatathilla echipangano yaakeraatthihalliiwa ni nyuwaano nave aakumulla makuwaanyu ni owiipha anamallotellaanyu ni nsupada mwawi kihanlle meekha. Vano enaashaashattho okumaaka wi ekiiphe.”

Masalimo 119:136

Miitthwaaka ennetellella miitthori wonanko muhinje, kaambiiwa athu khenathwara malamulwaanyu.

Masalimo 119:158

Ddinnakinanara kaawaawehaka athu oohiroromelleya vawi khenathwara malamulwaanyu.

Masalimo 69:9

Echikondaaka va enyumbaanyu yookoononga, epewe ya athu awuuvevullani yookimorella.

Yeremiya 20:9

Kallota wi, “Ngiwa kiwuupuwellattho Apwiya, ngiwa killotellattho mu nnddina niwa.” Apwiya, mawaanyu ennakhara wonanko munllo m'murimani mwaka. Kinneeseesa waasunga muwari koma vatulli viwa kinnaakhumiha, oohivillella.

Mika 3:8

Koma miyaano kooddalla ni masiva a Munepa wa Apwiya. Kooddalla ni echilungamo ni ollipa murima wi kaahumullulle a nibanja na Yakobo ekaamba ya ddoolakwa ddiwa nave wi kiwoonihe Aisraele ddoonanara ddiwa.

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Yohane 2:13

Enthawi ya Ehakallallo ya Paska a Ayuda yahaatamella, sika Yesu aaya o Yerusalemu.

Mitteko 17:15

Athu yamuvelleella Paulwaayo yaaphiya o Atene nave yahokollowiiwa, Paulo ahaalleella wi yamulleelle Sila ni Timoteo wi emuthware wenko mwawaakuva.

Mitteko 17:21

(Vawi athu attheene a mu Atene ni alleto yakhalla wenko yaanakonda wiiwa ddeko ddanaanweene erive enthawi.)

Mitteko 17:23

Vawi keetilleemi m'muzindani mwanyummu, koona mapurwaanyu oollapellella, kaaphwanya nikuwa noolembiwa wi, ‘Wa mulluku oohidduwanyeya.’ Vano oyo munamullapelleenyu naari muhimudduwellaka, tti oyo kinamullalleyeemi wa nyuwaano.

Mitteko 18:1

Ddimallille ddenndda Paulo aavenyawo o Atene aya o Korinto.

Mitteko 20:22

Nave vano, moowiiwellella Munepa Waweella kinaya o Yerusalemu, moohidduwella eyo enaakeereyellewo.

1 Atesalonika 3:1

Hiyaano araru attheene khanaaworille ovillella. Sika naaganiza wi athu eelli nihalle weekhiihu o Atene,

2 Petro 2:7

Koma aamuvullusa Loti, muthu oolungama, oyo ahoosiwe m'murimani ni makhallello oonanara a athu oohithwara malamulo.