Mitteko 16:6 - Mawu a Mulluku

⁶ Yaheeta ovirella mu ezigawo dda Frijiya ni Galatiya kaambiiwa Munepa Waweella wahaahiiha ollalleya mawu a Mulluku mu echigawo ya Asiya.*

Mitteko 16:6 Iomraidhean Croise

Yesaya 30:21

Mwaahapuwellaka onnattanatta apaalle onyotthoni, muneerewiiwa otulli wanyu mawu owuutthoonyihellani ettilla awi, “Ettilla tti yeella, muthwareke yeella.”

Luka 1:2

Yatotenlle ddeko ddennddo nalleelliweehu ni amboni ayo yoonille ddeereyaka vawaambeella ni oollalleya awaamba a othenga waphaama.

Mitteko 10:19

Enthawi yeella Petro aari aganizeraka dda masomphenyanndde, Munepa Waweella waallota wi, “Athu araru enimuupaalla weyaano.

Mitteko 11:12

Munepa Waweella aakilleella wi kaathware kihikhoote. Ookhulupilila Akhwiihu atthanu ni mmodda oovenyera o Yopa yaathanana ni miyaano o Kaisareyanko nave attheenehi naavollowa mpa mwa Korineliyo.

Mitteko 16:7

Yaphiyalliiwa m'malireni mwa echigawo ya Misiya yaapaalla wi eye o echigawo ya Bitiniya koma Munepa wa Yesu waaweeriha wi ehiyeewo.

Mitteko 18:23

Akhanlleeye wenko, aatimulla nave aaya o echigawo ya Galatiya ni Frijiya, aallipihaka murima ookhulupilila attheene.

Mitteko 19:10

Ddenndda ddaheereya wa miyakha miilli, wawi athu attheene ayo yakhalla o echigawo ya Asiya,* Ayuda ni athu ayo ehiri Ayuda, yahiiwa mawu a Apwiya.

Mitteko 20:16

Paulo aapaalla wi eete vakallawani moowaapheella o Efeso wi ahiselliwe mu echigawo ya Asiya. Ahaakuvella o Yerusalemu wi wakhalla wooworeya aphiyewo va nllapo na Pentekosite.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Mitteko 20:4

Yamuvelleelle yaari Sopatere mwaana a Piro a o Bereya, Aristariko ni Sekundo a o Tesalonika, Gayo a o Derbe Timoteo ni Tikiko owaakattho Trofimo a o Asiya.*

Mitteko 21:27

Nave mallapo matthanu ni meelli a oddeelliha yahaanlliiwa vang'ono omalla, Ayuda amodda oovenyera o echigawo ya Asiya* yaamoona Paulo mu enyumba ya Mullukummo. Yahaakopa athu attheenaayo nave yaamuphara Paulo.

Mitteko 6:9

Nave aavaanyihiwa ni Ayuda amodda oovenyera o Kurene ni Alekizandriya ayo yavenyera o enyumba yamavekello yooromolliwa wi enyumba yamavekello ya athu oottaphulliwa okaporo. Aanavaanyihiwattho ni Ayuda oovenyera o ezigawo dda Silisiya ni Asiya.* Attheenaalla yahaamba ovaanyihana ni Sitefano.

Mitteko 8:29

Nave Munepa Waweellooyo aallota ni Filipo wi, “Khawe waatamelle va vanigaretanimvo.”

Aroma 16:5

Mukivelleellellettho mooni athu a mpingo oyo onatthukumana mpa mwiwa. Mukivelleellelle mooni wa Epeneto, mukhwaaka kinamukondeemi, oyo aari awaamba omukhulupilila Khrisitu o Asiya.*

1 Akorinto 12:11

Nave tti Munepa mmoddave yooyo aneera ddittheddenenndda. Annavaha emphaso yoohiyanahiyana wa arive muthu mmo anapaallelleeye.

1 Akorinto 16:1

Vano kinaaka mudduwelle dda ddoovelleella makobiri awaakavihera athu a Mulluku o Yudeya nnddo mwalembilleenyu. Munaphwanella weera kalamulalleemi mipingo mu Galatiya wi ddeere.

1 Akorinto 16:19

Mipingo dda mu echigawo ya Asiya* ddinnuuvahani mooni. Akwila, Prisila ni mpingo onatthukumana mpa mwiwa ennuuvahani mooni wunchichi mu eyaattano ni Apwiya.

2 Akorinto 1:8

Asinnihu ni arokorihu, ninaaka mudduwelle dda ddoohoosa noonilleehu mu echigawo ya Asiya.* Ddoohoosa ddahu ddaari dduullupalli ohiyana ni masivaahu. Nave khanaadduwella wi apaalle nineerokhalla ni okumi.

Agalatiya 1:2

Miyaano vamodda ni asinnaka ni arokoraka attheene ayo eri vaava ninnuvahani mooni. Kinuulembellani kalatoolla nyu athu a mipingo dda o Galatiya.

Agalatiya 3:1

Agalatiya ookarangeya nyu, nyuwaanothi moollowiwa! Mwaalleelliwa phaamaddene dda otthomeyiwa vamutandani wa Yesu Khrisitu!

2 Timoteo 1:15

Onnadduwella wi attheene a mu echigawo ya Asiya* yaakikhoota miyaano, mwa yaayo mmodda aari Figelo ni mmodda aari Heremogene.

2 Timoteo 4:10

Dema aakonda dda ellapo yavatthi nave ookihiya miyaano aya o Tesalonika. Kresike akelle o Galatiya nave Tito akelle o Dalamatiya.

Aheberi 11:8

Ekaamba ya echikhulupililo, Abrahamu aamwiiwellella Mulluku amwiithanilleeye wi aye o ellapo eyo amulonjezilleeye wi enaakhalle yaayeyaaye. Naari ahidduwenllewo nko anayeeye, ayaawove.

1 Petro 1:1

Ovenyera wa miyaano Petro, murummwa a Yesu Khrisitu. Kinalembella wa athu ootthoolliwa a Mulluku ayo enakhalla wonanko athu oothawa owaniwa ayo epallalleyelle mu echigawo dda Ponto, Galatiya, Kapadokiya, Asiya* ni Bitiniya.

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,