Mitteko 16:15 - Mawu a Mulluku

¹⁵ Olliye ni athu a nibanja naye ebatiziwe, aaniithana mooniwatihera wi, “Waawoni mukhalle mpa mwaka mwaarimi mwaakhullenlle wi kiri muthu ookhulupilila mwa Apwiya.” Nave aaniwatihera wawi nahaakhullella wi nikhalle ni olliye.

Mitteko 16:15 Iomraidhean Croise

Genesis 19:3

Loti ahaawatihera waaveka nave vatulli viwa alliwa yahaakhullella oya o enyumba ya Loti. Sika vano Loti ahaakhozella machellello nave aawaapeyella buledi oohikhalla ni yisiti navettho ahaakhozella yoocha yooddiva wunchichi, sika athwaayo yaacha.

Genesis 33:11

Kinimuuvekani wi mwaakhelle emphaso kuukusellemineella. Mulluku aakeerella echifundo nave aakivaha ddoopaalleya ddaka ddittheddene.” Yakobo aavirellella omuwatihera, ophiyera Esau ahaakhella.

2 Mamwene 4:8

Nllapo nimodda Elisha aaya o Shunemu nko wakhalla mutthiyana mmodda eeyuuma. Mutthiyanooyo aamuwatihera Elisha wi ache yoocha onyumbani waye. Sika Elisha aavirellaka ettilla yeeyo, enthawi ddittheddene aanahapuwa onyumbaninko anacha yoocha.

Mateyu 10:41

Oomwaakhella namallotella kaambiiwa tti namallotella, aneerothuviwa moollikana ni namallotella. Nave oyo anamwaakhella muthu oolungama kaambiiwa tti oolungama, aneerothuviwa moollikana ni muthu yooyo.

Mateyu 3:6

Yaalapa machimwiiwa nave ahaabatiza athwaayo mu Yordani.

Luka 14:23

Nave apwinnyaalle yaamulleellattho mullupa muttekoolle wi, ‘Khawe omisewuni ni ettilla dda otte wa etawoneella nave waawatihere athu wi ewe ophiyera enyumbaakeella eddanlle.

Luka 24:29

Koma alliwaayo yaamuwatihera wi, “Mukhalle ni hiyaano wuno vawi nndduwa nimmavollowa nave wohaamba khalle oripa.” Sika aavollowa akhalla ni alliwaayo.

Mitteko 11:14

Aneerollota wi weyaano ni nibanja nawo nittheene muvullusiwe.’

Mitteko 16:31

Paulo ni Sila yaamwaakhulla wi, “Khulupilila mwa Apwiya Yesu nave oneerovullusiwa, weyaano ni nibanja nawo.”

Mitteko 16:33

Mahiiyu vaavo ooweherooyo ahaakusa Paulo ni Sila aahuwa makhwatiiwa. Nave olliye vamodda ni nibanja naye yaabatiziwa.

Mitteko 16:34

Vano ahaakusa Paulo ni Sila ayaana owaniwa aavaha yoocha. Nave olliye ni nibanja naye yaahakallalla ni murimiiwa muttheene kaambiiwa yaamukhulupilila Mulluku.

Mitteko 18:8

Krispo oyo aari muttekweene a mu enyumba yamavekello, aakhulupilila mwa Apwiya vamodda ni nibanja naye nittheene. Nave athu amodda anchichi a o Korinto ayo yiiwalle mawu a Paulo, yaakhulupilila nave yaabatiziwa.

Mitteko 8:12

Koma yakhulupililalliiwa othenga waphaama dda omwene wa Mulluku ni dda Yesu Khrisitu woollalleyiwa ni Filipo, yaabatiziwa allopwana ni atthiyaneene.

Mitteko 8:38

Muullupallooyo ahiimesa nigaretanno nave Filipo ni muullupallooyo yaakitthella m'maaddinimmo nave Filipo aamubatiza.

Aroma 16:23

Gayo, oyo anakirumeyella miyaano vamodda ni mpingo muttheene mpa mwaye, annuuvahani mooni. Erasito, oosunga makobiri a m'muzindani ni Kwarto mwanamunnihu, ennuuvahani mooni.

2 Akorinto 12:11

Kineera wonanko ookarangeya koma tti nyuwaano mwakiwatihenre. Nyuwaano sika muphwanenlle okitetheella. Vawi naari kiri oohikhalla ni mutteko, amurummwaanyu uullupallaalle khenakikhwaranya miyaano.

2 Akorinto 5:14

Ninalamuliwa ni echikondi ya Khrisitu vawi ninnasimikiza wi muthu mmodda aakhwa ekaamba ya athu attheene, sika attheene yaakhwana.

Agalatiya 6:10

Sika vano nakhalla ni enthawi ninaphwanella neereke ddaphaama wa arive muthu nave makamaka ayo eri a mu nibanja nahu na echikhulupililo.

Aefeso 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku. Kinalembella wa athu a Mulluku o Efeso ookhulupilila ni ayo eri mu eyaattano ni Yesu Khrisitu.

Afilipi 1:7

Kinnawuupuwellani enthawi ddittheddene! Nave vano nginalakwiha oganiza mwawi ddiidda dda nyuwaano attheene kaambiiwa nyuwaano munnakeerengella. Vawi nyuwaano mookikaviherana mutteko yoolla Mulluku akivahilleeye mu echisomwaaye, kiriimi mundende ni enthawi kaariimi oottaphulliwa wi koonihe ddawoona dda othenga waphaama ni owuteteza ni owuukeraatthiha moollipa.

Filemoni 1:17

Vano waakoonaka miyaano wonanko mukhwaawo oomurumeyella Khrisitu, omwaakhelle olliyoolla wonanko mmo wakaakhellelleewe miyaano.

Aheberi 13:2

Muupuwelleke owaakhella phaama alleto owaninyu. Vaweerani nndda amodda yaawaakhella angelo moohidduwella.

1 Petro 5:12

Kuulembelleni kalata ookhuveyoolla mookaviherana ni Silivano oyo kinamweereemi mukhwaaka oororomelleya. Kinapaalla kuullipiheni murima voovelleellani ombonaaka wi ella sika echisomo ya Mulluku yawoona. Mwiimelle mwa yeeyo moohitikheya.

2 Yohane 1:10

Sika vano, mmodda awa wa nyuwaano ahiwaana ehuddiho yeella, muhimwaakhelle mpa mwanyu apaalle omvaha mooni.

3 Yohane 1:5

Mukhwaaka ookondiwa, onnaroromelleya vawaakaviherani ookhulupilila akhwaawo naari amodda mwa alliwaayo eri alleto.

3 Yohane 1:8

Sika, hiyaano ookhulupilila ninaphwanella waakavihera athu yaalla wi niphareke mutteko nimodda voovuwihani yawoona.

1 Samuele 28:23

Saulo aakhoota voollotani wi, “Mi ngicha iyaayi.” Koma enduna ddaye ni mutthiyanoolle yaamuwatihera nave aawiiwellella. Sika aavenya vatthi akonaatthilleeye valle akeraatthi vabedini.