Mitteko 15:9 - Mawu a Mulluku

⁹ Mulluku khananihiyaniha hiyaano ni alliwaayo, ahaakhululukella machimwiiwa kaambiiwa yaakhulupilila.

Mitteko 15:9 Iomraidhean Croise

Masalimo 51:10

Mukiphatuselle murima waweella, nyu Mulluku, muhiye mwa miyaano murima wanaanweene ni wookeraattheya.

Ezekiele 47:22

Muyikawe wi ekhalle yoohallanaanyu. Ekhallettho ya alleto ayo eri variyari vanyu, yaayarelle anamwani variyari vanyu. Alletwaayo eneerokhalla ni nyuwaano wonanko aneetthi a mu Israele. Eneerovahiwa yoohallaniiwa vamodda ni nyuwaano.

Mitteko 10:15

Mawaalle yahiiweya wiilli ellotiwaka wi, “Oheereke yoonanara eyo yeellihiwe ni Mulluku.”

Mitteko 10:28

Allota wi, “Nyu nyookha munnadduwella phaama wi Muyuda khanaakhullelliwa ni malamulwaaye oweetella apaalle waattana ni athu ayo ehiri Ayuda. Koma Mulluku ookooniha miyaano wi kihimweere arive muthu oonanara apaalle ooheellihiwa.

Mitteko 10:34

Petro ahaamba ollota wi, “Ddawoona, vano kohiiwesesa wi wa Mulluku athu attheene tti oophwanaphwana.

Mitteko 11:12

Munepa Waweella aakilleella wi kaathware kihikhoote. Ookhulupilila Akhwiihu atthanu ni mmodda oovenyera o Yopa yaathanana ni miyaano o Kaisareyanko nave attheenehi naavollowa mpa mwa Korineliyo.

Mitteko 14:1

Ddeko ddeereye o Antiyokeya* ddaheereyattho o Ikonio. Paulo ni Baranaba yaavollowa mu enyumba yamavekello nave ellalleya wawi Ayuda anchichi owaakattho athu ayo ehiri Ayuda yaakhulupilila.

Mitteko 14:27

Yaphiyalliiwa o Antiyokeya, yahaatthukumaniha athu a mpingo vamodda yaalleella ddittheddene Mulluku eerilleeye oweella mwa alliwaayo. Nave yahaalleellattho mmo Mulluku aworelleeye wi athu ayo ehiri Ayuda ekhulupilile.

Aroma 3:22

Koma Mulluku annaalungamiha athu ekaamba ya echikhulupililwiiwa mwa Yesu Khrisitu. Mulluku aneera yeella wa athu attheene enakhulupilila mwa Khrisitu kaambiiwa khuwaavo ohiyana variyari va Ayuda ni athu ayo ehiri Ayuda.

Aroma 3:9

Nave vano, ethiyo hiyaano Ayuda niri aphaama waakhwaranya athu ayo ehiri Ayuda? Khe ddiiddo! Koollota khalle wi Ayuda ni athu ayo ehiri Ayuda enalamulelliwa ni machimo.

Aroma 9:24

Vawi hiyaano tti athu ayo aawiithanneeye, ohiri ovenyera variyari va Ayudave navettho ovenyera variyari va athu ayo ehiri Ayuda.

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

1 Akorinto 7:18

Mullopwana oophaddiwa iithaniwa ni Mulluku, khanaphwanella otthattusa ophaddiwanko. Mullopwana oohiphaddiwa iithaniwa ni Mulluku, khanaphwanella ophaddiwa.

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Aefeso 3:6

Yoovittheyeeyo tti yawi mwa othenga waphaama athu ayo ehiri Ayuda ni Ayuda eneerewaakhellana madaliso a Mulluku, yaayo tti mwiilli mmodda nave ennattakanyiherana mu lonjezo nno Mulluku ennreeye oweella mwa Khrisitu Yesu.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.