Mitteko 17:12 - Mawu a Mulluku

¹² Anchichi a yaayo yaakhulupilila nave allopwana ni atthiyana a Egriki ooriiheya anchichi yaakhulupililattho.

Mitteko 17:12 Iomraidhean Croise

Mariko 15:43

Vano Yosefe o Arimateya mmodda oodduwanyeya, a attekweene a millatu a Ayuda,* aaya moollipa murima wa Pilato wi amuveke mutembo wa Yesu. Yosefe nayeenettho aanatiyerella owa wa omwene wa Mulluku.

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

Mitteko 13:50

Nave Ayuda yaaweeriha atthiyana oovuwa ni allopwana oolamulella ayo yahiri Ayuda koma oomullapella Mulluku wi yaambihe waahoosa Paulo ni Baranaba nave owiikarihawo o echigawonko.

Mitteko 14:1

Ddeko ddeereye o Antiyokeya* ddaheereyattho o Ikonio. Paulo ni Baranaba yaavollowa mu enyumba yamavekello nave ellalleya wawi Ayuda anchichi owaakattho athu ayo ehiri Ayuda yaakhulupilila.

Mitteko 2:47

Nave yaanamutitimiha Mulluku nave yaanakondiwa ni athu attheene. Vano nllapo ni nllapo Apwiya yanawaanjerera omullokonooyo ayo yavullusiwe.

1 Akorinto 1:26

Vano asinnaka ni arokoraka, upuwellani enthawi eyo mwiithaniweenyu. Anchichi a nyuwaano khamwaarina ezeru vamiitthoni va athu a va ellapo yavatthi, anchichi khamwaarina masiva, anchichi khamwaayariwe munibanjani noodduwanyeya.

Aefeso 5:14

Vawi erive ello enuupullulliwa phaama ennakhalla mu owala. Ella sika ekaambiiwa onallotiwa wi, “Venya, mullupa ookona, nave venya wa ookhwa, nave Khrisitu aneerewuumolleella.”

Yakobo 1:10

Nave ookhulupilila eeyuuma enapaalleya wi ehakallallekettho Mulluku aavaha murima wawiiyeviha vawi eneeromalla mwawaakuva wonanko malluwa.

Yakobo 1:21

Sika muhiye erive makhallello oonanara navettho erive machimo. Akhellani mwawiithaalla mawu yaayo yaalliwe ni Mulluku m'mirimani mwanyu vawi yaayo sika enaawore wuuvullusani.