Mitteko 16:34 - Mawu a Mulluku

³⁴ Vano ahaakusa Paulo ni Sila ayaana owaniwa aavaha yoocha. Nave olliye ni nibanja naye yaahakallalla ni murimiiwa muttheene kaambiiwa yaamukhulupilila Mulluku.

Mitteko 16:34 Iomraidhean Croise

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

Filemoni 1:7

Vawi mwanamunnaka, echikondaawo yookihakallalliha ni okillipiha murima wunchichi! Nave wohaallipiha mirima athu a Mulluku.

Aroma 5:11

Khe yeeyove komattho ninnahakallalla mwa Mulluku oweella mwa Apwiihu Yesu Khrisitu oyo anaattanihalle ni Mullukooyo.

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

1 Yohane 3:18

Anaaka, echikondaahu ehikhalleke ya mawuve ni ddoollotave koma enaphwanella ekhalleke echikondi yawoona, eyo enooneya ni ddaweereya.

Afilipi 4:17

Khehiyo wi kinapaalla waakhella emphasove koma kinapaalla wi koone mwaakhellaka madaliso ekaamba ya ovaha wanyu.

Afilipi 4:4

Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!

Aroma 5:2

Kaambiiwa naamukhulupilila Yesu Khrisitu aaneeriha wi noonena echisomo ya Mulluku, eyo eri matthipellellwaahu. Nave vano ninnahakallalla wi ninnatiyera okhalla ni ntitimiho na Mulluku!

Mitteko 11:14

Aneerollota wi weyaano ni nibanja nawo nittheene muvullusiwe.’

Mitteko 8:39

Yakhumalliiwa m'maaddinimmo, Munepa a Apwiya aamukusavo Filipooyo. Muullupallooyo khaamoonille wiilli nave aavirellella olendwaaye addalliwe ni ehakallallo.

Luka 19:6

Zakeyu ahaakuva, akittha nave amwaakhella Yesu onyumbani waye moohakallalla.

Luka 15:32

Sika onnaphwanella wi nihakallalle, vamachellelloni kaambiiwa mwanamunno aari wonanko ookhwa, vano tti mukumi. Aarimeella, vano oophwanyeya.’ ”

Luka 5:29

Nave Levi aamukhozera Yesu machellello onyumbani waye. Nave wenko waakhalla mulloko muullupalli wa ookhomiha misonkho ni athu amodda ayottho yachille ni alliwaayo.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yesaya 55:12

Nyu athwaaka, Muneerovenyawo o Babiloni moohakallalla, eneerewuukhumihani m'muzindanimmo mwamurendelle. Miyaango ni asimiyaango ddineerowiipellani nchipo, miteekho ddamuhakani ddittheddene ddineerowoopellani m'mattani.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

Mitteko 16:15

Olliye ni athu a nibanja naye ebatiziwe, aaniithana mooniwatihera wi, “Waawoni mukhalle mpa mwaka mwaarimi mwaakhullenlle wi kiri muthu ookhulupilila mwa Apwiya.” Nave aaniwatihera wawi nahaakhullella wi nikhalle ni olliye.

Mitteko 16:35

Osaka wene attekweene a millatu yahaarumiha akhoto wi yallote wi, “Attaphulleni athwaayo eroweke.”